دخل خالد عليهم الاستراحه وكلهم انصدمو وتوترو لما شافوه
خالد: شفيكم كذا مصدومين اشكالكم تضحككك
حامد: الله يخرش ابليسك حسبتك عمي
كان خالد يشبه اخوه عبدالله كثييير ومايفرقون بينهم
خالد: شفيكم ترا ماشببهه مره حسستوني ماعرف الاستراحه وجمعاتكم
سعود: لا بس استغربنا لانك من زمان ماجيت ونسحبك مابتجي
خالد: لا بس طفشت والله وقلت امر عليكم
سعد: شدعوه حياك الله
خالد: اي زين احترم عمك
سعد: تخسي قلتها بالغلط
خالد: والله لاقول لابوك عليك يعلمك تحترمني كيف
سعد: يلا رح علمه
سعود: اهجدو ياعيال شرايكم اعلمه ولا لا؟
سعد: لا مايستاهل
خالد: خير تخفون عن عمكم شي! سريع علم
سعود بدى يقوله شصار والاحداث الي صارت
عند البنات
ريماس: اوووفف الساعه 7 ياوييلنا من ابوويي
الهنوف: وش بيسوي يعني عادي بنات عم
مرام: تكفووون اقعدو تعشو هنا معانا نخلي العيال يجيبون لنا ونسهر
ريوف: مستحيل ابوي يوافق
ريماس: بدق عليه انا
دقت ريماس على ابوها
ريماس: يبه
عبدالله: هلا يبنتي يلا ترا انا الي جاي اخذكم شوي واكون عندكم تو طلعت من البيت
كان بيت عبدالله واخوه عبدالرحمن عند بعض بينهم مسافه قصيره
ريماس: يبه لاتجي بنسهر شوي مع البنات وبنتعشى معهم تكفى
ريوف: اي يبه من زمان عنهم
عبدالله: لا لا مستحيل الحين جاي اخذكم واصلا ياريوف بنكلمك انا وامك بموضوع
ريوف بأستغراب: شسالفه وش موضوعه!
ريماس: وش هو يبه
عبدالله: بتعرفون الحين جاي اخذكم
قفلت المكالمه ريماس
الهنوف: غريب وش موضوعه الي بيكلمك فيه
ريوف: مادري بس بديت اشك بشيء
ريماس:ليكون الي فبالي
ريوف: اتوقع والله وردي مستحيل بيتغير
مرام: وش الي فبالكم علمونا
ريوف: اصبرو اذا هو اكيد اقولكم
ريماس: اتوقع جاي خطيب لريوف
ريوف: وش خطيبه مستحيل اوافق اقولك
الهنوف: لا لا ان شاءالله خير
ريوف: ماظن بس يلا بنروح
بسمه: يلا وراسلونا قولو شسالفه
ريوف بأبتسامه: معليك
ودعو بعض البنات وراحو
فالسياره عند ريماس وريوف
ريوف: وش هو الموضوع خرشتني
عبدالله: والله شوفي يابنتي خلينا نوصل البيت ونتكلم مع امك
ريوف عرفت الموضوع وتأكدت وقالت: طيب
وصلو البيت الي كان مايبعد غير شوي عن بعض واجتمعو فالصاله كل العايله
ريوف: يلا ماودكم تفتحون الموضوع اخلصو شعندكم!
ام ناصر: اسمعي يابنتي ابو محسن يبيك لولده.... قاطعتها ريوف وقالت: شوفي يمه انا قراري اكيد وقلت الي قلته من قبل
سعد: يبه ويمه مستحيل تزوجونها بالغصب قرار البنت وخلاص لاتغصبونها
ريماس: ايوالله وانا مع اختي
ابو ناصر: شوفي ياريوف حبيبتي انتي محسن مافيه مثله هو وابوه ولقيتي الزوج الصالح اما نجي لسعود تدرين مابزوجك اياه للظروف واسمعي كلامي ووافقي وبس بتكون خطبه الزواج بعدين بيكون متى ماتبين اتفقنا؟
ريوف بضيقه وماتدري شتسوي وتعز ابوها وماودها يتفشل عند الشيخ ابو محسن لانها كم مره رفضته وبان الزعل على ابوها وقالت: خلاص يبه موافقه وبس هذا عشانك مابيك تتفشل عند ابو محسن وبس بيكون خطبه الزواج متى مابي
ريماس بصدمه: ريووووف شتقولين انتي!
ريوف والدموع تتجمع بعيونها: اسكتي ريماس وانا قلت الي بقوله
ابو ناصر بفرحه: تأكدي يابنتي اخترتي القرار الصح وانا وراك بكل شي
اكتفت ريوف بأبتسامه تسليكيه وراحت لغرفتها وريماس لحقتها
سعد طلع لبرا وهو الضيقه واضحه عليه ومايدري شيقول لسعود صديقه والي يعتبره اخوه وتنهد بضيق وقال بينه وبين نفسه: اسف سعود والله اسف مابيدي شي
ليان: شسالفه
ام ناصر: توك تصحين ولا تدرين عن شي!
ليان: تكفون والله كنت سهرانه وتو اصحى علموني شصايرر!!!
ام ناصر: روحي فوق لريماس وريوف وبتعرفين
عند ريماس وريوف
ريماس: صاحيه انتي لييه توافقيييننن ماعرفتك والله
ريوف: خلاص لاتصارخين علي ماتدرين ايش احس فيه!
دخلت عليهم ليان وهي مصدومه من بكاء ريوف
ليان: هييي شصاير تكفون علموني
ريماس: صح النوم تو تصحين ولا تدرين عن شي!
ريوف: خلاص اجلسي هنا وبعلمك
ليان: يمممه دقيقه انتي وافقتي على محسن المصدي ورحتو عند الهنوف ومرام كل ذا صار وانا نايمه شكلي كنت بغيبوبه والله
ريماس: اي ومستغربه والله تراك نايمه يوم كامل
ليان: اووف ترا كنت مواصله الا انتي خير شعندك توافقين على محسن وسعود شصار عليه!
ريوف: لولي والله مادري خفت افشل ابوي تعرفين كم مره ماوافقت وهو زعل وهالمره قلت بوافق واصلا سعود بقلبي مستحيل انساه وهي خطبه بس يمكن يصير شي ويتصالحون ابوي وعمي ماتدرين
ليان: طيب انتي فكرتي اذا عرف سعود شبيصير!
ريماس: اي مافكرتي والله بيصير شي للولد تعرفين حبه لك
ريوف: اووففف خلاص اطلعو برا بفكر انا تعبتوني ياخي
ليان: ابد ماتوقعته منك
طلعو البنات من الغرفه
ريماس: تتوقعين صار شي وخلا ريوف توافق؟
ليان: حتى انا حسيت بس مادري ياخي المهم جوعاانننه فيه اكل
ريماس وهي تضحك: كلن على همه سرى
جاء الليل ووقت النوم وكل الحاره فبيوتهم محد طالع برى ابد والشوارع فاضيه
فبيت ابو فهد عند سعود وهو يحاول ينام بس حاس بشيء ثقيل على صدره ومتضايق ولا يدري ايش سبب الضيقه
-
انتهى البارت
______
تعالو انستا انزل فيه اوقات عرض البارتات واشياء حلوه🫶🏻
