اول شي قبل لاتبدون قرايه الروايه مرره معليش على القطعه كنت مشغوله بس انتو ماقصرتم قعدتو تكتبون الين مارجعت المهم رجعت لكم فبارتات تحمس اكثر من الي قبل وبس والله قرايه ممتعه🫶🏻
-
بعد ماقالت لهم ريوف كل شي البنات قعدو يصارخون
ريماس:تمزحينن!
مرام: يمه مسلسل صدق
الهنوف: خلاص تزوجو والمهر علي حتى اكلكم انا اسويه
جت بسمه دخلت: شسالفه شصاير مهر مين!
ريوف: بنات خلاص بلا استهبال وانتو تعرفون مستحيل بيصير الي فبالكم
مرام:ياهووه نسوي اي شي معليك لحد يتصالحون
بسمه:فهمووونيني!
الهنوف: شوفي اول شي
قالت لها كل شي صار
بسمه صارخت: يمممه كيفف كذااا
ريوف: قصري صوتك خيرر
بسمه:والله من الوناسسه مو مصدقه
ريماس: كلنا مو مصدقين بس الحين شنسوي لازم نلقى خطه نصالحهم
الهنوف: اي صح وخلونا نتفق مع الاولاد بعد لان مايفيدد لازم نعرف ايش صار
ريوف: خلاص انا بخلي سعود يقول لهم ونسوي قروب يجمعنا شرايكم
بسمه: وكيف بتقولين له ياذكيه انتي
ريوف وهي تضحك: اخذ رقمي ماتدرين
بسمه: اوووف حركاتتت وليه تو ادري
ريماس: كلنا تو درينا ترا يلا راسليه وقولي له
ريوف: لازم هو يراسلني لان هو الي اخذ رقمي ماعرف رقمه
مرام: خلاص ننتظر لحد مايراسل ونقول له
ريوف بغيره: وش نقول له انتي
مرام: ياحبيبتي تراه اخوي وكل يوم اشوفه بعد وضحكت وقالت بدددت الغيررره هااه
الهنوف: حركات تغارين من اخته ماتوووصل
ريوف وهي تضحك: استهبل استهبل
مرام: ندري
وجلسو يكملون سوالفهم
ابو عبدالله كان فالسوق عند الخضار
جاء ابو محسن عند ابو عبدالله
ابو محسن: سلام عليكم
ابو عبدالله وهو مبتسم: ياهلا وعليكم السلام
ابو محسن: شالاخبار شلون بناتك وعيالك طمنا عنهم
ابو عبدالله: ابد والله كلنا بخير وعافيه وانت شخبارك شالحال
ابو محسن: الحمدلله الا اقولك بنتك ريوف ماجاها احد يخطبها ولا تقدم لها
ابو عبدالله: لاوالله وهي عاجبها وضعها وتعرف ماتبي غير سعود ولا نقدر نسوي شي
ابو محسن: مافيه امل تقنعها تاخذ محسن والله محسن مايبي غيرها وهو كبر ف لازم نزوجه ويشوف حياته
ابو عبدالله بضيقه: والله الود ودي بس رأي البنت مانقدر نسوي شي بس بنكلمها اليوم انا وامها عشان خاطرك وماهو حاصل الا الخير
ابو محسن: بس لاتشد عليها اذا ماتبي بكيفها مانبي نزوجها ولدي بالقوه وبعدين بتعيش معه طول حياته
ابو عبدالله: ابشر معليك بنكلمها اليوم ونرد لك خبر
ابو محسن اكتفى بابتسامه وراح
عند العيال بالاستراحه وكان مابقى شي على صلاة المغرب:
كان قاعد سعود قاعد لحاله وينتظر العيال يجون ويهوجس بريوف والي صار ويبتسم
دخل سعد للأستراحه وضرب سعود ضربه خفيفه على راسه: شعنده الحلو يفكر ويبتسم
سعود: اح وش هالضربه حصى مو يد
سعد وهو يضحك: الا اقول شفيك تبتسم علمنا
سعود: والله شوف مدري كيف اقولك
سعد بخوف: ياولد علمني شصاير لاتوترني
سعود: لا مايوتر الا العكس يونس خل العيال يكتملون واقول لكم مع بعض
سعد: ياهووه علمني شصاير ليكووون عمي وابوي تصالحوو ولاعرفت شي!
سعود: لا وين ليييتتتت صار كان كل شي بيكون حلو
سعد: اخلص طيب شسالفه
دخلو العيال مع بعض الاستراحه كلهم
حامد: وش السالفه ليه قايل لنا نجتمع
سعد: شكله ابوي وعمي تصالحووو!!
فهد: ايششش كيف تمزح
سعود: لا لا وش تصالحو من وين جبتها انت
سعد: يقول ان عنده شي يونس عاد مدري ايش مو راضي يقولي غير لما نكتمل
فيصل: الله اخيرا خبر حلو وش هو اخلص
سعود شوفو اول شي....... وقال لهم كل شي بالتفصيل
سعد: خيييررررر شايف اختي!!!! وانت مو محرم لها ولاشي!
سعود: وانا توقعتك تستانس اهجد بس بالصدفه ترا
سعد: يعني واذا شفتها بالصدفه قعدت تسولف معاها ليه!
فهد بعصبيه: يالي ماتسحتي على وجهك شمسوي انت وحاشرها بغرفه بعد هااه! لو درى ناصر تعرف شبيسوي فيك!
فارس: بالعكس وناسه شاف حب طفولته
فيصل: الله تخيلو لو يكون عندي حب طفوله واشوفها بالصدفه صدق مسلسل
فارس: مشاءالله عليك وتقول هذا عند اخوك اكبير!
فيصل: اخوي الكبير؟ اسم بس تراه ولا انت اصغر مني
سعود: خلاصصص صدعتو براسي شفيكم الشرهه علي اقولكم واعتبركم اخواني واخر شي كذا تهاوشون
سعد: تراه مزح ولا انا مستانس مع معصب
سعود: اشوا المهم انتو معي ولا لا!
فهد: انا طلعوني من السالفه وسوو الي تبون مالي دخل فيكم ولو درى ابوي تعرف شبيصير
سعود: ماهو بداري لو سكتو كلكم
فهد: يلا انا استأذنكم وسوو الي تبون مالي شغل ولاتدخلوني عندي عايله انا!
سعود: شدخل العايله
حامد: مدري عنه
دخل خالد عليهم الاستراحه وكلهم انصدمو وتوترو لما شافوه....
-
النهايه
هالبارت قصير بس عشان اذكركم اني مانسيتكم ولا الوعد اليوم فالليل ان شاءالله بنزل بارت ومليييان احدداث🫶🏻
