سعود: وش تبي جاي لاحقني
سعد: ترا امزح معك ماتوقعت تزعل كذا
سعود: مازعلت انت ومزحك البايخ واي صح للحين مانسيتها ولا بنساها فهمت وماعلي يصير الي يصير احبها من الطفوله والحين تبوني اتخلى عنها وانساها؟ لا مابيصير رفضت كل البنات الي جابتهم امي اتزوجهم عشانها واذا زاد الوضع عن حده كذا بروح اخذها واتزوجها وماعلي من ابوي ولا احد خلاص فهمت
سعد مستغرب من كلامه وحبه لريوف: عارف والله وكلنا عارفيين انك ماتبي غيرها بس خلاص انت كبرت وبعدين اكيد بيجي اي احد يخطب ريوف وابوي بيعطيها قاطعه سعود وقال..
ضحك بسخريه: اي احد يخطبها هاه وبتعطونه! انا الي احبها من صغري عارف ان هي ماتحب غيري ولا بنكون الا لبعض فاهم وخله يجي الي بيخطبها انا اعرف شسوي فيه بيندم انه جاء
سعد: خلاص زودتها تراها اختي وهد صوتك فاهم ولا بيصير شي ولا احد بيخطبها تعرفها مستحيل توافق
سعود تنهد بضيق وقال: خلاص انا رايح للبيت قول للعيال كذا وراح...
رجع سعد للاستراحه وشافوه العيال سعود مو معاه وقال فهد:
سعود وينه مو قلت بشوف شفيه
سعد: مافيه شي وراح للبيت
استغرب فهد وقال: خلونا نكمل لعب، كانو يلعبون ورقه بلوت
عند عائله ابو فهد:
كانو كلهم يتقهوون بالحوش حق البيت مجتمعين وناظرت ام فهد لمرام وقالت: كلمتي حنين تنزل تقهوى معانا؟
مرام: اي كلمتها تقول بس تخلص البسبوسه وبتنزل بعد شوي
ام فهد: زيين
دخلت حنين البيت وشافتهم كلهم مجتمعين وجت شوق تركض وراحت لجدتها ام فهد: جده جده شوفي وش رسمت
ام فهد تبتسم: ياهلا والله ببنتي حنين وشواقتي وريني شرسمتي
حنين اكتفت ببتسامه وقالت بروح اساعد الهنوف بالمطبخ...
شوق: شوفي هذا سعود اخوي وهذي ريوف شرايك
مرام جلست تناظر وتضحك وقالت: واو وريني بشوفها وصورتها عشان ترسلها لريوف
ام فهد مستغربه وجلست تناظر بابو فهد عشان مايعصب لا يكره طاري اخوه وعايلته وقالت: الله مره حلو ابدعتي شطوره
ابو فهد ماسك نفسه لايهاوش عشان شوق ماتزعل
شوق وهي فرحانه : جده وين سعود بوريه الرسمه اكيد بتعجبه
ام فهد: راح عنده شغل شوي وبيرجع يقول وبتورينه تمام يابنتي؟
شوق تبتسم فرحانه: هيي وناسه
وجت الهنوف ومعاها حلاها هي وحنين وقعدو يتقهوون بالحوش..
كانو البزران يلعبون كالعاده بالديره مع بعض وطلعت تلعب معاهم شوق وراحت عند مازن وتوريه الرسمه:
شوق: شوف رسمت عمي سعود وريوف
مازن بفرحه: حلوه اكيد ارسلك سعود تعطيني واعطيها ريوف صح
شوق: لا مارسلني ولاشي حتى ماوريته
مازن: خساره كنت ابغى حلاو!
كانو اذا بيتراسلون ريوف وسعود يرسلون لبعض رسايل عن طريق البزران ويعطونهم حلاوه عشان يسمعون الكلام وهم تعدو ولا يقولون لاحد
شوق: اممم عندي فكره عندي فكره
مازن: وايش هي
شوق: اعطيك الرسمه وتعطيها ريوف تقول من سعود وهم مايدرون بعدين نجيهم نخدعهم ويعطوننا حلاو
مازن وهو يبتسم: واو بس اخاف يهاوشوننا بعدين ولايعطوننا حلاو
شوق بارتباك وخوف: لا اكيد يعطوننا خلنا نجرب
مازن: يلا عطيني الرسمه بس اذا اكشفنا اقولهم انتي الي جبتيها
شوق تبتسم وهزت راسها بمعنى تمام وراحت تركض تلعب
نجي عند مريم اخت الاخوان فبيتها كان يدق الباب:
مريم؛ يابسمه روحي شوفي مين عند الباب اكيد من بزارين الديره يبون حلاو
بسمه: يلا يمه
وراحت تفتح الباب بس انصدمت مين لقت عند الباب....
مريم: هاه مين جاء
كان ابو فهد عند الباب ويناظر ببسمه مصدومه وقال: ماتبين تدخلني يعني وبعدين ليه ماسلمتي علي!
بسمه جتها لحظه ادراك: اءء شسمه يمه خالي عبدالله جاء وقالت ياخال والله انصدمت لانك اول مره تجي هنا وراحت حضنته وسلمت عليه
مريم بأستغراب: غريبه ياعبدالله جيت بيتي اول مره
ابو فهد: وش يعني مازور بيت اختي ولا اسلم عليها!
مريم: لا ماقصد كذا عارفني بس انصدمت يابسمه روحي ركبي القهوه لخالك
بسمه: يلا رايحه
كان راجع لبيته ومتضايق من سوات سعد ومايدري وش يسوي ولقى مازن يركض وناداه
وجاء مازن عنده
سعود وهو يحضنه كيفك مازن
مازن كان مخبي الرسمه وراه وقال: الحمدلله وراح بيركض ومسكه سعود وخاف لايشوف الرسمه
سعود: وش الي ورا يدك ورني
مازن: ولاشي فكني فكني
سعود: خلاص بفكك بس ورني
مازن دفاه وركض..
سعود شك ان وراه شي وراح ولقى شوق تلعب وناداها وجت تركض وتقول عمممي سعووود جاء عممي
سعود: ياوردة عمها انتي وباسها مع خدها
سعود وهو يسأل شوق ويقول: امك موجوده داخل؟
شوق: ايوا ماما موجوده وجده وجدي كلهم فالحوش
سعود ابتسم وتركها وراح للديوانيه بما ان حنين بالحوش ولا يقدر يدخل داخل
جاء مازن بيعطي ريوف الرسمه ودخل داخل وكان حاطها بجيبه
كانو البنات مجتمعين كلهم فالصاله ويتقهوون ويتابعون التلفزيون
مازن يتهايق من الباب ويحاول يخلي ريوف تناظره
مازن بهمس: ريوف ريوف
ريوف انتبهت له وعرفت ان سعود راسل شي لان هذي حركتهم
ريوف: انا بروح المطبخ بشرب مويا واجي
البنات: تمام
وراحت المطبخ لقت مازن ينتظرها تجي
ريوف: شفيك شتبي؟
مازن : معاي رساله واكيد تعرفين من مين ويضحك
ريوف ابتسمت وقالت: يلا عطني الرساله
مازن: تدرين لازم بشرط
ريوف: يالليل يالبزر مامعي حلاو خذ فلوس وعط شوق منها واشترو حلاو
مازن بفرحه وعرف خطتهم نجحت: يلا خذي بس تراها رسمه مو رساله
ريوف باستغراب: كيف رسمه بس سعود مايعرف يرسم!
مازن ضحك وراح يركض
ريوف راحت لغرفتها عشان تفتحها براحه ولما فتحتها انصدمت لما شافتها رسمه اطفال وقالت بصوت عالللي:
_______
انتهى البارت
يلا عطوني رأيكم عشان انزل البرتات الباقيه🫶🏻
