وصلو البنات لبيت عمهم ودقو الباب وفتحت مرام
مرام تصارخ بفرحه: اخييرا اخيرا وتحضن ريماس
ريوف: وانا طيب متى يجي دوري
مرام راحت تحضن ريوف: اف اشتقنا لكم مره
ريماس: حتى انا اخر مره شفتك بالمدرسه قبل الاجازه
مرام: لاتجيبين طاريها تكفين
ريوف: يلا ندخل داخل وين الهنوف والباقي
مرام: يلا تعالو تعالو
الهنوف كانت بالمطبخ ماتدري انهم جو اصلا وكان عندها سعود قاعد ياكل
الهنوف: سعوود خلاص لاتاكل
سعود: ياخي جوعان ارحميني
الهنوف: اوف وين تأخرو ذول ومرام وين وصارخت مرام مرام
كانو قاعدين بالصاله البنات ومرام مع ريماس ونست تقول للهنوف اصلا انهم جو
ريوف: الهنوف وينها الحيوانه
مرام: بالمطبخ نسييت اقول لها افف
ريوف وهي تضحك: بروح افاجئها انا
مرام وهي تضحك: يلا يلا وعلمينا ردة فعلها
فالمطبخ:
الهنوف: بروح اجيب الفناجيل من المخزن خلصو الي هنا وانت انتبه للاكل
معلومه* الفناجيل الي اقصدها الورق عشان ماتقولون كيف خلصت
سعود: ابشري روحي انتي
الهنوف راحت المخزن الي كان بالحوش يعني ياخذ وقت عبال ماترجع
سعود سمع صوت كعب جاي باتجاه المطبخ وقلبه كان ينبض بسرعه مايدري شسالفه ويحسبها مرام الي جايه ماكان متوقع ريوف ابداً
ريوف وهي داخله المطبخ مانتبهت لسعود الي كان مو قريب من الباب يعني ماتقدر تشوفه وهي جايه
ريوف وهي تصاررخ: الهنووووفف
فجاءه شافت ولد ملامحه حاده ومرتبه وجمدت بمكانها
سعود الي كان مايدري مين الي داخله بس حس بلحظات انها هي نفسها حب الطفوله ريوف وكيف تغيرت وصارت اجمل بكثيير وبكامل اناقتها وجمالها وكان جامد بمكانها مايبغى يلتفت ويوخر نظره عنها ويقعد يتأمل وبعدها ادرك والتفت بسرعه وراه
ريوف كانت حاطه الطرحه عليها بعدين اخذتها وحطتها فوق راسها بسرعه
سعود وهو يرتبك مايدري شيقول فيه كلام كثيرر بقلبه لها وقال: انتي ريوف انتي
ريوف انصدمت وعرفت انه سعود وقالت: دقيقه انت سعود كيف ومتى طلع لك دقن وكذا تغيرت!
سعود قعد يضحك من الصدمه: اكيد بتغير شوفي كم مر سنوووات
ريوف ادركت بعدين شقالت وقالت: اي صح وقعدت تضحك
هو كان يسمع ضحكاتها ووده بس يلتفت ويتأملها
سعود: ياحلو ضحكتك بس
ريوف ابتسمت وهي خجلانه ماتدري شتقول من الصدمه وقالت: شكرا
سعود: بس شكرا يعني؟
ريوف: احس مو مصدقه تدري
توضيح* كان هو ملتفت وراه مو عليها نظره وهي كانت وراه وتناظره بس هو مايقدر يناظرها يعني تناظره من ورا بس هو ملتفت*
سعود: وانا مو مصدق اخيرا شفتك وانتي كبرتي وسمعت ضحكتك عقبال ما اتأملك
ريوف ابتسمت: بس تدري مابيصير صح
سعود وهو يتأفف: لا عندي بيصير ولا احد بياخذك غيري
ريوف: سمعت الهنوف تنادي من بعيد بأسم سعود وقالت: الهنوف جت الهنوف مابيها تشوفنا
سعود: ماييهم خليها تشوفنا وبعدين ادرك وكان بنفس مطبخهم غرفه صغيره ولها باب وسعود سحبها فيها وسكر الباب
ريوف: هيي انت شتسوي التفت وراك
سعود: ماقدر ماتشوفين الغرفه صغيره!
ريوف: اف صح بس عادي التفت
سعود: مابي انا ابي اناظرك بس
ريوف ابتسمت: اقول التفت بس
الهنوف وهي جايه المطبخ سعوود ماتسمع اناديك وبعدين شافته مو موجود وقالت: هذا وين اختفى غريبه ترك الاكل ولا اكل غريبه عليه
سعود: الله لايفشلك يالهنوف
ريوف وهي ميته ضحك: ماتوقعت منك ابداً
سعود: ياخي ماتقصد كذا وبعدين تعرفين اكل الهنوف غير
ريوف: ايوالله صادق
راحت الهنوف الصاله بتشوف جو ولا لا وانصدمت لما شافت ريماس جالسه
الهنوف: رمووووس اخيرراً وراحت تحضنها
ريماس: هنوفييي
الهنوف: ريوف وينها ليكون ماجت لا تكفون مابي اسمع سوالفكم حقت المراهقين
مرام: اول شي لاتغلطين على سوالفنا بعدين ريوف ماجتك؟ كانت رايحه المطبخ تفاجئك
الهنوف بأستغراب وتذكرت سعود كان بالمطبخ وقالت وهي تضحك ليكووون شافته وتقابلو
ريماس: مين تشوف
الهنوف: سعوود كان بالمطبخ وانا رحت المخزن ليكون تقابلو اقول
مرام: اوف اوف اجلل اكيييد تقابلو الله يونس
ريماس وهي تضحك: الله يارب يارب
الهنوف: مابي اروح يمكن يسولفون اخاف ابعص عليهم
نجي عند سعود وريوف الي كانو بالغرفه ويحسبون الهنوف باقي موجوده
ريوف: اف اخاف تشوفنا
التفت سعود: لا معليك اقعدي بنسولف
ريوف: التفت وراك بس تدور الفرصه
سعود: يالليل تراك متغطيه يعني
ريوف: اي صح وقعدت
سعود: اي شمسويه
ريوف وهي مستحيه: ابد والله
سعود: ابد والله؟ لا ابداً مو مستحيه هذي مو ريوف الي اعرفها
ريوف تضحك: ترانا مو صغار كبرنا يعني اكيد بستحي وقاعده مع رجال غريب فوق كذا
سعود: ايشش! رجال غريب سلامات انا زوجك اعتبر وش غريبه
ريوف تضحك: مشاءالله عليك تزوجني اول بعدين قول زوجك
سعود: كذا ولا كذا انتي زوجتي ترا وبتزوجك
ريوف تضحك وقامت تشوف بالشق حق الباب وقالت: الهنوف مو موجوده
سعود: ادري اف عرفتي يعني خساره
ريوف: خير يعني كنت تدري! وفوق كذا قاعد تسولف معي
سعود: اي ادري واستغليت الفرصه عشان اسولف معك فرصه حلوه صح؟
ريوف ابتسمت: اي صح بعدين استوعبت وقالت: لا لا مو حلوه واصلا زعلت منك
سعود: وكيف اراضيك
ريوف: امممم جيب لي ايسكريم
سعود: ليكووون للحين تحبين ذاك الايسكريم
ريوف ابتسمت وهزت راسها بمعنى اي
سعود: وانا حسبتك تاركته من زمان كيف تحبينه ياخي الله يديم النعمه
ريوف: لو سمحت لاتغلط
ابتسم سعود وطلعو من الغرفه وكانو بالمطبخ
ريوف: يلا خلاص روح
سعود: ابلش مابي
ريوف: زودتها
سعود: بشرط
ريوف: وايش هو
سعود: ابي رقمك
ريوف بأستغراب: ايشش!
سعود: رقمك رقمك
ريوف: يعني انت الحين ترقمني ولا ايش
سعود: اي وابي رقم زوجتي المستقبليه شفيها
ريوف: خلاص بعطيك بس ترا عشان الايسكريم تراسلني اذا بتجيبه
سعود: اي صح مو عشان شي ثاني
ريوف ابتسمت: واخذت يده عشان تكتب رقمها
سعود: وهو ذاييب ويناظر بيدها وكيف ماسكه يده
ريوف: لاتتحرك
سعود هو يتوجع: اففف
ريوف بخوف: شفيييك
سعود: امس انكب علي الشاهي من هنا
ريوف: ومخليني اكتب عليها عادي!
سعود: اي كل شي يهون عشانك عادي
ريوف ابتسمت وكملت تكتب رقمها
سعود: يالبى بس الرقم
ريوف: شوضعك انت يلا انا تأخرت بروح لهم لايشكون
سعود: يلا روحي وانا براسلك
ابتسمت ريوف وراح سعود برا للمجلس
عند البنات بالصاله:
ريماس: شفيهم طولو
مرام: مو معقوله كل هذا سوالف
الهنوف: حنا نقول كذا واخر شي تطلع ماقابلته ولا صار شي ويروح فضولنا
دخلت ريوف وهي مبتسمه والابتسامه شاقه وجهها وقالت: وايش هو فضولكم علموني
الهنوف: اوف اوف وش هالجمال وراحت تحضنها
ريوف ابتسمت وقالت: وحشتينني
الهنوف: ياحظ اخوي بس شافك بهالجمال تلقونه ذايب الحين
ريوف استغربت وتغير لون وجهها وقالت ايش مين اخوه شسالفه
مرام: اوف شوفو وجهها تغير لونه يعني صح تقابلو
ريوف: انتو شدراكم
ريماس بأستغراب وفرحه: تقابلتوو بصاررخ اخيراا علمينا شصار وايش الاحداث وكيف وجهه تغير ولا لا وكيف تقابلتو وايش قال
الهنوف: هدي هدي خليها تسمي البنت بعدين تقول
ريوف: اي صح اف انتو شدراكممم سعود مايبي احد يدري
مرام: بعدد مايبي احد يدري خايف على حبيبته
ريوف برد وجهها: وش حبيبته اسكتو تكفون
ريماس: يلا علميننا
ريوف شوفو اول شي...
_______________
انتهى البارت
شرايكم عطوني رأيكم🫶🏻
