جمال : رنا بنتي ، انا نسبق ، نتي كملي فطورك و الحقيني للشركة .
رنا : اوك بابا .
كملو ياكلو ، حتا مسحت فمها و ناضت
رنا : ماما انا نروح هاداك هو .
حنان : بسلامة بنتي ، ما طولوش بزاف على العشاء ، ياك عمبالك نحب نكونو ڨع كيفكيف وقت الماكلة.
رنا: اوك ماما باي.
راحت رفدت ساكها و جات خارجة ، و مع لي خرجت قابلها واحد.
...:صباح الخير
رنا: ااااه خلعتني ، صباح الخير رياض ، غير الخير علاه جيت لدارنا مع صباح ربي .
رياض: جيت نوصلك للخدمة.
رنا : لوكان ما شقيتش روحك ياك عندي طونوبيلتي ،🙂
رياض: ماحابيتش نخلي ma future femme تروح وحدها .
تبسمتلو تبسيمة فوق قلبها و ريبونداتلو
رنا : يعطيك الصحة مي شقيت روحك في باطل ، مانروحش معاك باسكو ندي طونوبيلتي ، نسحقها ، عندي إجتماع في بلاصة وحدوخرا l'aprés midi.
رياض : اااهه اوك يمال ، براحتك .
راحت لطونوبيلتها و هي تتبسم ، فرحانة لي قدرت تليكيديه .
نعرفكم على رياض
رياض ، شاب في عمرو 27 سنة ، جاي شباب مي فعقليتو مزالو دراري ، يحب رنا و راح حط عليها اليد ، و كي جا وليد صاحب جمال ، قبل بيه بعد موافقة رنا لي ما حبتش ترفض طلب باباها ، اما هي متحبوش.
اييه و تانيت بابات رياض و جمال شركاء في بعض المجالات في الشركة على هادي يتلاقا بزاف ب رنا.
...........................................
في بلاصة وحدوخرا ، ناض الصباح بكري خرج يدير فوتينڨ ، عادة من عاداتو اليومية ، كي كمل ولا للدار ، قابلاتو رءيسة الخدم ،
جاد: خالتي نادية وجديلي قهوتي و ابعثيهالي للشومبرة .
نادية : من عيوني ولدي.
تبسم معاها و مشا طالع لشمبرتو مخلي الخدم يوجدو و يحطو الفطور على الطاولة ، دخل نحا حوايجو و راح يدوش ، كمل و لبس قشو و قعد على البيرو تاعو يوجد في الورق تع الخدمة ، طبطبت الخدامة و دخلتلو القهوة ، كمل الورق و مشا خارج مالبيت ، هبط لقاهم كامل مطمومين على طاولة الفطور .
جاد : صباح الخير عليكم .
الكل : صباح النور .
أنت تقرأ
حياتي عبارة عن كذبة 💔. {باللهجة الجزائرية}
Fanfictionصعيبة شخص يكون عايش حياتو عادي بين عائلتو و اصدقائو.الكل يعرفو على اساس هذا فلان بن فلان ، حتى يجي نهار وين يعرف بلي هو ما ينتميش ليهم و انما هو شخص ثاني وليد عائلة اخرى ، بين ليلة و نهار تتقلب حياتو ، كل هادا على جال غلطة صرات من 23. سنة. هاذي هي ح...
