قاعد في المكتب تاعو يخدم ، شوية و عيط السكريتار تاعو ، دخلت عندو تجري
امير : مرام هاكي هاد الملف ابعتيه par e-mail للشركة تع الحمداوي ، لمدام رنا قوليلها تقراه دوك بش تمدلنا ال ok من طرفهم و ليوم نبعتوه للشركة البناء الجديدة.
مرام: اوك موسيو امير
خرجت دير وش قاللها مديرها و هو كمل يخدم ، جازو 5د عاودت ولات ليه.
مرام : موسيو امير عيطت للسكرتار تاعها بش تمدلها خبر ، قاتلنا بلي مدام رنا ما تقدرش دوك راهي مشغولة
أمير: كيفاش ما تقدرش ، لازم دوك ، عيطلي السكريتار تاعها و جوزيهالي .
راحت ، شوية و صونا التيليفون تع المكتب تاعو .
داليا : الو-
قاطعها امير : كيفاش هادي مدام رنا مشغولة ، قوليلها بلي امر مستعجل و لازم دوك ديرو.
داليا: مي مدام رنا ما تقدرش خاطرش ماكانش-
زاد قاطعا : واقيل نتي ما تفهميش ، عمبالك معامن راكي تهدري ، راكي مع امير رحماني ، بففف راني حاير كيفاش خدموك في الشركة هادي-
قاطعاتو داليا و هي رافعة صوتها شوية : موسيو امير راني محتارماتك ، احترمني نتا تان شوية ، و لوكان خليتني نكمل هدرتي كنت رح تعرف بلي مدام رنا مكانشها في الشركة .
امير سكت تشوكا من جراتها ، يعني صح هو زاد عليها شوية
كملت داليا: شكرا على الاتصال ، كي تجي مدام رنا نقوللها .
و كوباتلو في وجهو ، قعد حاكم التيليفون و يخزر مشوكا
تبسم وحدو
امير : هههه و الله غير كوبات في وجهي ، معليه نحب الجريئين انا ، واقيل لازم نروح نزور شركة الحمداوي بنفسي .
ناض م بلاصتو و رفد الفاست تاعو خارج مالبيرو
امير : مرام مديلي الدوسي راني رايح انا en personne.
مدتهولو و راح خارج مالشركة .
............................................
عند داليا
داليا: ياخاه عليا وش درت ، واقيل تحمست شوية و عيطت على امير رحماني .
دربت فمها و هي تقول : دايمن سابقك لسانك يا داليا دايمن ، دوك كلمة وحدة يمحيني مالخريطة ، لالا و زدت كوبيتلو في وجهو 😭
أنت تقرأ
حياتي عبارة عن كذبة 💔. {باللهجة الجزائرية}
Fanfictionصعيبة شخص يكون عايش حياتو عادي بين عائلتو و اصدقائو.الكل يعرفو على اساس هذا فلان بن فلان ، حتى يجي نهار وين يعرف بلي هو ما ينتميش ليهم و انما هو شخص ثاني وليد عائلة اخرى ، بين ليلة و نهار تتقلب حياتو ، كل هادا على جال غلطة صرات من 23. سنة. هاذي هي ح...
