نزيم : لبنى نتي ما خليتيليش كامل الفرصة باش نحكي معاك ، و هاديك السمانة ما كنتش نجي لليسي بزاف ، كنت مشغول و-
لبنى : ايه و هاديك الطفلة لي كنت تعنق فيها و ش حكايتها ؟
نزيم : ايه خليني نكمل هدرتي تفهمي ، هاديك الطفلة امي تاعي في الكلاسة ، شفتها تبكي رحت نواسيها حتى نلقاها ترمات عليا و عنقتتي .
لبنى: تسمى ماشي نتا لي حبيت تعنقها ؟
تبسم نزيم و قرب ليها قرسلها خدودها : ماشي انا يا الغيورة تاعي.
لبنى حشمت و هبطت راسها و بدات تتعڨن في الهدرة : غ غيورة ؟ ششكون ا انا ؟ لالا مما غرتش .
نزيم : ايه باين يادرا شكون لي كان يعرشلي و قالي "بديت نحبك " مقبيل 😏
لبنى : ل لا لا مماقلتش.
نزيم : تسما ما غرتيش ؟
لبنى : لالا .
دار نزيم بش يخرج و قاللها : خلاص مالا كي ما غرتيش نروح نعنق هاديك الطفلة.
جرات موراه لبنى شداتو من يدو و عيطت : نزيم و الله غير نقتلك .
ضحك نزيم و دار عنقها
هي حشمت و دفنت وجهها في صدرو.
.......................................................
داخل للشركة تاع الحمداوي
ڨع يخزرو فيه
كيفاش لالا و هو امير رحماني ،
معشوق الفتيات 😂
راح للاستقبال يحوس على البيرو تع رنا
دلوه عليه و طلع ، غير لحق طبطب في البيرو تع السكريتار
سمعها قالت تفضل ، تبسم و دخل عندها
غير طلعت عينيها توسعو من الشوك
تخزر فيه ابتسامة جانبية على وجهو .
......................................
دقايق قبل.
قاعدة في البيرو تكمل خدمتها بش كي تولي رنا
تمدلها ال compte rendu تع النهار
و تحكيلها على وش صرا مقبيل
شوية و طبطب الباب تع المكتب
تفتح الباب و دخل ، مع لي طلعت راسها تحلو عينيها
مشوكية ، ناضت تجري مبلاصتها
تخزر فيه و الضحكة لي على وجهو ماتبشرش بالخير 🙂
داليا : م موسيو ا اميير.
امير و هو متبسم : هو بالذات ، لي عيطتي عليه و كوبيتي في وجهو مقبيل .
حمار و جهها و هبطت راسها
قرب منها و هي تبعد ، حتى وين خبط ضهرها في الحيط لي موراها ، خزرت فيه
داليا و هي تتعڨن في الهدرة : م موسيو ا امير ، ووش ر راك ديير ، بعد ششوية ،
هو خزر في عينيها ، زاد قربلها مليح و بدا يقرب و جهو من وجهها ، هي غمضت عينيها ، حتى وين تحس
خبطة خفيفة على راسها
فتحت عينينا قابلها بنفس الابتسامة لي دخل بيها و. لقات ملف في يدو ( لي خبطها بيه )
أنت تقرأ
حياتي عبارة عن كذبة 💔. {باللهجة الجزائرية}
Fanficصعيبة شخص يكون عايش حياتو عادي بين عائلتو و اصدقائو.الكل يعرفو على اساس هذا فلان بن فلان ، حتى يجي نهار وين يعرف بلي هو ما ينتميش ليهم و انما هو شخص ثاني وليد عائلة اخرى ، بين ليلة و نهار تتقلب حياتو ، كل هادا على جال غلطة صرات من 23. سنة. هاذي هي ح...
