جاد: اووو وش داك ليهم .
أمير: والو ، كانت عندي خدمة مع مدام رنا ،
جاد تقعد و سقم روحو غير سمع آسمها : رنا !! خير وش عندك خدمة معاها .
امير و هو يتبسم مالتحت لتحت : وشبيك راح تاكلني والو رحت فالصح على جال السكرتيرة تاعها ، ما تخافش ما راحش ندورلك بيها .
غير كمل هدرتو فرغ الماء في كأس بش
يشرب
جاد : مزية فهمت روحك هاديك pas touche, ما شي كيما البنات لخرين ،
أمير لي مالشوك بزق الماء على جاد و شرقتلو : اح احمم وش وش قصدك يعني ، راك ديكلاريت بلي رنا تينتيريسيك لا راني نتخايل.
جاد لي ناض يمسح روحو : يعني ما تعرف تطبطب كي الناس ، ما تعرف تشرب كي الناس ، راك دوشتلي كامل .
أمير: خلينا من هادي ، قولي رنا تعجبك صح ، ولا راك تتمسخر .
جاد : علاه تعرفني نتمسخر في هاد les sujets.
أمير: اييه هادا هو البروبلام ، يعني نتا اصلا ماشي موالف تهدر فهاد السوجي، و زيد كي يهدرولك عليه جدي و لا عمي ولا مرت عمي تبدا تتهرب .
جاد : لالا يعني pour le moment, راهي عاجبتني مي تعرفني بلي خاطيني اللعب تسمى ديراكت ننوي حاجة sérieuse , و باش ننوي ندير هاد الخطوة لازم نخمم مليح ، راهي حاجة تدوم حياة كامل ماشي لعبة .
أمير: صح عندك الحق ، انا بانتلي الطفلة عاقلة و زيد بنت فاميلية و راهم شركائنا ، و نتا زيد خمم مليح و شوف وش يساعدك ،
جاد : اييه نشوف .
______________________
قاعد فالبيرو تاعو ، إياد واقف قدامو يتناقشو
على وحد الملف .
حتى طبطب عليهم الباب .
جمال : ادخل .
دخل رياض سلم عليهم و قعد مقابلهم
و إياد ماشي حاملو. ما يحبوش 🙂
جمال : خير ما جابك يا وليدي .
رياض : و الله يا عمي جيت نهدر معاك في موضوعنا انا و رنا .
إياد لي عقد حواجبو و خزر في باباه
جمال : ا ايه اتفضل .
رياض : يعني انا قلت نحددو نهار نجيب فيه والديا باش نخطب رنا officiellement.
إياد : علاه شكون قالك رانا قاب....
جمال لي قاطع وليدو، اصلا كان مجيني مالموقف لي تحط فيه : اصبر إياد خلي نتفاهمو بالعقل برك .
دار عند رياض و كمل هدرتو : وليدي رياض ، مزال الوقت و اصلا لازم نشوف رنا ايدا راهي قابلة ، الرأي رأي بنتي و هي لي ديسيدي هادي حياتها ، نسقسيها و نردلك بالخبر و هاداك الوقت ساهل .
أنت تقرأ
حياتي عبارة عن كذبة 💔. {باللهجة الجزائرية}
Fanficصعيبة شخص يكون عايش حياتو عادي بين عائلتو و اصدقائو.الكل يعرفو على اساس هذا فلان بن فلان ، حتى يجي نهار وين يعرف بلي هو ما ينتميش ليهم و انما هو شخص ثاني وليد عائلة اخرى ، بين ليلة و نهار تتقلب حياتو ، كل هادا على جال غلطة صرات من 23. سنة. هاذي هي ح...
