تجري فيها في الكولوار .
لبنى: نرجس ياك غير الخير ، فاش تسحقيني؟.
نرجس تجر في لبنى و تشوف موراها ايدا نزيم تبعهم
، كي شافتو ماكانش دارت للبنى.
نرجس:اسكتي سلكتك منو ، عندو أسبوع و هو يحوس يهدر معاك ، و دوك كي حكمك مايطلقكش ، و نعرفك تحشمي ، مالا درت سبة باش نديك معايا .
لبنى حشمت و حمار وجهها
ضحكت نرجس و قرستها مخدودها: نتي جاية هكا كيوت؟ ، كل ما يهدر معاك واحد تحشمي و وجهك يولي حمر كي طوماطيشة 😂
زاد وجهها ولا حمر اكتر و هبطت راسها و هي متبسمة
نرجس : المهم ، دوك قوليلي يا لالة ، وش بينك و بين السي خويا 😏
لبنى طلعت راسها تجري و عينيها مشرعين مشوكيا : م ما كان و والو ، نقراو ككيف كيف بررك .
نرجس و هي تهمس: امممم ياو فاقو ، قال تقراو كيفكيف ، نزيم ما عندوش نفس الراي جابلي ربي.
لبنى : سمحيلي والله ما سمعتك ، وش قلتيلي،
نرجس : والو ، قتلك مليح كي تقراو كيفكيف 😌
......................................
خارج مالشركة ، ملي هدر معاها و هو متحمس بش يلحق وقت الفطور و يعاود يشوفها
ما فاقش لروحو كيفاش طلع فطونوبيلتو و ساڨ للشركة تاعها ، ڨارا في الباركينڨ و عيطلها .
..........................................
قاعدة تخدم و نسات الوقت ، حتى وين تيليفونها صونا
رنا: الو
جاد:وي رنا ، راني لتحت نستنى فيك .
خزرت تجري في الساعة لقاتها 13h غير خمسة ، نسات روحها مع الخدمة .
رنا : اوك 5 دقايق نكون عندك .
جاد: اوك .
رنا : استنى ولا نقلك ، خليهم 10 دقايق ،
جاد كتم ضحكتو: براحتك يا سيدي، وقت ما حبيتي اهبطيي.
كوبات و خبطت راسها، كيفاش نسات الوقت ؟
رنا : اوووف عليك رنا لحمارة ، السيد جا و قالي اهبطي و انا ما سڨمت روحي ، ما سڨمت شعري ،ما والو .
ناضت تجري راحت للحمام تع البيرو ، تسڨم ميك اب و شعرها ، رشت عليها الريحة ، و شافت روحها في المراية
لابسة غوب sur taille بيج ،و طالون مارون
خرجت رفدت مونتوها مارون و خرجت تمشي و طالونها داير حالة ،لمحها رياض خارجة
أنت تقرأ
حياتي عبارة عن كذبة 💔. {باللهجة الجزائرية}
Fanficصعيبة شخص يكون عايش حياتو عادي بين عائلتو و اصدقائو.الكل يعرفو على اساس هذا فلان بن فلان ، حتى يجي نهار وين يعرف بلي هو ما ينتميش ليهم و انما هو شخص ثاني وليد عائلة اخرى ، بين ليلة و نهار تتقلب حياتو ، كل هادا على جال غلطة صرات من 23. سنة. هاذي هي ح...
