ملحد سرق قلبي

الفصل ال21

#رواية_ملحد_سرق_قلبي الفصل ال21
#بقلمي_لؤلؤه_محمد
عبدالله/ مش معقول انتوا بتعملوا ايه هنا.... !!؟
رائد / ايه ده انت المدير والا ايه
عبدالله/ أينعم أنا المدير
رائد / وأنا مدير شركة G.R.O جمال والدي وأنا وعمران اللي ماسكين إدارة الشركه
عبدالله/ تمام نورتوني والله تحبوا تشربوا ايه
رائد / قهوة ساده
عمران / قهوتي مظبوط
عبدالله/ تمام ورفع السماعه / عم عادل لو سمحت تلاته قهوة اتنين سادة وواحده مظبوط
رائد / نتكلم في الشغل بقى
عبدالله/ بسم الله
رائد / بص يا عبدالله احنا شركة معمار زي ماحضرتك عارف فا احنا هنعقد صفقتين الصفقه الأولى هتصممولنا 4 عماير
الصفقه الثانيه عاوزك تعملي مول كبير شامل كل حاجه هدوم وخضراوات ومفارش وخشب وكل حاجه ممكن حد يحتاجها فاهمني
عبدالله/ أيوه معاك
عمران / الأرض اللي هنستخدمها في مكان يعتبر صحرا واحنا عاوزين نستصلحها ونعمل فيها عماير سكنيه وطبعاً المنطقه مفيش فيها محلات لأي حاجه فا احنا عاوزين نوفر للسكان كل حاجه ممكن يحتاجوها
عبدالله/ تمام مفيش مشكله وأنا هخلي أحسن اتنين مهندسين هما اللي يفصلوا المكان كويس التفت عبدالله لچانيت / لو سمحتي يا چانيت اندهي للمهندسه حور والمهندس علي
چانيت / حاضر يا فندم
شويه ودخلت حور وعلي / السلام عليكم
وعليكم السلام
حور / ايه ده انتوا هنا
رائد / شغل ياقمري
عبدالله اتضايق من كلمة رائد لحور بس سكت مهما كان ابن عمها وهو ملوش يتكلم
عبدالله/ حور وعلي انتم اللي تتولوا تصاميم البناء اللي مستر رائد عاوزها
على / تمام بس احنا محتاجين نشوف الأرض ونشوف التفاصيل اللي حضرتك حابب تقدمها
نسيبهم يكملوا شغلهم 👀
__________________________
عند محمد وخالد ورسلان كانوا في الچيم اللي هما فتحوه شركه مابينهم
خالد / الدور ده هيكون للرجاله والدور اللي فوق هيكون للستات بإذن الله وبما إن ملاك كانت كابتن چيم قبل كده فهي اقترحت تتولى هي تدريب البنات وكمان اقترحت إن نحط كاميرات مراقبه ونخلي الشاشات بتاعت كاميرات الدور النسائي في غرفه لواحدها ونعين أربع بنات مسؤولين عن مراقبة الكاميرات دي
رسلان / والله كويس فكره حلوه بدل ما منحطش كاميرات خالص
محمد / الإفتتاح بكره بإذن الله يا شباب مبارك علينا
خالد ورسلان / مبارك علينا
________________________
في البيت كان عبدالهادي قاعد وجيت نوال قعدت جنبه
نوال / لو سمحت ياعمي كنت عاوزه أطلب من حضرتك طلب
عبدالهادي/ اطلبي يابنتي انتي تؤمري
نوال / متحرمش منك ياعمي الأمر لله وحده أنا كنت عاوزه أشتغل
عبدالهادي/ ليه بس يابنتي هو انا قصرت معاكي في حاجه
نوال / مش كده والله ياعمي بس انا مش متعوده على قعدت البيت حاسه إني بتعب نفسياً من القعدة دي والله
عبدالهادي/ حاضر يابنتي هشوفلك شغلانه حلوه ومرتاحه
نوال / تسلملي من كل شر ياعمي
عشق / وأنا كمان عاوزه أشتغل ده كده حور وقمر وملاك ونوال بيشتغلوا أنا كمان عاوزه أشتغل
فاطمه / وأنا كمان يا بابا عاوزه أشتغل
جمال / خلاص يا فاطمه انتي وعشق اشتغلوا مع رائد وعمران في الشركه
فاطمه وعشق / هييييييييييه
____________________
رسلان وخالد ومحمد روحوا واتقابلوا في رائد وعمران وعبدالله وحور وقمر على البوابه
الشباب سلموا على بعض ودخلوا ومحمد حب يضايق حور
محمد / تعالي ياحوري عاوز أقولك حاجه يا حبيبتي
الشباب كلهم استغربوا هو بيكلم حور كده ازاي ومن امتى الحب ده أما عبدالله فحس بنار بتقيد في قلبه وخاصة لما شاف محمد وهو بيحط ايده على حور كان مانع نفسه بالعافيه من إنه يقوم يضرب محمد ويكسر ايده اللي على كتف حور دي
محمد حط ايده على كتف حور وشدها بالعافيه وراح ورا العماره بحيث محدش يشوفهم ولا يسمعهم
حور بغضب وهي بتزق ايد محمد / انت اتجننت انت ازاي تحط ايدك عليا أصلاً انت فكرت نفسك جوزي بجد والا ايه لأ فوق يا محمد واعرف إنك مش جوزي ولا عمرك هتكون جوزي
محمد بلا مبالاه / وانتي مين قالك اني عاوز أكون جوزك أصلاً
حور / خلاص طلقني
محمد وهو بيمسك حور من شعرها من فوق الطرحه / عاوزه تطلقي دلوقتي ليه مش كنتي قولتي هتستني سنه والا عشان حبيب القلب رجع خلاص وراجع مسلم كمان فمش هتقدري تستني سنه عاوزه تطلقي وتجري تروحيله بس قوليلي بقى يا أنسه حور هل هو هيرضى يتجوزك ؟ لما يعرف إن أبوكي قت،ل أمك هيرضى يتجوزك ؟
حور بصتله ببرود / خلصت يا ابن عمي
محمد بصلها بسخريه / اه خلصت
حور زقت ايده بعيد عنها ورفعت ايدها وضربته بالقلم محمد لسه مطلعش من صدمته واتفاجئ بقلم تاني وتالت وفي المره الرابعه مسك ايدها وعيونه احمرت من الغضب وضغط على أيدها جامد
محمد / انتي قد اللي انتي عملتيه ده
حور / لو مش قده مكنتش عملته وفجأه ضربته بالرجل في بطنه قعد محمد على ركبته من الألم وحور جريت قبل مايقوم ويمسكها وهي بتجري بسرعه وبتبص وراها يكون جري وراها خبطت في حد كانت هتقع بس هو مسكها بسرعه
الفصل الثالث انهارده أهو ياحلوين زي ماوعدتكم 👀