ملحد سرق قلبي

الفصل الثامن

رسلان بصدمه / انت بتعمل ايه هنا
هو / بصلي هكون بعمل ايه يعني
رسلان / من امتى التقوى اللي نازله عليك دي
هو بضيق / قصدك ايه يعني يا رسلان ايه ياعبدالهادي متشوف ابن أخوك
عبدالهادي/ ايه اللي رجعك يا صابر
صابر / عاوز أشوف بنتي والا انتوا هتمنعوني
محمد / بنتك !!؟ لسه فاكر أن عندك بنت تسأل عليها لأ وكمان عاوز تشوفها
صابر / أيوه طبعاً بنتي وفاكرها أكيد
خالد / أبعد عن هنا يا راجل انت بدل مانتغابى عليك
عبدالهادي/ خالد عيب ده مهما كان عمك
محمد / من يوم اللي عمله في مراته وبنته وهو مش عمنا ولا نعرفه وبنتك عارفه وفاهمه انك ميت عشان منكسرهاش ولا نوجعها بنت دي مراتي ومش هسمحلك تفتح في القديم ياااا هه ياعمي
سابهم محمد ومشي ورسلان وخالد راحوا وراه
عبدالهادي/ اسمعني يا صابر أنا عامل حساب للرابط اللي بينا ومهما كان الدم عمره مايبقى مايه احنا مفهمين حور بنتك انك انت وأمها اتوفيتوا في حادثه ابعد عنها يا صابر وارجع مكان ماكنت وبنتك سيبها تعيش حياتها فاكره انك بني ادم كويس بلاش تخليها تكرهك وسابه ومشي
وقف صابر يعيط زي الطفل الصغير ورفع عيونه وبص للسما / مع إنك متستاهليش بس انا عندي كرههم ليا أهون بكتير من انهم يعرفوا الحقيقه يارب يسرها من عندك يارب واعملي اللي فيه الخير