ملحد سرق قلبي

الفصل الثالث

بقلمي_لؤلؤه_محمد
قمر / يلا يا حور هنتأخر كده
حور / لسه بدري
قمر/ انتي ناسيه ان مستر مايكل مأكد على الكل يروح انهارده بدري عشان انهارده بإذن الله هينعقد صفقتين مع شركة الرسلان وشركة المحمدي والا ايه
حور وهي بتخبط راسها بإيدها / يانهاااااار ده انا كنت نسيت خالص طب استني أصلي الصبح بس ونروح
قمر بنرفزه / هو انتي لسه مصلتيش أمال بتعملي ايه من ساعتها
حور / معلش هخلص صلاه بس 
صلت حور ومشيت راحت الشغل هي وقمر وبدأ العمل على قدم وساق في الشركه
السكرتيره / مستر مايكل مستر قاسم المحمدي بره
مايكل / دخليه غرفة الإجتماعات وانا جاي
________________________________________
قمر / حور أنا هروح أجيبلي قهوه أجيبلك حاجه معايا
حور / لأ شكراً
راحت قمر تجيب القهوة وهي خارجه خبطت في واحد القوه وقعت عليه
هو / ايه ده يا أنسه مش تاخدي بال حضرتك
قمر / ايه ده هو انت مش هتشتمني
هو بتعجب / أشتمك !!!؟ أشتمك ليه
قمر / أصل انا بقرأ كده في الروايات البطله تخبط في البطل فهو يشتمها ويزعق فهي تضربه بالقلم فهو يقرر ينتقم منها ويخطفها ويضربها ويتجوزها عشان متهربش ويجلدها و..
قاطعها هو / ويطفي سجاير في قفاها ويعلقها في المروحه ويشغل المروحه بيها صح ؟
قمر / ايه الأوڤر ده
هو / يعني أنا اوڤر وانتي اللي عادي هو انتي مش ملاحظه بتقولي ايه
قمر / يووووه ماكل الروايات كده
هو بمشاكسه / يعني قصدك ان انتي البطله وانا البطل
بصتله قمر بجنب عينها وسابته ومشيت
هو / يا أنسه
قمر / يانعم
هو / اسمك ايه قمر انتي
قمر / زي ما انت قولت كده بالظبط قمر
هو / أعتبر ده غرور
قمر / لأ اعتبره اسمي  ومشت تاني
هو / اسم على مسمى قمر وهي قمر وفجأه اتسمع صوت زعيق عالي سمع في الشركه كلها
قاسم / يعني اييييييييييه ملحد أنا أشتغل مع واحد ملحد أنا لو كنت أعرف من الأول ولا كنت دخلت الشركه المقرفه دي جتكم القرف فيكم وفي أشكالكم وخرج من الشركه كلها وهو بيزعق
ومايكل طول ما قاسم بيزعق واقف أيده في جيبه باصصله ببرود ..... بعد ما قاسم مشي مايكل بيتلفت لمح رسلان
مايكل / أهلا رسلان بيه
رسلان لاحظ ان مايكل ممدش ايده يسلم عليه على عكس المره اللي فاتت وفهم هو بيفكر في ايه
رسلان وهو بيمد ايده يسلم على مايكل / أهلا بحضرتك
بصله مايكل بزهول وتعجب وفكر / هو فيه ايه والا مسمعش قاسم
مايكل / رسلان بيه زي ماحضرنك سمعت أنا من اصل أمريكي ملحد
رسلان بابتسامه / هفضل مادد ايدي كده كتير لو مش عاوز تسلم عليا قول
مايكل باستغراب وهو بيسلم على رسلان / لا طبعاً I'm sorry اتفضل يا رسلان بيه
رسلان / لو ممكن نشيل الألقاب يكون أحسن احنا من سن بعض يعني
مايكل بابتسامه/ ده شرف ليا اتفضل يا رسلان
رسلان دخل غرفة الاجتماعات وقعد
مايكل بعد ماقعد / معلش يعني يا رسلان بس هو انت هتشتغل معايا بعد ماعرفت اني ملحد
رسلان / بص يا مايكل احنا ك مسلمين بنؤمن بالقرآن والسنه وبناخد رسولنا الكريم قدوه لينا فبما إنك مئذتنيش ولا قربت لديني بمكروه ف ايه المشكله أننا نتعامل مع بعض بهدوء
ربنا سبحانه وتعالى قالنا في القرآن {لا ينهاكم الله عن الذين لم يقاتلوكم في الدين ولم يخرجوكم من دياركم أن تبروهم وتقسطوا إليهم إن الله يحب المقسطين}
معنى الآيه الكريمه ان غير المسلمين اللي مش بيقاتلونا في الدين ولا في الدنيا ربنا مابينهيناش عن معاملتهم بالحسنى بالعكس ده ربنا قال اقسطوا إليهم إن الله يحب المقسطين يعني احسنوا في المعامله معاهم ربنا بيحب المحسنين
أما بقى قدوتنا ووالدنا وسيدنا وحبيبنا مُحَمَد صلّ الله عليه وسلم قال ( ألا من ظلم معاهَدَاً ، أو انتقصه حقه ، أو كلفه فوق طاقته ، أو أخذ منه شيئا بغير طيب نفس منه ، فأنا حجيجه يوم القيامة ) يعني لو أنا ظلمت حد مش مسلم اداني الأمان ومش بيئذيني ولا بيغلط في ديني أو أخدت منه حقه أو قولتله يعمل حاجه فوق طاقته أو أخدت منه حاجه بالإكراه فالرسول عليه أفضل وأتم الصلاة والسلام هيكون حجيجي يوم القيامه يعني هيكون خصمي وكان رسولي الكريم اشترى طعام من عند يهودي وكمان رهن عنده درعاً من حديد وده اللي قالته زوجة الرسول ام المؤمنين السيده عائشه رضي الله عنها
مايكل باصص لرسلان باستغراب وتعجب / لما هو دينكم متسامح كده ليه قاسم المحمدي عمل اللي عمله ده
رسلان / دينا كامل وأي نقص تشوفه في أي مسلم فالنقص فينا احنا كمسلمين وليس في الإسلام
مايكل / ايوه وفكر في نفسه ( هو ازاي الدين ده جميل كده )
رسلان / نبدأ في الشغل
__________________________________
عند حور وقمر
حور / مالك يا قمر متنحه كده ليه
قمر / أصل وأنا بجيب القهوة خبطت في واحد وهبلت معاه في الكلام وعارفه طلع مين
حور / مين
قمر / رسلان الزلوعي صاحب شركة الرسلان
حور بشقه / هااااااااء ده زمانه هيرفدك ده بيقولوا عليه مغرور ومتكبر
قمر / خالص ده أتكلم معايا بهدوء وبأدب وبعدين مغرور ومتكبر ايه انتي مشوفتيش وهو بيسلم على مايكل حتى بعد ماعرف أنه ملحد
حور / اه والله أنا استغربت جدا أنه ابتسمله بهدوء وسلم عليه
قمر بسرحان وهي بتحط ايدها على خدها / باين عليه چنتل أوي
حور / فوقي ياما هو ايه الحوار
قمر بتوتر / أما وحوار انتي بقيتي بيئه أوي يا حور وقامت مشيت بسرعه
حور / طب والله شكلك بدأتي تحني
______________________________________
عند مايكل خلص شغله ومشي عشان يروح وهو ماشي بعربيته نزل عند سوبر ماركت عشان يجيب مايه وعصير لأن الجو حر وهو خارج من السوبر ماركت المسجد أذن أذان المغرب وسمع مايكل الأذان ......
اضغطوا على النجمه يا حلوين واعملوا للروايه تصويت عشان أستمر في تنزيلها على الواتباد