_بظبط كدا _ابن عمو بتاع الكتب بيرخم عليا يا بابا
_يا خبر عملك اي ؟
_اخد مني اللعبة بتاعتي وبيقولي ممكن تعورك
_يا خبر تعالى معايا نشكي ل باباه
مسك إيدي وروحنا للمحل عند عمو
_جرا اي يا ابو زين ابنك هيفضل يعاكل في ابني كدا في الرايحه والجايه
_ابنك اللي هادي
قالها وبص ليا وابتسم اتكسفت استخبيت ورا بابا
_اهو زين جيه اهو .. تعالى يالي جايبلنا الكلام
_اي يا بابا انا عملت اي
_سلم على عمك ابو سليم الاول
_ازيك يا عمو
_كويس يا زين .. بس زعلان منك ينفع تشاكل في سليم ابني؟
_مشاكلتش انا بس خوفت انه بتعور من اللعبة اللي معاه
خرجت من ورا بابا وانا مبتسم ببرأه
_يعني انت بتخاف عليا؟
_طبعآ اوي كمان
_خلاص سيبو يا بابا
ضحك بابا هو وعمو على كلامي انا وزين
_اهو قالك سيبو يا بابا يعني سماح المره دي
_خلاص نعديها المره دي
_وراك حاجه انهارده؟
_لاء ليه
_اي رايك تيجي نتغدا سوا ام زين عامله بشاميل على الغدا والاكله الحلوه دي مش هتكمل غير بيكو
_خلاص عزومتك مقبوله
_هستانكم
_هنيجي
"١ نوفمبر ٢٠٢٢"
_انت فين يا سليم
_اهو في الموقف الميكروباص اللي انتو فيه فين بظبط
_جنب الجامع
_خلاص شفتكو جاي عليكو اهو
قولتها وقفلت معاه وروحت للمكروباص بصيت قبل ما اركب كانو تلات شباب قاعدين في الكنبه اللي ورا اتنين نايمين وواحد صاحي وصحابي قاعدين في الكنبه الي قدمهم
_قعدوني جنب الشباك يا اما مش هركب معاكو
_طفل
_خلاص يا هادي انزل خليه يركب جنب الشباك لا يتقمص ويركب ميكروباص تاني
نزلو الاتنين من الميكروباص وطلعت انا قعدت جنب الشباك بعدين هما طلعو قعدو جنبي كل ده كان تحت نظرات الشاب اللي ورا
_مش هتكبر بقا ياض انت
_لاء
_عملت اي طيب طمنا
_كله تحت السيطره
فضلنا قاعدين شويه لحد ما الميكروباص حمل والسواق بداء يسوق كان شويه ووصلت انا عشان انا بيتي قبل بيت صحابي سلمت عليهم ونزلت ونزل معايا الشاب اللي كان معايا في الميكروباص
مشيت وهو ماشي ورايا كذا شارع امشي منو والاقيه ورايا خوفت أكيد هيخفطني
اتجرات ولفيت ليه
_انت عايز اي ماشي ورايا ليه يا بارد
_افندم
_ماشي ورايا ليه؟
_مش ماشي وراك أنا مروح بيتي
_من ساعت مانزلت من الميكروباص وانت ورايا بيتك ده عندنا في البيت مثلآ؟؟
_ما قولت مش ماشي وراك اكيد صدفه
_تمام
قولتها ووقفت استنيتو يمشي هو بعدين مشيت انا
دخلت الحاره بتاعتنا
شوفت محل عمو ابو زين مفتوح
رجعو!
من ساعت ما سافرو المحل متفتحش اكيد رجعو
جريت عليه
_عمو يا عمو انتو جيتو
خرج عمو من المحل
_سليم صح؟
_ايوا انا حور وحشتني اوي يا عمو
_كبرت يا عفريت وانت كمان وحشتني اوي
_ده بابا هيفرح اوي لما يعرف انكم رجعتو هروح اقولو ولا اقولك تعالى معايا
_عارف عارف من الصبح وفطرنا سوا وشربنا الشاي ومامتك وام زين نزلو السوق وبيحضروا الغدا ولسه فاتح انا وابوك المحل
_يااه يعني انا اخر من يعلم
_بظبط كدا
_مش مهم المهم انكم رجعتو نورتو المنطقه كلها
قولتها وانا بدور ب عيني عليه مش شايفه ليه مجاش معاهم ولا اي
عايز اشوف شكله بقا عامل ازاي
اكيد اتغير ياترى لسه بيعاكس بنات والله اقتله..
_اللي بتدور عليه زمانو جاي يا سليم
_انا يجي بالسلامه سلام انا بقي هروح اطلع
قولتها ولقيت الشاب اللي كان معايا في الميكروباص داخل المحل
_اما انت شخص بجح صحيح جاي ورايا لحد هنا
_انت تعبان في دماغك؟ انت اللي بتعمل اي هنا وهمشي وراك ليه يعني من سواد عيونك مين دا يا بابا تعرفه؟
_بابا !!
_يظهر انكم شفتو بعض وحصل سوء تفاهم
_ده زين يا عمو؟؟
_بظبط
_وانت تعرفني منين ؟ مين دا
_دي اعز اصحابك
_سليم!!
_بظبط
_عن اذنك يا عمو
قولتها وطلعت البيت كانت مامته عندنا سلمت عليها وغيرت هدومي شويه وخلصنا واتجمعنا كلنا على الغدا
قاعدين بناكل وبنهزر بيتكلمو على ايام زمان وانا ساكت باكل في صمت
بقا ده زين اللي كنت بحلم انه يرجع القاهره عشان تبتدي قصة حبنا عملت الف سيناريو ل لقائنا بعد الفراق ده في الاخر يكون ده اللقاء ده حتى مقاليش إزيك..
_بس لازم لازم تتعرفو على نوران خطيبة زين ده انتو هتحبوها اوي
قالتها مامته الاكل كان في بوقي وقف في زوري لما سمعت اللي قالته
كحيت عيني دمعت شربت مياه
_هو زين خطب؟
_ااه بنت زاي القمر كانت جارتنا في دبي جميله ومؤدبه هبقا اعرفك عليها
_فعلآ .. الف مبروك يا زين عن اذنكم انا كلت
_فين اللي كلت ده يابني
_معلش يا بابا بس يدوب الحق اخلص البحث وانام انت عارف بقا امتحانات وكدا
_ربنا معاك يا حبيبي
سيبتهم ودخلت اوضتي
مسكت المخده صوتت فيها صرخت عيطت كان انهيار مكتوم ب المخده عشان محدش يحس ولا يسمع
عيطت كتير اوي اوي
افضل انا مستنيه كل السنين اللي فاتت دي والبيه يرجع خاطب
سنين ولا عايز احب ولا اتحب سنين مش بدي فرصه لحد سنين برفض كل الناس عشانه .. بس اللي رفضت كل الناس عشانه مختارنيش في الاخر
خرجت وقفت في البلكونه بحاول اخد نفسي بحاول استوعب اللي حصل بحاول انظم أفكاري عشان اعرف هتصرف ازاي
قطع شرودي صوته ..
_صاحي لحد دلوقتي ليه
كان واقف في شباك اوضته ب فلنه حملات
_عادي مش جيلي نوم
_اي اخبارك متكلمناش لما رجعت
_كله تمام الحمدلله
_بقيت كاتب؟
_ااه وليا أعمال في معرض الكتب
_دخلت كلية الفنون؟
_ااه كلها سنه واتخرج
_برافو حققت كل أحلامك
_ألحمد الله .. عن اذنك
قولتها وقفلت باب البلكونه ودخلت
عدت الايام وانا بتجنبه بتجاهله بهرب من الكلام معاه ردي على قد السؤال بقيت مطفي دبلان ممل .. الحزن بيعمل مننا أشخاص ممله
وانهارده كنت راجع من الكليه تعبان وهلكان اتفجأت بيهم كلهم عندنا في البيت ومعاهم بنت جميله يظهر انها خطيبته ..
_مسائكم سعيد
_اهو سليم جه اهو تعالي يا سليم اتعرف على نوران
_إزيك
_انت سليم!!
كان نفسي اقعد معاكم شويه بس جاي على اخري من الجامعه عن اذنكم هدخل انام
قولتها ومستنتش رد دخلت اوضتي وكالعادة بصرخ في المخده قلبي كان بيعيط انا سامع صوتو ..
حزني كان هادي ومكتوم صريخ في مخده عياط في صمت
مقطعتش اي حاجه تخصه
مرميتش السلسه اللي ادهالي في عيد ميلادي
معملتش كاتنج
مقصتش شعري
محاولتش ان/تحر
مكسرتش اي حاجه حواليا
لأول مره اكون هادي حتى لما كسرلي قلبي مشيت في هدوء
قطع عياطي صوت خبط على شباك اوضتي مسحت دموعي وفتحت الشباك كان هو
واقف بنفس الفلنه الحملات شعره متبعتر لابس هاند فري
_في حاجه يا زين؟
_ااه كنت جايبلك ده
قالها وطلع علبه صغيره من وراه
_اي ده ؟
_افتح وشوف
فتحتها كانت علبه فيها بالت الوان
_ياااه انت لسه فاكر
_عمري ما نسيت حاجه تخصك يا سليم
_بس مكنتش كلفت نفسك
_ولا تكليف ولا حاجه نوران بتحبها برضو فا جبتلك وجبتلها
_ااه ربنا يخليكم لبعض عن اذنك
_سليم !!
قالها بعد ما اديته ضهري رجعت لفيت ليه تاني
_ايوا ..
_هو انت معيط ؟
_لاء خالص
_متكدبش عينك منفخه من العياط
_لاء ده من كتر النوم
_متأكد؟
_ايوا
قولتها ولفيت كنت هدخل واقفل الشباك وقفني صوته وهو بيقول:
_هو انت مرتبطش لحد دلوقتي ..
لفيت ليه مش عارف اقول اي اعمل اي اقولو اني كنت مستنيه يرجع وابان اني لسه بحبه ولا اقول ان فيه حد في حياتي وابان اني خاين للوعد بس انا هبقا بكدب لاكن هو خان الوعد بجد محستش بنفسي غير وانا بقولو:
_لاء ازاي مرتبط طبعآ
قولتها وانا بطلع السلسه اللي عليها حرف عمرو صحابي من رقبتي
_اسمه عمرو لابس حرفه كمان
_امم وهيجي يزورك امتي؟
_لما اخلص امتحانات الترم ده
_امم بتحبه ؟
_اكيد طبعآ لو مش بحبه اي اللي هيخليني ارتبط بيه اربع سنين
_بقالكم اربع سنين سوا؟
_ااه اخر الترم هنكمل خمس سنين
قطع كلامي معاه صوت رن تيلفوني
_عن اذنك بقا عشان بيتصل
قولتها وسيبتو ودخلت الموبيل مكنش بيرن كان المنبه بس انا ليه كدبت ليه قولت كدا يمكن عشان أوجع قلبه زاي ما وجع قلبي
فوق يا سليم انت مش في دماغه عشان توجع قلبه
قعدت احاول اذاكر ومعرفتش فضلت رايح جاي مش عارف اللي انا عملته ده صح ولا غلط لحد ما عيني جت على علبة الالوان ولسه هفتحها
لقيت رساله منو بيقول فيها:
"انا عايز اقابل عمرو حبيبك ده
انا في مقام اخوك وحقي اعرفه واعرف نيته اي حدد معاد اقابله فيه"
يا خبر يا نهار ابيض اعمل اي اعمل اي؟!!
أنت تقرأ
One Shots
Romanceكل بارت قصة مختلفه تتحدث عما يدور بروحنا أمسك فؤادك فالقلوبُ مدائِنٌ ماكُلُّ من سكنَ الفؤادَ سيمكُثُ
