-لو مجتش يا باتريك هزعل جامد اقسم بالله
=لا متقلقش والله يا مارتن هحاول اجي و بعدين احتمال يكون عندي درس فنفس اليوم اصلا
-لا مليش دعوه بالدرس هتيجي الفرح يعني هتيجي
=خلاص والله هحاول ( مهو مش علشان مارتن دا اكسك يا باتريك يبقي مش هتروح يعني فيها اي وبعدين مهو هيموت و يرجعلك وانت اللي رافض يبقي خلاص اي اللي يمنعك انك تروح يعني ولو علي الدرس فانت تقدر تعوض الحصة عادي)
وقفت بعد ما مارتن مشي و روحت عند معرض البدل و فضلت انقي في بدله وكالعادة ذوقي مش موجود و الراجل قعد يهزر معايا و بعدين فين و فين لما استقريت علي ديزاين معين و لون هادي اختارتها و حجزتها و مشيت رجعت بيتي و بدأت اجهز نفسي للفرح مع ان فاضل عليه يومين بس انا بحب اجهز من بدري
"فـي يـوم الفــرح"
-يلا يا باتريك انت فين
=جي اهو يا مارتن خلاص مش فاضل غير كام حاجه بس هعملهم و انزل
-من يومك وانت بتأخر ع المواعيد يا باتريك بس تعرف ان تاخيرك ده بيجي بفايده يعني لما بتنزل بتبقي قمر و اجمل حد في اي مكان كنا بنروحه مع بعض
= انا اتكسفت و معرفتش ارد وعملت ان الشبكه بتقطع و مش سامعه كويس من الفون _ الو الو يا مارتن مش سامعك الشبكه مش كويسه هخلص و ارن عليك باي_
-من يومه بيتهرب لما بعاكسه و احلي حاجه في خجله
=قفلت معاه و قمت ظبطت شعري و خلاص رشيت البرفيوم اللي بحبه و نزلت لقيته تحت مستنيني بالعربيه و كان لونها رمادي و هو عارف اني بعشق الرمادي.
لقيته اول ما شافني جري عليا و فتحلي العربية و قبل ما اركب قالي: انا مش مصدق انك فعلا جيت بجد انا اسعد انسان النهارده. اتحركت العربية و وصلت للقاعه كان المكان هادي و المزيكا هادية بما ان العروسين لسه موصلوش اختارت ترابيزه بعيده هاديه و قعدنا عليها فضلت بحاول اتجاهل نظراته وهو بيتاملني لحد ما سمعنا ان العروسه جت قمت كالعادة عشان اشوفها و اقيم جمالها
لقيت اللي بيشدني ناحيته
- باتريك دي تبقي قريبتي يعني مش عايز تنمر ولو هتتنمر يبقي براحه شوية ماشي
=تنمر؟ يعني اي تنمر يبني انا عمري اتنمرت علي حد قبل كده
- لا خالص طبعا انت هتقولي
=متقلقش العروسه قمر بصراحه مش هقدر اتنمر عليها و هحاول اتغاضي عن مناخيرها اللي ضاربه شبرين قدام دي
- لا واضح انك عمرك ما اتنمرت
= فضلت باصص للعروسين و هما داخلين و طلعت الفون و بدات اصور عشان اوثق اللحظه دي ونا طاير من الفرح لاني شايفهم مع بعض و شايف حب كل طرف فيهم في عينهم لحد ما وصلو للأستيدج و طلعو عليه و بدأو يرقصو بهدوء علي اغنية هادية و سقف المكان بدأ ينزل عليهم ورود شكلها جميل ونا كنت حرفيا طاير من الفرح من اللي بيحصل و بتمنالهم حياة هادية جميلة
أنت تقرأ
One Shots
Romanceكل بارت قصة مختلفه تتحدث عما يدور بروحنا أمسك فؤادك فالقلوبُ مدائِنٌ ماكُلُّ من سكنَ الفؤادَ سيمكُثُ
