حااااسب .. حااسب ياعمر هياكلك
_هو ايه دا ..وانت واقف كدا ليه
*عشان ..اااه ..اهو ..اهو بسرعة الحقه ياعمر بالله
_هو ايه دا ؟.. فيه حاجة جريت كدا دا صرصار صح ؟
*لاء فاااااار ...فاااار وهياكلنا اااااه
_اخرس ياض ... طب وانت واقف ليه كدا وماسك المقشة ليه
*عشان بخبط عليه عشان يخرج
_بتخبط عليه !!!ليه هو جاي زيارة .. وعاوزه يروح
*بالله عليك ياعمر خرجه ..مش هنعرف نعيش مع بعض
_طب خبط كدا ع الكرسي ..علما اجيب المقشة التانية
*مااشي ..
جاب المقشة وجيه وانا بدأت اخبط
_مش راضي يطلع ..بص هحرك الكرسي وانت تضربه
*لا بص ..ناولني كدا بيجامتي دي
_بيجامتك؟... وانت ازاي استاذ واقف كدا قدام الفار ؟
*معلش المرة الجاية هبقي البس بدلة و استقبله من بدري ..هو دا وقت هزار ياخفة
_خفة ...طب مش ضاربه هه
بصيت يمين وشمال ونزلت من ع الكنبة جري خدت البيجامه ولبستها جمب باب الشقة وفتحته وانا بقول
يانا يالفار في البيت ياعمر ..ان مخرجش انا مش راجع ربنا معاك بقا
ونزلت جري
*ياسين ..ياسين ..ولا ياياسين
ياسين يبقي ابن البواب بتاع العمارة ولد عسل اوي هو و عيلته و بيعتبروني انا و عمر ولادهم التانيين
+نعم نعم نعم ...هو انت عشان اكبر مني بكام سنة هتاخد عليا
*حاضر هطبلك بعدين ...بس اطلع الحق عمر قبل مايتاكل بسرعة
+يتاكل في ايه .. عملت ايه في الاستاذ عمر يخربيتك
*انت لسه هتسأل اطلع الحقه بسرعة
طلع جري وانا فضلت واقف في مدخل العماره
~ايه يا نور صوتك عالي ليه
* لا نفيش يا طنط دا تقريبا فار و دخل الشقه
~ايه ..ودخل ازاي
*تقريبا وانا بنزل الهدوم ... وانا سيبت الشقة .. و عنر بيخرجه باين
~و سايبه لوحدي يبني بدل ما تساعده
* ..لا منا بساعده اهو بس نزلت استريح شويه
~ تستريح؟ طب ادخل يبني بدل ما انت واقف ع السلم كدا
*تسلميلي يا طنط شكرا شكرا
****
خدنا بتارنا ..جتلناه وغسلنا عارنا بيدنا يامااي ..زغرد يا استاذ نور
~هههه مبارك ياحبيبي .. شكل الاستاذ نور عداك هو خايف من الفار وانت خدت بتارك
*يييي...انا طالع لعمر اشوفه بم انكم قتلتوا الفار
+لاء ....استنى ...لسه ما..
~اسكت بقا وسيبه يطلع لصاحبه...عاوزه ليه
+عشان لسه مشلناش القتيل
~يالهوي 😂 دا صوته هيسمع العماره كلها ..ربنا يعين عمر علي مابلاه
+😂 يارب
**
عمر ...عم...اااااه ...ااااااه
_باااس ...بس الجيران فضحتنا
حط ايده على بوقي عشان يسكتني ..لما شوفت القتيل لسه في الصالة ... خبيت وشي في كتفه و..
*بالله ياعمر شيله ..وانا هعملك اللي عاوزه ...بس شيلة والله شكله راعبني
_مانا عارف انه مخوفك
*كدا ياعمر ...واهون عليك
_لاء... بس انت قولت هتعمل اللي عاوزه
*ايوة
_قولي بحبك ياعمَري وانا اشيله
*يااخي هو دا وقته
_خلاص مش شايله ..انا اصلا عاجبني الوضعية دي ..ممم بس لاء ابعد عني كدا هروح انزل للسوبر ماركت
مسكت فيه جامد وخبيت وشي في كتفه اكتر ...وربي ماانت سايبني ورايح حتة الا لما تشيله
_مانت اللي مش عاوز تحقق اتفاقك
*خبطته في كتفه عشان مصمم يكسفني:بحبك ياعمَري
_لا مش بنفس ...مش حاسسها
اخدت نفس وبصيت لعيونة ونسيت القتيل: بحبك ياعمَري بحبك اوي ومش بقولها عشان المفروض حاسسها من تصرفاتي وخوفي عليك ..بس انا بحبك ومليش غيرك ..ومش عاوز يبقي ليا غيرك ..فامتسبنيش ابدا بحبك
بربشت فاشوفت الفار تاني صوتت وجريت ع المطبخ اتدري فيه
عمر لنفسة:هو..هو قال الكلام دا ليا ..كنت فين من زمان ياسي فار ..ومنك لله عشان بوظت اللحظة
**
شاله ونضف المكان ودخل غسل وصلي وانا استخبيت في اوضة الاطفال من كسوفي ومن اني قلت الكلام دا كله ..بس هو يستاهل هو..
يانور ..نور
شكله عاوز يضرب ..مش يتقاله كلام حلو ..هو محدش قاله اني مكسوف
*رديت من مكاني :نعم
_مش هناكل ولا ايه ؟ غالبا انا جاي من الشغل
*حاضر
قومت جهزت الاكل وحطيته وانا حرفيا وشي بيشع حرارة ..وجيت اهرب شد ايدي قعدني جمبه وبصوت هادي:مش هتاكل
* مش جعان
_مش جعان ولا ..مكسوف
خبطته في كتفه ..دا طبعي لما بتكسف وهو فهم وضحك الاستاذ و..وشدني لحضنه
يعني انا بقول مكسوف وانت بتعمل ايه
مااهتمش ببرطمتي و
_وانا كمان بحبك يانور عمري كله بحبك ومقدرش استغني عنك ..ربنا مايحرمني منك ولا يأذيني فيك
*خلاص ياجماعة هو استاذ حلو وقمور .. وبيقتلي الفيراان 😂
"في البداية كنت خائفة منك والآن!!
أُقتل خوفًا من دونك !🤍"
أنت تقرأ
One Shots
Romanceكل بارت قصة مختلفه تتحدث عما يدور بروحنا أمسك فؤادك فالقلوبُ مدائِنٌ ماكُلُّ من سكنَ الفؤادَ سيمكُثُ
