One Shots

تخطي و عش حياتك 🤍

- طب حصل اي مع اول حب ليك

#عااااااااااا دي حكاية طويله فاضي تسمع

- حاول تختصرها شويه

#لا لا مش هينفع
بص
كل الحكاية
بعد حب 3 سنين سابني وراح ارتبط ببنت عشان يتأكد من ميوله 😂
عارف انها طويله بس معلش بقي

- يعني كل السنين دي
وراح ف الآخر ارتبط ب بنت

#دخلت المستشفي بسببه 14 يوم وكنت بموت و عرف ومجاش سأل حتى

-عشان تبقى تعرف إنك عبيط صح

#وبعدين البنت طلعت بتستغله عشان فلوسه و خزوقته و سابته وبعدين رجعلي ندمان

-وف الاخر طلع واطي
وعملت اي انت

# ولا حاجه لحد الان بيحاول يرجع ومش بهزر في كلمه لحد الان هو كل يوم يكلمني فنفس الموضوع وانا اللي رافض

- دا واطي

#بص هو واطي بس انا متأكد ان حبه كان بجد 100%

-مظنش
يمكن كان بيحب استغلال جنس

#محصلش بينا حاجه

-معقولة

# اه ومش معقوله لي

-اصل فترة طويلة حب ممكن يكون حصل حاجه

#اكبر حاجه حصلت بيني وبينه كانت بوسه و بعيدها اخد قلم فوقه بس قالي كانت تستحق القلم😂

-بس لي انت رافض حتى البوس منه

#تؤتؤ مش قصه رافض

كنت متفق ان مش هيحصل غير لما نرتاح و نكبر شويه انا ساعتها كنت اولي ثانوي

- كنت لسه صغير
عشان كده بقى قلبك مستحملش
وتعبت

#مش هسلم نفسي لأي حد وخلاص + مش هيحصل اي حاجه بيني وبين اي حد غير الشخص اللي هتأكد 100% انه هيكمل معايا للاخر

-فعلاً احسن حاجه
وممكن مثلا ورقة عرفي كده😶

#اه ونجيب اتنين شهوود كمام

انا تعبت تعب مش طبيعي وكنت مفكر ان الكلام ده كلام افلام وان الواحد مش معقوله يوصل للدرجه دي من التعب لمجرد ان شخص سابه
لحد ما جربت بنفسي😂
بس هما 14 يوم وخرجت من المستشفي حرفيا شخص تاني خالص

انا جالي عروض ارتباط كتير ولحد الان بس لا مش هوافق انا مش مستعد اسلم قلبي لحد ويتكرر اللي حصل
ساعات بحس اني ظالم نفسي كدا وظالم غيري بعدم التجربه من جديد بس لا
اظلم نفسي احسن ما حد يظلمني

-مفيش ظلم ولا حاجه ده شئ عادي
مفيش ظلم
المهم إنك تكون مرتاح

# لا ظلم انك تحرم نفسك من التجربه من جديد لمجرد تجربه فاشلة فحياتك المفروض مكنتش قفلت ع نفسي بالشكل ده (انا شخص بيعترف بغلطه وبيحاسب نفسه) عشان كدا مش بنكر الحقيقه بس حتي وانا عارف ان اللي بعمله غلط
هو اتبهدل برضه بصراحه في الفتره دي و اتغير برضه وبقي رافض الارتباط من اي حد تاني
ممكن يكون اختار النهاية دي بنفسه بس احييه علي اختيارة

-لي احييه على اختيارة انت عبيط

#لأنه فوقني من حلاوة الخيال بإنه صدمني بصخرة الواقع
و اثبتلي اني كنت صح من قبل ما اعرفه بإني كنت لاغي الارتباط نهائي وان يستحيل حد يكمل وبعد ما اتنازلت عن معتقداتي اكتشفت اني كنت غلط بكدا و علمني اني كنت صح في تفكيري وان نسبة قليله جدا هي اللي ممكن تكمل

-ممكن تشوف شخص تاني مثلاً

#بعد ما مريت بالتجربه و اكتشفت اني صح و ان مينفعش اتنازل عن معتقداتي من تاني
ابقي عبيط و حاكم ع نفسي بالتعب

-بس الشخص اللي ساب قبل كده اكيد هيسيب تاني

#صدقني مفيش قاعده ثابته

-بصراحه العالم ده مفيش علاقة بتكمل للآخر

#تؤتؤ كتير كمل وكتير كمل للأخر بس نسبه قليله

-و اي اللي يضمنلك ان علاقتك الجايه هتكمل و تبقي من ضمن النسبه القليله دي

#تقدر تقول اني مش هقع في نفس الغلط مرتين

-يعني هتختار صح المره الجايه

#تؤتؤ مش هختار خالص
هو مكنش اختيار غلط عشان المره الجايه اختار صح

-بعد كل اللي عمله لسه بتقول انه مكنش اختيار غلط

#اها انا عشت معاه اسعد ايام حياتي حققلي كل اللي كان نفسي فيه حسسني لأول مره بطعم الحب

-بس دوقك مرارة الفراق في الاخر

#مش هنكر بس زي ما الانسان مش بينسي اللحظات الوحشه لازم برضه مينساش اللحظات الحلوة اللي عاشها

- افهم من كلامك انك ممكن ترجعله

#تفتكر لو عايز ارجعله كنت هقعد معاك لي ما كنت وافقت علي طلبه من زمان وكنت رجعت

-امال انت عايز اي حيرتني معاك

#انا مش عايز حاجه يا سيدي كل اللي عايزه اعيش في هدوء تام بعيدا عن دوشه العالم و زحمة العلاقات

-عايز تقفل ع نفسك يعني

#لو اقدر كنت عملت كدا بس مش هينفع انا عندي حياة ولازم اعيشها لازم استمتع

-انت غريب بس دماغك حلوه 😂

#كلنا في النهاية اغراب يبني 😂

-قوم يعم هاتلنا ايس كريم بدل الهم اللي احنا فيه

#هجيب بس انت اللي هتحاسب