(𝗔)𝘀𝘁𝗵𝗮𝘄𝗮𝗿𝗮 (අ)ස්ථාවර 𝗧𝗞

01 ¡ !

ජීවත් වෙනවා කියන්නෙම පන පිටින් ඉන්න එකයි හුස්ම ගන්න එකයි විතරක්ම නම් , මම කැමතියි ජීවත් වෙන්න.. ඒත් ! ! ඒ විතරක්ම ඇතිද ?

ඒ ප්‍රශ්නෙ විකාරයි..ඔව්....මට සමාවෙන්න මගෙන් එහෙම ප්‍රශ්නයක් පිට උනාට..
මම ඒකට ඔයාලාගෙන් උත්තරයක් බලාපොරොත්තු වෙන්නෙ නැහැ..
මොකද ඒකට උත්තරයක් ගන්න මොහොතෙ කෙනෙක්ගෙ මූනෙ ඉරියව් වෙනස් වෙන ඉක්මන !!
ඒක බලාගන්න ඇත්තටම මට ඕනි නැහැ..ඒ මොහොතට මම කැමති නැහැ...
හැමෝම කැමති සතුටු වෙන්න..සතුටින් ජීවත් වෙන්න..ඒත් !!

මම ප්‍රාර්ථනා කරන්නෙම ... මේ ලෝකේ හැමෝම
* සතුටින් * හුස්ම ගන්න ඕනි ..
ජීවත් වෙන ජීවිතේ සැනසීමෙන් විඳින්න ඕනි !!
ලබාගෙන ආපු දේවල් කොහොම උනත් , අවසානයක් නැති තප්පරේ පවා විඩාබර ඇස් විඳින දුක් කඳු වලට දවසක ඒ ඇස් වලින් සතුටු කඳුලක් වැටෙන්නම ඕනි...!!

.
.
.

හා...හ්.... ඉන්න..
ඇත්තටම මම ඒ මොකක්ද කියලා තියෙන්නෙ ! සමාවෙන්න..සමාවෙන්න..මම ටිකක් තද කල්පනාවක හිටියෙ..
එහෙව් වෙලාවට මම හිතත් එක්ක සෑහෙන්න රස්තියාදු ගහනවා ...ආපිට එද්දි මම කියපු දේවල් වල වත් මට සිහියක් නෑ..
හරි ඒක අමතක කරන්න...

හායි !! කොහොමද ? .
මං හිතන්නෙ මාව ඔයාලා දන්නෙ නැහැ..ඒත් ආගන්තුකව මගෙ කතාවට සවන් දෙන එක ඔයාලට විකාරයි..

ඔයාලා නොදන්න සහ මේ කව්ද යන්න හරියට තව මමවත් නොදන්න මම !!!
නමින් කිව්වොත් විසල් අනුත්තර ..
ටිකක් අමුතු නමක් උනත් මම ඒකට ආදරේ කරන්න හේතුව?...

ඒක මට අප්පච්චි තියපු නම..මේ ලෝකෙ කැත දෙයක් නැති එකේ මේ නමත් එහෙම නොවෙන්න ඇතියි කියන්න තනියම ඔහේ හිතන එකත් සිතුවිලි රස්තියාදුවෙ යන්නෙක්ගෙ පුරුද්දක්ද..!? හ්ම්හ්...
සුදු අම්මා කියන විදියට අප්පච්චි ඒ නම මම ඉපදෙන්නත් කලින් එයාගෙ ඩයරි එකේ ලියපු එකක්..ඒක ඇත්තටම ලස්සනයි...ඔය... මම ආයෙමත් මහ ලොකු පුරාජේරුවක...
කොහොම උනත් අප්පච්චිට මං " අනුත්තර " උනු එකම මහ ලොකූ බරක්......සමහර පැය කටුත් තත්පරේට එහෙ මෙහෙ දුවවන්න තරම් කල්පනාවට වැටෙන්න..

නික්නේම් , ඇත්තටම මට එහෙම ඒවා නැති තරම්..මොකද එහෙම දාන්න තරම් ලොකූ යාලුවෝ පිරිසක් ඇත්තටම මට නැහැ කියනවට වඩා ඇත්තටම යාලුවෝ ආශ්‍රය කරන කෙනෙක් නෙමෙයි කියන්නද....