❤ Burgundy ❤ [ Completed ]

💋 22 💋

ඇය තමන්ව කෙසේ මගහැරියත් අලුත් ආරංචිය ඇයගේ ඇස් ඉදිරියේම පෙන්වීම තමන්ගෙ අරමුණ කරගත් මහෙන්ස, සුපුරුදු වෙලාවට කලින්‍ රාත්‍රී රාජකාරිය සඳහා පිටත් වුණේ ඇයව පුදුමයට පත් කරන්නත් සිතාගෙන. සවස හතරත් පහත් අතර සේවය නිමා කර පැමිණෙන ඔහු, රාත්‍රියේත් එක වරක් හෝ හදිසි ප්‍රතිකාර ඒකකයට යන්නේ සිය සේවය නිසි පරිදිම ලබාදීමට අවශ්‍ය නිසා. ඒ අතරතුර ඔහුට ලැබෙන ඇමතුම් අනුව වෙනත් ඕනෑම අවස්තාවකත් ඔහු සිටියේ ඕනෑම රෝගියෙක් තමාම ගොස් පරීක්ෂා කර උපදෙස් ලබා දීමට සූදානමින්.
.
.
.
.
" මිස් bystanders ලා ( ළඟ ඉන්න අයව) එළියට යවන්න කියන්න. Patient ව බෙඩ් එකට ගන්න. Leg end එක ( කකුල් තිබෙන අන්තය) උස්සන්න. මොනිටර් එක දාන්න. ඔක්සිජන් දාන්න. IM adrenaline 0.5 දෙන්න ඉක්මනට . IV hydrocortisone , IV clophen දෙන්න.
කැනුලා දෙකක්වත් ඉක්මනට දාගන්න veins collapse වෙන්න කලින්. Bolus එකක් යවන්න 500cc. නදීශා , සර්ට ඉන්ෆෝම් කරන්න."
ලෝකයම අඳුරු වනවා දැනෙද්දිත් වේගයෙන් නිසි ප්‍රතිකාර ලබාදෙන්න පියවර ගත්තා.

" ඩොක්ටර් bp ( රුධිර පීඩනය ) නම් low (අඩුයි) " හෙදියක් එසේ කිව්වේ තවත් හෙදියක් යුහුසුළුව කැනියුලාවක් රෝගියාට ඇතුළු කරන අතරෙ.

" ඇඩ්‍රිනලීන් එකට අප් වෙයි, තව කැනියුලා එකකින් බෝලස් එක ඉක්මනට යවමු."
ඇය රෝගියාගෙන් කිසිඳු විස්තරයක් නොවිමසාම යුහුසුළුව රෝග විනිශ්චය කරන්නට හේතුව දැන සිටියේ ඇය පමණයි.
.
.
.
වාහනය රථගාලෙන් නවත්තද්දීම ඔහුට ඇමතුම ලැබුණේ නදීශාගෙන්
" සර් anaphylaxis* ( ආසාත්මිකතා / ඇලර්ජි හි දරුණුම අවස්තාව) එකක්"

" මම ඇවිත් ඉන්නෙ , intubate ( සංවාතන නලයක් ඇතුළු කර ශ්වසනය ලබා දීම) කරන්න ඕනෙ නම් රෙඩි කරගන්න"

ඔහු එසේ කියා තප්පර ගනනක් තුළ තමන්ගේ ඒකකයට ඇතුළු වුණේ වේගයෙන් දිව ආ නිසා මතු වූ දහඩිය බිඳු එක්ක. ඔහුගේ මග අවහිර කරමින් සිටගෙන සිටි දෙදෙනෙක්ව ආරක්ෂක නිළධාරියා විසින් බලහත්කාරයෙන් ඉවත් කරමින් ඔහුට ඇතුළු වීමට ඉඩ ලබාදෙන්නට සිදු වීම ගැන ඔහු සිටියේ නොරිස්සුම්සහගත හැඟීමකින්.

ඔහු එහි යද්දීත් ඇය කළ යුතුව තිබූ සියල්ල අවසන් කර සිටියත් ඇගේ මුහුණ වැසී තිබුණේ මහා අඳුරු වලාවකින්. මෙරුන් පාට , දණහිසට මදක් පහළින් ඇති සරල ගවුමක් හැඳ සිටි ඇය වෙනදාටත් වඩා සුන්දර යැයි ඔහුට සිතුනත්, ඇගේ මුහුණේ ඇති අසාමාන්‍ය විඩාබර ගතිය ඔහුව කනස්සල්ලට පත් කළා.