محمد : ههههه ياحبك ل الهياط اخرتها اقعد نص ساعه انتضرك
ديم : وشدعوه تراك كذا تأخرنا
محمد : خلاص يلا يلا
____________________________________
عند بيت ابو تركي تحديداً " سيارة تركي "
تركي الي ركب سيارته وشغلها وينتظر الريم تجي والتفت ل بيت ابو محمد
وشاف محمد الي رايح يركب سيارته وصد عنه تركي ب كره شديد وم اهتم له
بعد 3 دقايق
الريم الي راحت ركض ركبت مع تركي قبل يروح ويسحب عليها
تركي الي لف شاف الريم تركض ويضحك عليها هههههه
وتطيح عينه على البنت الي طلعت من بيت ابو محمد
تركي الي يشوف ان البنت برضو مو غريبه عليه وصد عنها وهو كانه عارف البنت
قاطع افكاره صوت الريم وهي تصارخ : تركيييييييي
تركي : ببببسسسممم اللله وش فيييك انتي انهبلتييي
الريم : وش فيك فجأه سكت وقعدت تفكر كذا خوفتني
تركي : بسم الله عليك يا الدلوعه اسكتي عني بس
الريم الي كانت مستغربه من تركي بس م اهتمت
_______________
عند بيت ابو محمد تحديدا سيارة محمد
الي كان يشغل السياره وينتضر اخته تطلع
طلعت ديم وشافت الشباك حق السياره مفتوح وكانت تبي تخوف محمد
ديم : بووو
محمد : وجع بسم الله
ديم : هيهيهيهيههي خواف خواف
محمد : الواحد يهوجس وانتي تجين تروعينه الحمدلله والشكر اركبي بس اركبي
ديم : طيب طيب يا النفسيه محد يمزح معاك انت
محمد : هيه الا الغلط
ديم : طيب طيب
وديم ركبت ووصلو ل البقاله ونزل ديم وقشت البقاله قش وراحت بتحاسب
وشافت قدامها نفس الشخص الي اصتدمت فيه ب المستشفى !!
وقعدو يتبادلون النضرات ل ثانتين بس
وصدت هي عن تركي وتركي نفس الشي ومشى ل الريم
تركي : الريم يلا سرعه خلصت انا وانتي توك
الريم : يلا وش فيك مستعجل انت تونا دخلنا م اخذنا كل شي
تركي : طيب سرعه
وبعد م خلصت الريم لفت على تركي : خلصصصت
تركي : يلا سرعه تعالي نحاسب
الريم : يلا يلا خذ حاسب وانا بروح
تصادفو ديم و الريم وشافو بعض الريم : اهلللاً ديمي كييفككك
ديم : هلا والله بخير يا قلبي انتي كيفك من زمان عنك
الريم : بخير ياعيوني انتي وش ذي الصدف الحلوووه
ديم : يابعد قلبي والله احلى صدفه
صار كل هذا قدام انضار " محمد وتركي "
ديم : يلا يروحي انا بروح واليوم ترا فيه عزيمه لازززم تجين عندنا سوالف
الريم : تمام ياروحي انتي بنجيكم انا وامي و امي والله مشتاقه ل امتس وسوالفها وقعداتهم مع بعض قبل
ديم : اي بتنورننا والله يلا مع السلامه
الريم : ف امان الله
اتجهت الريم ل سيارة تركي واتجهت ديم ل سيارة محمد
تركي مشى وماقال شي وكان صمت الوضع
وهو مصدوم كيف كل ذا الي صار وش ذي الصدف
الريم قاطعت الصمت : اسمع تركي
تركي : هلا
الريم : خلاص ولا شي
تركي : طيب انا ألي بسألك
الريم ب استغراب : وشو اسال
تركي : من هاذي ووش سالفتها
الريم : ذي بنت ابو محمد
تركي : اييييييه زين
الريم الي كانت مستغربه من سؤاله ووضعه كيف تغير
اما عند محمد الي كان مستغرب من الصدف الغريبه الي صارت وكيف طلعت العايله ذي من قرايبنا واختي تعرفهم زين وانا م اعرفهم والاسئله تدور ب راسه
وديم كذالك مرا مرعوبه من تركي وماتدري من وين طلع لها ووش جابه وكيف انه من نفس الديره الي هم فيها وكيف وكيف والاسئلة تدور ب راسها
____________
طبعاً تركي مو اعجاب ب البنت ولا حبها اصلاً يكرهها كره الاعمى
ولا يطيقها ولا يتحملها ويتمنى انها تموت ولا يشوفها ولا يطيقها وانهى تختفي عن الديره هي واخوها واهلها
___________
بعدها تركي
الي نزل البيت ونسى الموضوع ونزل الاغراض
ابو تركي : يلا البس البس بنروح ل ابو محمد تأخرنا
تركي : يلا يا يبه
ودخل تركي يتروش وخلص وطلع لاف المنشفه بخصره وعضلاته الخفيفه جداً وكتوفه العريضه وطوله الي معطيه هيبه وقعد ينشف شعره ولبس ملابسه وتبخر وتعطر وطلع ل ابوه : يبه جهزت
ابو تركي : اي يلا يلا ياوليدي
وصلو عند ابو محمد ودخلو المجلس وقام ابو محمد ومحمد يرحبون ب ترحيبهم الدايم ب مجلسهم الي له هيبته وفخامته
وقعدو يسلمون على بعض وتركي ومحمد الي يسلمون من دون نفس بس عشان ابائهم وم يبينون ل احد شي
——————————
نرجع ل قبل الوقت ب لحضات"
عند ديم اول مارجعت ل البيت وحطت الاغراض ب المطبخ وراحت لغرفتها مو طايقه احد وعيونها الي تلمع من دمعتها الي ماسكتها وتفكر ب كيف الصدف وكل يوم تنصدم اكثر من الي قبله وان ذا الولد اخر الريم ؟ وكيف لو انه حاقد عليها وعلى اخوها ولا ابوها وش بيصير فيها؟
