ما اعظم خبائث الحب

بارت 6

-قاعده أتأخر لأني انزل انستا قبل الواتباد ف اعذروني
الي يبي يقراها انستا افضل وانزل كل يومين او ثلاث rw_yf حسابي انستا
- قبل نبدا صلو على النبي محمد صلَّ الله عليه وسلم-
-
-
-

-
خالد : خلنا نرجع بس واعتبر اني ماقلت شي واثق فيك انا
محسن : افا بس سرك في بير
________________________________
عند ديم وتركي
تركي نزل من السياره بسرعه وهو يدخل الفندق قبلها ويدخل ويبدل ملابسه وهو ماناضر ف وجهها ابداً وديم الي تتحمد ربها انه م كلمها ولا قال شي ماكانت عارفه وش ينتضرها
-بعد ربع ساعه-
تركي مسك يدها بقوه يسحبها ودفها ل درجة طاحت ب الارض : تحسبيني نسيت تحسبيني نسيت يوم تصرخين علي وتقللين احترامك يا بنت ****^
ديم ب عصبيه وصوت عالي : يا حيوااانن لا تمد يدك لا اكسرها لك تحسب ماوراي اهل تحسب ماوراي سند !!
تركي ضحك ب سخريه : وليه وش بيسوي اخوتس محمد يعني ورع ما يقدر يمسك اضفر يدي حتى
ديم بحده: هيه اسمح لك ب كل شي الا اهلي خط احمررر مو على كيفك تتكلم عليهم
تركي مشى ب جمود وهو متجاهلها ومتجاهل عصبيتها : ايه على كيفي عندتس مانع لا سمح الله؟
ديم : طبعاً عندي مانع !
تركي : وفريه
وطلع تركي من الفندق كله وركب سيارته وقعد يتمشى ويسمع اغاني ومستمتع ولا عليه منها
_______________________________
عند ديم
وقفت ديم وهي تحاول تمسك دموعها خايفه يدخل تركي عليها فجأه ويبين خوفها منه وانهارت لأنها مجرد يومين تحملت كل هاذا وهي كانت ببيت اهلها معززه مكرمه وتبكي ان قاعد يصير لها كل ذا وهي ب العمر هذا والي يصير لها شي اكبر من عمرها م يتحمله كيف هي الي ما تعدا عمرها ١٩ سنه مرت ب كل هذا ومسكت دموعها وتحاول تقوي نفسها بس الي صار غلبت عليها دموعها وانهارت على السرير ....
_______________________________
عند الحريم الي يسولفون مع العيال وكان الكل موجود الا ديم وتركي
منيره : اخ اشتقت ل ديم
العنود : صدق لها فقده
ام محسن : حشى توها راحت
نوره ب ضحك: الحين هي تلقونها تتمشى مع زوجها ومستانسين مادرو عننا
اما محمد الي قاعد ويهوجس ب الريم وكيف ان عيونها فتنه وهذا وهي لابسه نقاب ومتغطيه
دق جوال منيره : معليش بروح اكلم واجيكم
ام فارس : يا ذي المكالمات مدري وش بلاها هالبنت
خالد الي كانت فرصته يروح ويكلم منيره وقعد دقيقتين وقام : بروح اجيب اغراض من السياره
عند منيره الي كانت برا ب الحوش قاعده تدور فيه وتكلم
مر خالد من وراها متخبي عشان م تشوفه
منيره وهي تكلم ب الجوال : ايه خلاص نطلع مع بعض ومحد يدري
خالد الي انصدم من الي سمعه ويحاول يفهم شسالفه ويقرب منها عشان يتاكد الي سمعه صدق او لا
منيره : خلاص ماعليه ماراح اعلم الشله الغثيثه
خالد الي انقهر وشوي وينفجر من الي قاعد يسمعه وكان يضن انه ولد ...
منيره : سمي يا روانيييي باي انتبهي ل نفستس
خالد الي تنهد من اعماققق كيف كان خايف من انه يطلع ولد اخر شي طلع بنت وشتم نفسه لأنه ضن عليها ضنون واساء الضن فيها وهي بنت ناس وقبايل وبنت عادات وتقاليد
قفلت منيره متوجهه ل المجلس فز خالد وطلع لها : منيره اصبري
منيره الي عرفت صوت خالد ورجفت وردت ب عكس توترها : سم ؟
خالد : منيره كلامي لتس امس وش صار عليه وش فكرتي فيه
منيره : يا خالد لا تحرجني قلت لك رأيي من رأي ابوي
خالد ب سعاده : يعني تبيني موافقه؟
منيره : خالد ممكن تبعد عني ؟ مشت منيره ل الداخل متجاهله خالد الي وقف وراها وعيونه عليها لين دخلت داخل
وخالد الي تلاشت ابتسامته وتضايق وسب نفسه لأنه راح يكلمها 
_________________________________________
مشت منيره بخوف تحمد ربها انها افتكت من خالد
وقعد بجنب الريم ودخل خالد وهو يناضر لها ب يئس وجلس ساكت
الريم الي مستغربه من منيره : وراتس كذا تضايقتي
منيره ب عكس الي ب داخلها : لا شدعوه مو متضايقه
الريم : من متى تخبين علي؟
منيره : خلاص تكفين الريم نفسي ماش
الريم سكتت وقعدت تسمع سوالفهم
—-———— بعد ساعتين ——————-
ام خالد : يلا تمسون على خير ان شاءالله حنا والله بنروح
ام محمد : لا اقعدي اقعدي بدري مشيتو والله
ام فارس قامت : يلا اجل كلنا بنمشي م نبي نطول عليكم
ام محمد : والله بدري بس يلا مع السلامه وانتبهو ل نفسكم والطريق
خالد الي كان ييبي يروح ويبعد عن اي شي يخص منيره ومشى متجه ل سيارته ب ضيقه وكسرت قلب
____________________________________
بعد ما الكل وصل بيته "عند خالد "
الي قبل ينام قاعد يهوجس ويفكر ب منيره مثل كل ليله من بعد موقفهم ايام خطبة تركي وديم صاير م ينام الا وهي بباله ومن بعد اليوم بينام وبالصدر طعنه ويخاف بعدين ياخذها غيره وبعد كل الافكار عن باله وحاول ينام بس م قدر وقام وراح متجه ل غرفة امه وطق الباب عليها
ام خالد فتحت الباب : خالد ؟ وراك يا وليدي مانمت؟
خالد: يمه بكلمك ب موضوع ضروري
ام خالد : عسى ماشر وش فيك تعال تعال ل المجلس وعلمني وش فيك
خالد مشى ورا امه متجه ل المجلس وقعدو ام خالد: سم يا ولدي شفيك؟
خالد : يا اميمتي انا ودي اقولتس بس افهميني زين
ام خالد ؛ وانا دايم افهمكم زين قل قل وش بلاك
خالد : يمه انا احب بس حب حلال والله مابه حرام وحبيت بنت ناس تعرفينها زين يا امي تكفين اخطبيها لي قبل تطير مني تكفين يمه
ام خالد الي مصدومه من ولدها الي اول مرا يجيب طاري ذي الامور : سم سم يا ولدي مايصير خاطرك الا طيب ان شاءالله بس من بغيت؟
خالد : ابي بنت ابو فارس تكفين يا يمه
ام خالد : اي وحده الكبيره ولا الصغيره
خالد : الصغيره منيره تكفين يا يمه لا تطير من يدي انا ابيها من زمان من ايام خطبة تركي وديم وانا حاطها ببالي والله م صرت انام الا وهي ببالي صرت م افكر ب مستقبلي الا وهي موجوده فيه
ام خالد : وليه وش صاير بينكم ولا علمتني
————نرجع قبل شهووور——————
خالد الي من سمع صوتها ماعرف مين هي لان مستحيل يتصادفون
خالد : مين انتي
منيره : انا منيره بنت ابو فارس اذا ماعليك امر بطلبك طلب
خالد الي فز وارتعش من عرف ان صاحبة الصوت اللطيف منيره واخت فارس
وخالد صحى على نفسه ورد :هلا سمي وش بغيتي؟
منيره : حنا والبنات والله طفشانين ولا عندنا شي نسويه وش رايكم نركب كلنا ب الددسن ورا وانتو قدام ونتمشى ب الديره ونلعب ؟
خالد الي تردد ولا وده يرفض من سمع صوتها الي رد روحه : ابشري بس بشوف العيال واقولكم
منيره : شكككراً الله يسعددككك
خالد : امين وياك يارب
وسكر خالد بعد ماسمع صوتها ورجع ل العيال والابتسامه شاقه وجهه
ويقعد يحارش اي احد يشوفه قدامه ومستانس ولا يدري من ايش مستانس ووش السبب حتى؟
___________نرجع ل الواقع_____________
ام خالد : وبعدين متى شفتها
خالد الي قعد يحكي لها الي صار ب العرس
ام خالد ب صدمه من جرائت ولدها : الله يهديك ليه سويت كل هذا
خالد : والله يا امي اني شفتها ب الغلط وقلت هاذي فرصتي اعترف لها يا يمه انا ابيها وقالت رأي من رأي ابوي يعني وشو يا امي
ام خالد : خلاص بكلم ام فارس بكرا ان شاءالله واشوف وش بيصير وبس هاه اذا رفضتك لا تزعل
خالد : ليه ليه فيه شي ناقصني يمه؟
ام خالد : لا ماقصدي كذا يا وليدي انت رجال ولا ناقصك شي بس البنت يمكن ببالها واحد ثاني
خالد وهو يحب راس امه : ان شاءالله
ام خالد : يلا رح نام الوقت تأخر
خالد الي راح وهو فرحان مرا ودخل غرفته وسكر الباب واتصل على محسن ووصله صوت محسن الي كان نايم : الوووو
خالد : هلا محسن
محسن : وش عندك داق ب هالوقت
خالد : محسن علمت امي عن منيره واني احبها
محسن الي فز : يا ورررع انت صادق تعلمها تخيل يدري اخوها فارس والله م يوافق ويلعب ب عقل اخوه غبييي انت !!!
خالد : والله ما علي منه لو يدري وش بيقول يعني عني ابوه يشوفني انه م وراي خلاف
محسن : يا غبي م تعرف فارس انت والله اذا حط شي براسه يسويه بس انتبه انتبه امك لا تعلم الناس عن حبك لها حتى ماتدري لو رفضتك والناس درت انك كنت تحبها وش بيقولون عنك ؟
خالد : لا ماراح ترفض وفارس يخسي يسوي شي انا باخذ منيره يعني باخذها يا بحب خشوم ولا بكسر خشوم منيره بتصير زوجتي ومحد بياخذها مني
محسن : اقول لا تهايط وانا م اقول الكلام ذا الا لأني خايف على سمعتك بعدين انت شايف احد ب الديره يتزوج عن حب؟ يعني لو يدرون بتصير مصيبه على راسك وراسها ويحطون فيكم كل شي م ينقال
خالد تنهد وهو مقتنع ب كلام محسن بس م يبي يقول انه مقتنع : اخ بس
يا محسن اخاف صدق يصير عكس الي ببالي
محسن : ان شاء الله كل شي يرضيك ب يصير بس انتبه انتبه انتبه لك ولها
خالد : خلاص ابشر واسف ازعجتك مع السلامه
وقفل محسن وخالد تنهد من اعماقه ونام ......
_____________________________
"عند منيره"
الي كانت تبكي من اعماقها على كل الي صار لها مع خالد وانها محتاره بين تبيه وماتبيه بعد ماشافته يتكلم مع بنت
—————قبل اسبوع —————
بمحل الورد
خالد : لو سمحتي ابي باقة ورد وابي ب كرت تكتبين اهداء ب اسم رُودين
صاحبة المحل: تبي تاخذه الحين ولا نوصله ل الموقع الي تبي؟
خالد : وصليه لها
صاحبة المحل : تمام عطنا الموقع الي تبينا نوصله لها؟
وعطاها خالد كل شي تحت انضار منيره الي كانت جايه عشان تشوف خالد جته ب شوق وامل واحلام وحب وتحصله كذا
_______نرجع ل الواقع _______
منيره الي قاعده تبكي وهي تتذكر كل ذا الي صار وارجع وتكرهه اكثر من قبل
____________عند ديم____________
عدلت جلستها ب حرقه وقعدت تتمدد ب السرير وم اهتمت ل اختفاء تركي كل هالساعات وفجأه تركي تركي دخل الفندق وبغرفتهم تحديداً
دخل ولقى ديم تبكي ب حرقه : ديم
ديم رفعت راسها ب خوف وقهر لأنه شافها ب ضعفها : نعم
تركي : ممكن تنقلعين بنام هنا؟
ديم : روح نام ب الكنب
تركي قام وقال ب حده : اذا ماقمتي والله م تشوفين خير
ديم قامت وقالت ب نفس حدته : وراك انت ماغير تهدد بس ماني شايفه قوه ماني شايفتك تسوي شي شعندك
تركي : ماتتوبين انتي ماتتوبين من المشاكل ما تسدين حلقتس عشان يمر يومنا ب راحه وبدون صوتس وازعاجتس عشان كذا رموتس اهلتس علي
ديم : سلامات قلت لك م تغلط م تفهم انت ماتفهم
تركي : وردودتس كلها نفس بعض بس تحبين تزعجينا
ديم : احمد ربك بعد اني ماعلمت اهلك على افعالك معي ولا فضحتك ب سلوكك هذا ولا رحت ل الرجال وقلت انا تزوجت رخمه م تزوجت رجال والله لو انه غيري م تحملتك ليله وحده ! انا من اول يومين تضربني بالله هاذي افعال رجال!
تركي ب عصبيه : تدرين العيشه معاتس ماتنطاق وهي ب اول يوم ماني قادر اتحمل كيف بتحمل طول عمري
ديم : خلاص طيب فكني منك وخلنا نرتاح حنا الاثنين لا تحسبني ميته عليك
تنهد تركي : ممكن تبعدين قسم بالله ماني فاضي نكد خليني انام ب راحه وقومي انقلعي ل الكنب
ديم : تمام انقلع ماني ميته عليك
تركي قام ب عصبيه متجه ل ديم وب صراخ : وقسسسسم بالله يا ديييم ان ماسكتي انك م تنامين هنا اليوم انك تنامين ب المستشفى والله خلاصصصص اسكتييي وقومي انقلعي دام النفس طيبه عليتس
ديم ب خوف من كلامه قامت بخوف وهي ترجف وتاخذ فراشها وتروح وتنام ب الكنب وتبكي ب صمت وبصوت خفيف عشان م يسمعها تركي
وهي تبكي وتركي الي كان يقول قصيدته الي كتبها ب صوت عالي قاصد عشان تسمعه ديم لأنها قالت لو وحده غيري م تحملتك وهالجمله كافيه ب انها تأثر عليه وقرر يرد ب قصيده فيها كمية كبرياء....
-