تعريف الشخصيات :
.
.
تركي وعمره 24 ويحب الشعر والقصايد كثير وعصبي وحنون بنفس الوقت مع الي يحبهم ومعروف ب الحاره والكل يحبه
ديم عمرها ١٩ حساسه وتحب المشاكل بنفس الوقت وبنت تاجر من تجار الديره ودلوعة مرا
عبدالله عمره ٢٣ اقرب شخص ل تركي
ويحب اهله ويخاف عليهم اكثر من نفسه وكل همه امه وابوه يكونون راضين عليه
-
اصايل عمرها ١٨ اقرب الناس لبعض هي وديم وتحب ديم ب الحيل واجتماعيه وتضحك وتونس ومعروفه ب الحاره
-
ام محمد الي هي ام ديم ماعندها الا ولد واحد وبنت وحده وعقيمه
-
محمد اخو ديم يحب ديم كثير بس يتمشكلون دايم معبعض وعمره 21
-
ابو محمد ابو ديم فيه مرض سرطان وعصبي واهم شي عنده سمعته ومعروف ب الحاره ب الطيب والكرم وتاجر
-
ابو تركي
كان خوي ابو محمد لكن الضروف ماسمحت لهم يبقون لبعض
-
الباقي تعرفونهم ب البارتات الجايه
هل راح تكون القصه حزينه؟
هل راح تكون القصه مليانه حب ؟
هل راح يبقون اصايل وديم مع بعض؟
كل شي بتشوفونه ب البارتات الجايه وفيه كثير
شخصيات راح نعرفكم عليها ب البارتات الجايه
———————————البدايه———————————
كان يوم عادي وكان باقي على المدرسه اسبوعين وكان الكل متحمس ل الدراسه
وديم واهلها ب الرياض عشان ابوهم فيه مرض السرطان
ويتعالج هناك من ثلاث سنين
وبعد 4 ايام كان باقي على المدرسه اسبوع ونص تقريباً
واديم عشانها طفشانه قررت تتصل الى اصايل عشان توسع صدرها وتسولف معها على مابال يجي ياخذها اخوها ويوديها ل ابوها ب المستشفى
ديم : الو
اصايل : عيوني
ديم : يالبى عيونك ياشيخه كيفك وحشتينيييي مرااا
اصايل : وربي اكثثثرررر
ديم : كيف اجواء الديره ان شاءالله بنجيكم
اصايل : والله الاجواء بدونك مب حلوه
ديم : يابعد هالدنيا يا اصولتي يوم الجمعه الجايه اجيكم
اصايل : الله حمااسسس مرا وحشتينييي
ديم : هههههه يازينك اهجدي اهجدي بس كل الحاره درت انك متحمسه
اصايل : ياخي من زمان عنك وعن الحش الي اخر الليل شسوي متحمسه
ديم : هههههههههههه اثرك تبين العلوم الزينه بس لا تحمسين مافيه شي والله الرياض تلوع الكبد
اصايل : انا كل ماتحمست يطلع حظي خايس اعرف نفسي
ديم : شدعوه يا حبيبتي انتي معليك معليك عندي سوالف
اصايل : اي كيفه ابوك
ديم : ابوي عنده عمليه بكرا بس مايدرون تنجح ولا لا بس اذا نجحت ابوي بيتشافا آن شاءالله ونرجع لكم ب الديره
اصايل : يارب ترجعون والله اشتقنا لكم اجواء الديره بدونكم وبدون عمتي ولا شي
ديم قالت : يابعد قلبي يا اصايل ان شاءالله نجيكم
وبعدها قعدو يسولفون ويحاولون ينسون الموضوع بس ماقدرو
وديم كان مرا متضايقه : اصايل جاني النوم باي ان شاءالله بكرا اكلمك
اصايل الي حست بضيق ديم قالت : ياحياتي انتي نوم الهناء
ديم الي ماكانت تبي تنام بس كانت تبي تروح ل ابوها وتشوفه قبل عمليته لانها خايفه لو يصير له شي وهي مو معه وماشافته
ديم دقت على اخوها محمد : هلا ديم وش بغيتي فيك شي؟
ديم بصوت مبحوح : لا مافيني الا العافيه بس كيف ابوي وش اخباره
محمد : والله ماهو طيبن ب الحيل ونفسيته تعبانه يوم قالو له بكرا عمليتك ماغير يبكي
ديم : اهخ يابوي تكفى تعال مرني ابي اكلمه واشوف وضعه قبل العمليه
محمد زين زين دقيقتين وانا عندك
-
بعد ربع ساعه تقريباً دق جوال ديم : هلا محمد
محمد : اطلعي انا برا
ديم : طيب
ونزلت ديم لبست عبايتها وراحت ل السياره
محمد : زين مابغيتي تجين
ديم : ترا مو طايقتك
محمد الي شاف نفسيتها ماش : ماعليه ابوي بخير ان شاءالله وان شاءالله العمليه بتنجح بس انتي ادعي
ديم : يارب يارب لا تحرمني منه وتطول بعمره وتعافيه
محمد : امين يارب
بعد 5 دقايق وصلو المستشفى ودخلو على ابوهم
الي كانت حالته متدهوره وماكان على بعضه ابداً
ديم راحت ل ابوها ودموعها ب عيونها : كيفك يا بعد هالدنيا
ابومحمد : هلا يابنيتي يا هلاً
ام محمد : والله مثل ماتشوفين حالت ابوتس وانا امتس
ديم : الله يقومك ب العافيه يا الغالي ويطول بعمرك
الكل : امين
