-البارت الجاي راح يكون اخر بارت من غير شر ان شاءالله وطبعاً الروايه هاذي البسيطه اخذت مني سنه كامله وانا اكتبها -
الروايه انستا اسرع انزل كل يومين الواتباد اطول شوي
انستا rw_yf
تيك توك rw__yf
-
-
-
-
-
-
-
-
ابو محمد : ولد انهبلت انت ! وش تقول انت وش الي تخطبها لا يكون تحبها والخرابيط هاذي والله لو ادري ان تفكيرك كذا يا سواد ايامك والله
محمد ب خوف بس مابين : افا يبه تشك فيني ؟
ابو محمد : لا ما اشك فيك بس عاداتنا مافيه حب وخرابيط
محمد : ابد انا مع العادات والتقاليد ما احب يا يبه
ابو محمد : زين يا وليدي الحب اعمى ترا انتبه وانا ابوك
وقام ابو محمد : انا بروح انام لا بغيتو شي بكرا كلموني
محمد : ابد سلامتك يبه
مشى ابو محمد وراح ....
محمد : يمه
ام محمد : وش سالفتك انت ليش قلت الريم قدام ابوك!
محمد : يايمه انا بحسنها وجمالها طحت بحبها
ام محمد : عيب يا وليدي وش الكلام ذا متى شفتها ؟
محمد : يمه قد صادفتها ب المطبخ واليوم دخلت ب الغلط عليها هي وديم
ام محمد : وديم ماقالت لي وراه؟
محمد : ما ادري بس يا يمه لا تعلمين ابوي وتكفين انا البنت ابيها وشاريها ب الحلال خلينا نخطبها قبل تروح علينا
ام محمد : قلت لك بكرا ان شاءالله اشوف واكلمها
محمد حب راس امه : الله لا يحرمني منتس يا اميمتي يلا تصبحين على خير
ام محمد : وانت من اهل الخير ان شاءالله بس ما تحس بدري عليك ب الحب
محمد : كيف بدري علي الحب وانا غرقان بحبها يا يمه تعلقت فيها صرت اشوف اسمي جنب اسمها بكل مكان
ام محمد : ان شاء الله خير
________________________________
اليوم الي بعده
عند ام محمد وام تركي الي كل يوم على وحده الفطور
ام تركي: والله فقدنا تركي من بعد ماتزوج محد صار يجيب الاغراض
ام محمد : هههه وانا محد صار يساعدني ب الغسيل والطبخ ماغير انا الواقفه على البيت
ام تركي : الله يعين ههههه
ام محمد : اقول يا ام تركي ودي اقولتس من زمان بس والله اني متردده بالحيل
ام تركي : افا انا اختس الي ماجابتها امتس تترددين وشوله قولي
ام محمد : والله ودي اخطب الريم ل محمد
ام تركي : هاذي الساعه المباركه يوم نكتب اسم محمد على الريم
ام محمد : الله يسلمتس يا ام تركي قولي ل الريم وعلميني وش تقول
ام تركي : ابد موافقين بس نقول ل ابوها واخوها ونرد لتس ان شاءالله يومين كذا
ام محمد : تمام
وكملو سوالفهم ....
___________________________________
المغرب
عند ديم وتركي
قعدت ديم بجنب تركي
ديم : تركي
تركي : عيوونه
ديم : تركي تدري ان محمد خطب !
تركي فز بشكل مرعب : هاه مين خططب!
ديم : الله يخرشك شفيك خرشتني يمه بسم الله
تركي : مين خطب؟ تكلمي
ديم : خطب الريم
تركي : يعاند هذا ولا وش فيييه
ديم : تركي حرررام عليك لا تقطع النصيب بينهم عشان شي تافه !
تركي : انا الي براسي اسويه ومحمد ما ابيه يتزوج اختي
ديم : تركي والله العظيم اذا خربت بينهم اني ل اروح بيت اهلي واحرمك مني مثل ما انت تبي تحرم محمد الريم حرام عليك على الاقل يحبها تخيل اختك تتزوج واحد يكرها وتعيش نفس الي انا عشته معك ! مفروض انك عارف وما تغلط غلطتك خلهم دامهم يحبون بعض يتزوجون ما ابي اخوي يعيش الي انا عشته انا اسفه على صراحتي يا تركي بس خلهم !
تركي بحده : ديييم قلت لتس افتحي صفحه جديده وش هالكلام ؟
ديم : انا اقولك عشان تخليهم يتزوجون بالنهايه مالك شغل فيهم شي راجع لهم هم الي بيتزوجون مو حنا !
تركي : الله يوفقهم بس انا قاهرني اخاف انه ياخذها طمع وعناد مو حباً فيها
ديم : اخوي واعرفه مستحيل يسوي كذا واخوي صعب يهوى ويحب بس الريم حبها !
تركي : خلاص انا تعبت نفسيتي من الي حولي
ديم : انت بس تغلط انت شايف كيف كانت علاقتكم انت وعبدالله حلوه وانت خربتها بنفسك انت قاعد تتعب نفسك محد سوى شي ولا احد قالك شي بس تحب التعب ل نفسك
تركي : بعقد قرانهم حضور ماني بحاضر
ديم : فرحة اختك ولا تحضرها وش قوة القلب الشينه ذي !
تركي : ديم ما تلاحظين اني سمعت لتس كثير خلاص ابعدي الي فيني مكفيني يا ديم ما ابي اغلط عليتس واتعبتس معي يكفي
ديم : طيب انا بروح بس لا تتعب وترهق نفسك ب التفكير خل بالك طويل ولا عليك منهم يتزوجون يموتون ماعليك منهم خلاص على الاقل فكر ياخذها ب الحلال ويبيها على سنة الله ورسوله خلاص لا تقطع النصيب بينهم يا تركي
تركي : وانتي صادقه والله الله يوفقهم ويستر عليهم ماعاد فيني حيل افكر خلاص بكيفهم
ديم : واخيراً اقتنعت يلا خلنا نروح نطلع نغير جو ابرك من هالقعده
تركي : يلا كم عندي ديم انا؟
ديم : 🥹
_________________________________________
عند نوره ومحسن
الي كانو قدام البحر يتأملون الغروب
محسن ويده بيد نوره : وتحقق حلمي وصرت اجلس معاتس ب افضل مكان عندي مكاني السري
نوره : يابعد دنياي انت
محسن : ماودتس نسمع اغنيه ؟
نوره : على طاري الاغاني بسألك
محسن ب استغراب : سمي وش بتسألين؟
نوره : تذكر يوم كنا طالعين ب الحديقه على ايام زواج ديم وتركي وجونا الحريم مشي وديم معهم وكل واحد يقول قصيده ؟
محسن : اي والله اذكر ليه وش جاب طاري ذاك اليوم
نوره : ودي اسألك يعني يوم انت غنيت وكذا مين كنت تقصد حتى وقتها ماكنا مخطوبين
محسن ب ابتسامه : تغارين ؟
نوره : لا ما اهتميت اصلاً
محسن : ما اهتميتي اجل ليه الحين تذكريني وتسألين ؟
نوره : بس مستغربه
محسن : كم مرا اقولتس اني اقصدتس بكل شي واني احبتس من زمان !
نوره : من متى
محسن : من شفتس انتي مع منيره وخالد وانا هايم فيتس !
نوره: ماش ما اصدقك
محسن : بكيفتس لا تصدقين
نوره : خلنا نرجع البيت
محسن : نوره شفيتس
نوره : مافيني شي طفشت
محسن : ترا من امس وانتي تعامليني كذا ليه
نوره : شسويت؟
محسن : اسلوبتس معي بارد مرا ولا تعطيني وجه عكس قبل!
نوره : لاني ماشفت امي احس فيه شي ناقص بيومي ماتعودت كذا
محسن : نوره ترا انا ما اخذتس من اهلتس كل جمعه وانتي عندهم
ان شاء الله لا تقولين كذا تحسسيني اني بحرمتس من اهلتس!
نوره حضنته : الله لا يحرمني اسفه اني زعلتك
محسن باس راسها : ازعل من الدنيا كلها ولا ازعل منتس ياروح وقلب محسن انتي
___________________________________
عند الريم ومحمد
الريم الي سمعت سوالف ام محمد وسمعت ان محمد يبي يخطبها
فزت الريم تتصل على تركي
تركي : هلا ب خيتوووو كيفتس
الريم : مو وقتك تخيل من بيخطبني
تركي : مين بيخطبتس الصبح
الريم : تركي بذبحك ترا اسكت واسمعني زين ام محمد جت تخطبني
ل ولدها محمد
تركي : محمد !! سواها الكلببب
الريم : وش سوا
تركي : ولا شي هو الي جاي ولا امه
الريم : تستهبل اكيد امه يعني بس كلام بين الحريم ماكلمو الشيبان
تركي : زين قلتي لي وانتي لايكون موافقه ؟
الريم : وليه ما اوافق ياتركي
تركي : تذكرين يوم انكسرت يدي اقولتس متهاوش مع واحد ؟
الريم : اي اذكر ليه
تركي : محمد الي كاسرها كنا نتهاوش
الريم : اما يعني الرجال عصبي
تركي : احمدي ربتس بيني وبينتس جوال ولا قمت اصفقتس انا الحين
اقولتس رخمه ماهو ب عصبي مايستاهلتس ارفضيه
الريم : وليه ارفضه رجال وطيب وحبيب شسوي فيكم عاد
تركي : تعاندين انتي ولا وشو ؟ هذا الرجال مايلمستس ولا يتزوجتس ابد وانا ماني براضي
الريم : ومن متى لك رأي اصلاً؟ انا اخذ رأي ابوي وهم بياخذون راي ابوي انت وش دخلك انا بفهم
تركي : وانا اقدر اخلي ابوي يرفض
الريم : اتحداك !
تركي : لا تتحدين يا الريم بتندمين والله وانا اوريتس
الريم : خلاص انقلع ل زوجتك وانا موافقه عليه
تركي : طيب يا الريم
قفلت الريم وتنهدت وطلعت تسوي لها اكل
________________________________
عند تركي وديم
الي كانو يتناقشون ب موضوع محمد والريم ....
وبعد مناقشات واشياء طويله اقتنع تركي ب كلام ديم انه يسمح لهم يتزوجون
ومايحرمهم من الحياه الحلوه والسعاده
تركي : اقول لا تحاولين تقنعييني انا بكلم ابوي وبقنعه يرفض انا مالي شغل ما ابيهم يتزوجون يعني ما ابي
ديم : شفيك انت عليهم خاف الله !
تركي : انا بكيفي والله
ديم : قسم بالله كانك ورع مو حركات رجال هاذي شفيك يا تركي
تركي بحده: انا مب رجال يعني ! تسبين انتي !
ديم : تركي خلاص عاد يا النفسيه تدور الزلات عشان تتهاوش بس تبي تطلع حرتك فيني يعني !
تركي : لأنك ترادديني وانا معصب وتعرفيني اذا عصبت ما اشوف الدرب حتى
ديم : طيب وانا شدخلني الي اقعد واتحملك والله محد متحملك كثري ومحد طايقك اصلاً حتى اختك بتحرمها من سعادتها وتبي تعطيها ل ولد خالها؟ الي مايحبها ولا يطيقها وين عايش وين قلبك انت خاف ربك !
تركي : ديم لا ترادديني ولا والله ياديم ادفنتس حيه هنا !
ديم : ليه اسكت وانا اشوفك قدامي بتحرم اثنين من سعادتهم عشان عنادك بس ! كيف تبيني اسكت فهمني
تركي : ديم انت تخليني اعاند زياده انا اوريتس يا الريم والله ما اخليها
ديم : انا الي قاعده اتكلم معك وش دخل الريم !
تركي : انزلي البيت بسرعه وطلعه مافيه طلعه وهذا وجهي اذا طلعتس مرا ثانيه بس تنكدين علي ب كلامتس
ديم : عشاني اقول الصح تزعل وتعصب ليه تعصب من الصح ليه بفهم !
تركي : خلاص يابنت الناس انزلي واسكتتتتي !
نزلت ديم وهي تتأفف منه وسكرت باب السياره بقوه
تركي ب عصبيه وصراخ : دييييم والله لا اوريك اصبري عليييي بس
ديم خافت بس مابينت له وتجاهلته
____________________________________
تركي الي حرك السياره بيروح ل ابوه ودق عليه
تركي : الووو يبه
ابو تركي : هلا ياوليدي وينك ماجيتني اليوم
تركي : هذا انا بجيك يا يبه انت كيفك وش اخبارك
ابو تركي : الحمدلله يارب بخير
تركي : سمعت الريم انخطبت
ابو تركي: اي خطبها محمد ولد ابو محمد يا حليله والله انه طيب
تركي : يبه لا تزوجهم ولا يطب بيتنا محمد اصلاً عبدالعزيز ولد خالي طالب يد الريم وانا وعدته ف يبه لا تزوجهم وتحرجني
ابو تركي : والله حتى عبدالعزيز ونعم فيه بس مانبيه مانبي القرايب بعدين هذاك لا معه فلوس ولا شي
تركي : بس تكلمت انا يا الوالد شسوي
ابو تركي : طيب يصير خير يصير خير يلا جانا ابو محمد مقدر اتكلم معك
وقفل
تركي الي اسرع ب السياره ووصل بسرعه وفز ونزل بسرعه وقفل السياره
ودخل عليهم ب المجلس : السلاااام عليكم
ابو محمد : هلا ب تركي زين انك جيت اجلس اجلس بنتكلم
تركي جلس : سم
محمد : ياعم جيتك بكمل نص ديني وبطلب يد بنتكم على سنة الله ورسوله وبشرع الله
ابو محمد : صح ان وليدي فقير الحال وشوي المال بس غالي ورجال وبيرضى ب النصيب وان رفضتو ترانا اقراب واصحاب
تنهد ابو تركي وتصد رد وجهه وطال سكوته ولا يدري وش يقول
وقال : اسمع ترا بنتي خاطبها ولد خالها
تركي ب ابتسامه : اختي ل ولد الخال
محمد فز وحب راس ابو تركي
محمد : ياعم تكفى لا ترمي الشوق ف عيني وانا قلبي المغرم
ابو تركي : وانا شسوي عطيناه كلمه
محمد : عرفنا بعض انا وبنتك من كنا صغار لو ماتدري تكفى لا تحرمني منها
تركي : خلاص يا محمد مالك نصيب عندنا
فز محمد ولف على تركي ومسك يده برجاء : لا تحرمنا ولا تضلمنا ترا ربنا مارضى ب الظلم
محمد : ياعممم ناضرنييي ترا خاطري يبيها من سنين ياراعي الخير لا توقف ب طريق الحلم وخذ مني وعد اخليها ب مجرا دمي تكفى يا ابو تركي تكفى
ابو محمد الي متفشل من ولده : يا محمد عيب خلاص قممم
ابو تركي الي منحرج وتركي الي منحرج اكثر من ابوه ولا يدرون ايش يقولون
ابو محمد : قم قم يا محمد امش
قام محدم ودموعه بعينه وقبل يطلع صرخ على ابوها وتركي
محمد : ماهووو معقول ولا مقبول اعيش ذي الفكره يا عم ! والله بعد بنتك بتحرم علي بنات ادم كلها والله قلبي صعب بس حلفت ب عشقها ومادامي حي اموت وغيرها يحرم علي بعدها ما ابي احد بكل يأس بقول ل الناس الي ابيها رفضتني
تركي فز : اصبر محمد لا تروح وآنا آسف كذبت على ابوي ان ولد خالي يبيها وهو مايبيها اصلاً بس خفت على اختي انك ماتحبها بس طمعان فيها مادريت عن كل هذا وانا اسف يا محمد وابشر ب اختي واعتبرها جتك وانا آسف اني ضلمتك يا محمد لا تروح وابشر بكرا ملكتكم واليوم تكتبون كتابكم وولله اتكلف بكل شي انا لأني انا الي غلطان
محمد وهو يمسح دموعه : وليه تسوي كذا عشان تحرمني منها وتحرمها مني ليه!
ابو تركي الي وقف وضرب ولده تركي : وليه تسوي كذا بتفشلني معهم والله اني اسف هو وليدي قايل لي انه خاطبها ولد خالها وصدقت والله اعذروني وانا اوريك يا تركي ماني براضي عليك ولا اشوف وجهك عندي انقلع
طلع تركي بصدمه وبكره شديد ل نفسه وكره الساعه الي تكلم فيها وكيف فشل نفسه وبعدين بتطلع سوالف عنه انه كذاب وانه ظالم وكان بيظلم اخته الوحيده ...
وجاء محمد عند سيارة تركي : محمد ابعد بمشي
محمد : بتكلم معك يا تركي
تركي : والله مالي وجه اتكلم بعد الي صار
محمد : انا مسامحك يا تركي ولا عليك حصل خير تعال
تركي : ابعد يا محمد بمشي
محمد : خلاص طيب بس ودي اعرف ليش سويت كذا
تركي : ماكنت ابيك ل اختي كنت احسبك طمعان فيها
محمد : وش اطمع فيه ؟ انا ابيها وفكرت فيها ب الحلال يا تركي ليش سويت كذا
تركي : تعاتبني انت ؟ ابعد يا محمد احسن لك
محمد بعد عن تركي وصد ومشى ل بيته
وتركي الي ماشي ل ديم ومتضايق مرا من حركته الي سواها ومتفشل من ابوه
___________________________________
العنود وفارس
الي كانو ام محسن وام فارس مجتمعين مع بعضهم
فارس : العنووود
عبير : هلا
فارس : كيفتس
عبير : بخير ومروووقه اخ
فارس : وليه مروقه
عبير : خطططبني حب الطفوله خطبنيييي
فارس : هيه مين خطبتس!
عبير : ابراهيم خطبني ولد ابو عبدالله
فارس : بس انتي مب كنتي تحبيني؟
عبير : وش تراك قريبي انا احـ
فارس : لحظه قبل تقولين انتس تحبينه ترا ابغى اتكلم معاتس وبعدين سوي الي تبين وافقي عليه
عبير : طبعاً بسوي الي ابيه وبوافق هو يقول اني بعد عينه
فارس : انا اول انسان يستاهل تحبينه بس انتي ما اخترتيني بس انتبهي ل حبيبتس اجل الي تحبينه ولا تكلميني ولا تكلمين احد غيره يابعد عينه بس انا من بعد عينتس مدري مين يكلمني وتذكري قلبي الي ضاعت سنيينه بحبتس
عبير : فارس من متى بيننا هالكلام انا احب ابراهيم
فارس : قولي لي من هو بعد حبي بتحبينه
عبير : ما احبك طيب !
فارس : انا احبتس لو آنك ماتحبيني وقولي ل حبيبتس ان المحبه ب شرايينه وانا الخيانه ب شرايني
عبير : اي خياننه سلامات بيننا شي عشان تقول خيانه
فارس : انتي احساستس وين؟
عبير : انا احس بس انت شفيك من متى تحبني وش قاعد تقول انت
فارس : ماني بحاجة احساستس لا تحسيني لكن امانه اذا جيتي تلمينه لا تلملمينه مثل ما كنتي تلميني وانا صغير وخذي هاذي الورده كنت جايبها لتس ابيها ذكرى بيننا وخليها ذكرى عندتس
عبير : فارس ابعد عني ابعد
فارس : سوي الي تبين تسوينه الحين حتى لو اني داري انتس بتنسيني
عبير : فارس من متى احبك انا عشان تجي تقولي اني خاينه؟
فارس : ويوم كنا صغار يا عبير ليه تسوين كذا فيني
عبير : بس فارس انا ما احبك ولا فكرت فيك انا اسفه ابعد عني لا يشوفني ابراهيم معاك بس انقلع بروح له واتمشى معه
فارس : اذا شبكتي يدتس ب يده تذكري يوم كنت صغير كيف كانت ترجف يديني
عبير : بغيت شي انا بروح وابراهيم الحين عند اببوي بيخطبني
فز فارس ودخل ب مجلس ابوها
ابو محسن : هلا هلا ب فارس
ابو عبدالله وابراهيم الي قامو بيسلمون عليه
فارس وهو يناضر ابراهيم : البنت لييي البنت لي علي ب الحرام ما ياخذها غيري البنت ليي ومن وحنا صغار وانا ابيها والناس تقول انها لييي وانا لها انا ل عبير والله ماياخذها غيري
ابراهيم : سلاماتتت لا تقول اسمها على لسانك لا اقصه لك والله
فارس مسك رقبته وشد عليها : والله ان مابعدت ماتشوف خير والله ابعد
ابراهيم : خلاص كتبنا كتابنا
ابو محسن : والله لو اني داري ماكان كتبنا بس كتبنا يا فارس سامحنا البنت ل ابراهيم
فارس ناضر ابو محسن نضره اخيره ومشى
ركب سيارته وابتعد عن الديره كلها وكان مشغل اغاني ومقهور من ابراهيم كيف قدر ياخذها وهو لا ما قدر حتى يتكلم ما قدر ينهي كل شي بينها وبين ابراهيم ومشى وكانه مستسلم ل الحياه انه يموت ومايكمل حياته وكان يبكي بحرقه وكل ماله يزيد بـ السرعه .....
عبير اتصلت عليه
ووصله صوتها الباكي : وش فييييك انهبلت انت وينك رايح شفتكم انت وابراهيم وابراهيم معصب مرا مني ومن ابوي وش مسوووووي انت
فارس : ما ابغى اقولتس وش حصل لإنه ماله داعي لانه مافيه امل انتس ترجعين لي بس افهميني
عبير :وش افهمك فيه ما ابي اسمعك
فارس : مستعجله ليش ؟ انا بروح ولا يهمك بس ابغى اقول اني احبتس وانتي الي عشقتها من وانا صغير وانتي كنتي تسأليني مين كنت اقصد كنت اقصدتس يا عبير اعترفت بعد ما انخطبتي انا داري وقتي غلط بس يا عبير
عبير : بس انا ما احبك
فارس : مدري بكرا وش بيجوع قلبي من كلامتس جرحتيني والله
عبير : مين قالك اني احبك ياخي بعدين وش فيك تشطح ب الكلام اسمعني حتنا !
فارس : انا اقول بس دام بعدتس ب اختيارتس انا راضي بهالبعد بس توي بقلبي كلام مكسوووور ودي يرجع الوقت ورا واعترف لتس من بدري ماتوقعت بيمشي الوقت كذا وانا ما اعترفت بحبي لتس انا اسف
وقفل فارس وماسمع رد عبير الي كانت مصدومه
ولا تدري وش تسوي ماتدري تكمل مع ابراهيم او تنهي الي بينها وبين ابراهيم وتروح ل فارس ولكن اختارت قلبها واختارت ابراهيم ....
___________________________________
عند ام فارس وابو فارس
-
ابو فارس : فارس وينه فارس ويييين؟ مايرددد لي ساعتين اتصل عليه مارد
العنود : حتنا مايرد وش فيه
ام فارس : رسل رسل ب القروب شوفوه
رسل رساله فارس وداعيه لـ اهله وكأنه بيبتعد سنواتتت
-
الرساله عباره عن
" السلام عليكم يبه وامي واخواتي انا آسف اني اخترت طريق البعد عنكم ل فتره وممكن تنتهي حياتي وانا ماشفتكم الي احبها يا يمه حبي الطفوله تزوجت وانا كيف بكمل حياتي بدونها كيف بتزوج واعيش حياتي بعيد عن البنت الي تمنيت اسمي يكتب جنب اسمها بيكتبون لها اسم غيري كيف يبه انا اسف على الي سويته بس انا اطلع من السعوديه كلها وسامحوني وحللوني والعنود ومنيره انتبهو ل انفسكم ولا تلعبون ب مشاعر الرجال مثل مالعبت بمشاعري بنت الناس انا اسف "
-
ابو فارس : ماهووو ب صاحييي
العنود : يمممه انهبل هذااا! وين بيروح
ام فارس الي تبكي وانهارت على الارض : فارررس بيكسر قلبيي فارس بيكسر قلببببي وين بيروح يا وليدييي
العنود وهي تهدي امها وتبكي وحاضنتها : يمه صدقيني بيرجع يا يمه بيرجع ماراح يروح يمه تكفين اسمعيني لا تتعبين نفستس يمه ماله ب الدنيا غيرنا بيرجع يا يمه ليه مضيقه على نفستس يمممه
