-انزل كل يومين انستا ف الانستا اسرع 🔥
-
اذكرو الله وصلو على النبي محمد عليه الصلاة والسلام
-
-
-
-
-
-
—
-
-
تركي : زين اختصرتي علي يلا انزلي قبلي
_______________________________________
ب الطريق
ديم : الله نفسي ب ورد
تركي : ورد ؟ وش تبين ب الورد
ديم : وش الي وش تبين ب الورد ابي ورد جيب لي ورد
تركي : مافيه ورد اسكتي بس
ديم : طيب اصلاً مو لازم
تركي : وش اللون الي تحبينه
ديم : احب وردي فاتتح كذا
تركي وقف عند محل ورد
ديم : شفيك مضيع شكلك
تركي : مو مضيع اصبري بس
نزل تركي
تركي رجع وهو جايب 30 ورده ب اللون الوردي فاتح
ديم : الله ترررككي والله كنت استهبل اف احبك
تركي : ياروح تركي انتي
___________________________
ب الحديقه
اصايل والريم الي ينتضرون ديم آجر من الجمر وخايفين انه صاير لها شي
ام تركي : الريم كلمي تركي شوفيه وينه طولو
الريم : ابشري يمه
اصايل : افتحي السبيكر بسمع
الريم : طيب يا الملقوفه
اتصلت الريم على تركي ووصلها صوت تركي وراه صوت ديم الي تضحك وارتاحت الريم من سمعت صوت ضحك ديم : تركي وينكم امي تسأل
تركي : الحين حنا نشوفكم تعالي
الريم : يلا يلا
قفلت الريم : اشوا واضح انهم تراضو
اصايل : شفتي اني ذكيه وخطتي نجحت وخليتهم يحبون بعض
الريم : ما احس بيقعدون كذا احس بتقب بينهم
اصايل : اعوذ بالله منتس اسكتي بس
الريم : هههههههههههه امشي بس
راحت الريم وسلمت على تركي وديم : ارحبو ارحبو
تركي : هلا ب اغلى اخت
الريم : شوفي ديم انا اغلى منتس
تركي : تعقبين ما توصلين ديم
الريم كسرت وديم ابتسمت ومشت وراحت ديم ل الحريم ومشت وراها الريم
ومشى تركي ل جهة العيال
وقعدو الحريم يسلمون على ديم وجلسو وراحو ب السوالف
________________________________________
بعد ساعتين والحريم يسون العشاء
ام محمد : نبي ولاعه نشغل النار روحي ديم جيبي ولاعه من اخوتس
ديم : مالي خلق
ام تركي : لا خلو ديم ترتاح تروح الحين الريم ل تركي تجيب ولاعه
ام محمد : طيب يا ديم شغلتس بعدين تشغلين الناس انتي
الريم : لا عادي انا اجيبها شدعوه
ديم : يمه طيب بتروح الريم شفيتس
سكتت ام محمد وراحت الريم وماحصلت العيال
الريم : ابلش العيال وينهم
قعدت تدورهم وحصلت تركي ضربت كتفه : اخيراً يا زفت وينك امي تبي ولاعه
محمد لف عليها : مو تركي انا
الريم الي توسعت عيونها يوم عرفت انه محمد : معليش والله حسبتك تركي
محمد : حصل خير اعتبريني مثل اخوتس تبين ولاعه؟
الريم : لا خلاص مايحتاج
محمد : شفيتس توتس تقولين تبون ولاعه
الريم : ايه بالله الحريم يبون ولاعه
محمد ضحك : طيب شفيتس تقولين خلاص
الريم : مدري عطني ولاعه بس
محمد عطاها الولاعه : رجعي الولاعه على طول ورجعيها انتي
الريم : طيب ليه انا ب الذات
محمد : لآنتس انتي الي اخذتيها
الريم : طيب
مشت الريم وهي مصدومه من جرائتها تكلمت مع محمد عادي ..
الريم : امسكو الولاعه والله ماعاد اروح اجيب ولاعه من عندهم
ام تركي ب شك : ليه هاذي مو ولاعة تركي
الريم : ايه هاذي من محمد
ام تركي : وانا ماقلت لتس جيبي حقت تركي ليش رايحه ل الرجال هاه!!
الريم : يمه قسم بالله انا مريت من وراه حسبته تركي قلت عطني ولاعه امي تبيها قسم ولف قال انا مو تركي خذي الولاعه وانخرشت واخذتها وهربت
ام تركي : ومن مين اخذتيها حظرتس ؟
الريم : من محمد
ام تركي : طيب ان شفتس مرا ثانيه كذا والله اعلم ابوتس عليتس
الريم : يمه طيب ب الغلط ومادريت انه محمد !!
ام تركي : خلاص اسكتي صجيتي راسي
الريم مشت وراحت جلست عند البنات وقعدت تهوجس وتفكر رغم ان البنات يضحكون ويسولفون ومروقين الا هي الي متضايقه من محمد
مها : شفيتس الريم
الريم : عيون الريم انتي ولا شي مافيني شي بس قعدت اهوجس شوي
مها : تعالي ابغى اتكلم معاتس
——————————————————————-
عند محسن ونوره
محسن: ارحبي يا شراييين قلبي ارحبي
نوره : عيوني انت كيفك
محسن : بخير ب شوفتس والله اني صرت بخير
نوره : ياليت كل حياتي بقربك والله اشتقت لك
محسن : والله الشوق ف لقاتس ياعيوني انتي
نوره : وش صار جديد معك
محسن : ماصار معي شي جديد كل ماصار شي كلمتس اعلمتس
نوره : ياحياتي انت بس مع اني احسك ماش مو على بعضك
محسن تنهد : يازين الي يفهموني بس
نوره : انا حاسه قلي شفيك اسمعك انا
محسن : شفت اختي عبير تكلم فارس
نوره شهقت : يراسي
محسن : ههههه اقولتس انصدمت انا اخاف انهم يحبون بعض وانا خربت بينهم بس بنفس الوقت اخاف بينهم علاقه وحنا ما نرضى بـ هالعلاقات وانتي عارفه عاداتنا وتقاليدنا مع ان عبير تقول انه سأل عني
نوره : عادي مثل مرا كنت تسالني عن خالد
محسن : كنت شايف خالد والله بس كنت ابي اتكلم معاتس
نوره : طيب تخيل فارس وعبير كذا عادي مافيه شي حبهم محترم انت ماشفت حب خالد ومنيره
محسن : ههههههه اخ ياقلبي بس انتي غير عنهم كلهم وخالد ومنيره غاسل يدي منهم انا
نوره : حبيبي كلنا غاسلين يديننا منهم شف بس والله اربع وعشرين ساعه مع بعض الله يقرفهم ازعاج !
محسن : الله لا يلوم خالد الحب يسيطر على الشخص والله
نوره : اذا هاذا الحب الله يحرمنا منه
محسن : انا لو بكيفي صرت اشد من خالد
نوره : لا تكفى خلك كذا
محسن ضحك : بس اخ يا ان قلبي ميت في هواتس والله
نوره : شكراً
محسن : الله على الثقل
نوره : اي لازم اعلمك كيف تثقل
محسن : انا ثقيل بس اني اذا شفتس يروم الثقل كله انسى الثقل وشو اصلاً
نوره حظنته ب ضحك : اف حتنا والله
محسن بادلها
خالد شافهم وقال بيخرب جوهم : هيه هييييه وررررع
محسن فز : بسم الله شتبي انت بس تخرب اللحظات الحلوه انت ووجهك
خالد : ماعندنا قلة الادب حنا قم قم ساعدنا ب العشاء ابرك من حبكم هذا
نوره : يليل وين منيره عنه ذا
محسن ضحك : شكلها مصرفته وجاء يزعجنا
خالد جلس جنبهم : لا بس حبوني معكم
نوره : شكلها صدق مصرفته
محسن : والله ما الومها
خالد : طيب يا نوره اليوم ترجعين ب رجولتس البيت
نوره حضنت خالد : انت حبيبي تدري انت اغلى من اصايل بعد
محسن : اي طيب
خالد ضحك ويبي يقهر محسن: خلاص تروحين معي يا عيون اخوتس
محسن : خلاص عاد
نوره ضربت راس خالد : اقول خلاص انقلع
خالد : بس تعالو تعشوو يلا
نوره قامت وخالد ومحسن قامو : يلا روحي عند الحريم وانتبهي ل نفستس
خالد الي ماسك الضحكه : انتبهي ل نفستس اجل هاه يا الحبيبين انتو
محسن : كل تراب انت واسكت
خالد : تتهنونن
____________________________
بعد اسبوع وجاء عرس
منيره & خالد
محسن & نوره
واخيراً اليوم المنتضر والكل كان جاهز من ترتيبات والقاعه والكوشه والصبابات والحلويات و....إلى آخره.
_____عند البنات ____
نوره : يمه ما اقدر اتحمل بموت توتررر
منيره : كلي تراب ترا انا نفستس متوتره
اصايل والعنود الي يضحكون
اصايل : تخيلو اتزوج بس
العنود : الله لا يبلانا الحمدلله اني عزباء
نوره : قسم بالله لا اقوم وافرشتس يا اصايل قسم بالله
اصايل : اعوذ بالله الله يعين محسن عليتس
العنود : الحمدلله اني اشجع اختي
منيره : لحد يكلمني
اصايل : هههااايييي ماعطتس وجه احسن
ام خالد الي دخلت عليهم
نوره : خاله بالله اطردي البنات ازعجونا
ام خالد : بنات عيب اطلعو
اصايل : يمه سلامات
__________________________________________
لبس البنات ب الزواج
ديم
فستان كحلي ماسك على جسمها ومسويه فير ب شعرها وصابغته ب لون فاتح وكعب فضي وكان شكلها مفتن جداً
-
اصايل
" ازرق فاتح ماسك على الجسم من قدام وسلسال فضي وكعب شفاف
ومسويه تسريحه فخمه "
-
الريم
" كانت لابسه فستان اسود ناعم طويل ماسك على الجسم مع فيونكه ب اللون الوردي وكان شكلها فخاااامممه ومسويه تسريحه فخمه"
-
مها
"لابسه فستان اسود مزين ب اللون الابيض وسلسالها الفضي الي محليها وتسريحه فخممممه "
-
عبير
وكانت عبير لابسه لون الي ماسك على جسمها الاسود وسلسال فضي ومسويه تسريحه ناااعمه الي هي رافعه شعرها فوق ب شكل مرتب
-
امنه
كانت لابسه فستان اسود فخم وكانت ماسكه شعرها ب شكل فخم ومسويه ستريت ماسوت شي اوفر كان الفستان لحاله فخامممه
——————
واخيراً
تحصلون كل صور البنات ب الهايلايت ب اسم" زواج محسن وخالد "
تحصلون صور ل محسن وخالد وتحصلون صور ل البنات كلهم ومنهم منيره ونوره
_____________________
منيره : نوره خلصتي الميكب ؟
نوره : اي خلصته شوفي حلو ولا لا للحين ماشفت وجهي
منيره : واووو تسلم يدين الميكب ارتست مرا فخم شكلتس
نوره : وناسه قسم حتى انتي مرا حلو شكلتس بس ناعم ليه ؟
منيره : احلى ناعم ما ابي اكثر عشان ما اندم بعدين
دخلت الريم عليهم : هاي بنات
منيره : ك العاده حركاتس ذي ماتغيرت من زواج ديم وتركي
الريم : ههههه عاداتي وتقاليدي المهم بنوتات اشكالكم تجنن قسم احسد خالد ومحسن كل واحد بيذوب ب مكانه بس كيف بتكون الزفه محسن تتغطى منه منيره !
نوره : انا ابدا عشان خالد يكون معنا ونصور مع بعض بعدين نروح انا ومحسن ويزفون منيره وخالد
منيره : اختصرتي علي كلام واجد
الريم : اي حلو اشوا متى بتلبسون عشان نساعدكم
نوره : ارتاحي ياعيوني ماتقصرين قسم تونا حنا مطولين
الريم : تمام اذا بغيتو شي دقو علي
______________________________
عند ديم وتركي
تركي دخل على ديم وهو يعدل ساعته : هاه خلصتي؟
ديم لفت عليه : خلصتتتت شرايك
تركي الي رفع عينه عليها وذاب من جمالها وجمال اللون الكحلي عليها ..
تركي تقدم عندها وحضنها : انتي والله عن غيرتس فرقتي حتى عقلي مع قلبي سرقتي سارقتني حتى مني وش بقى بس ماسرقتي ياعيون تركي انتي
ديم : ياقلبووو تررركي ترا استتتتحي
تركي : يلا ترا تأخرنا
ديم : يلا بلبس عبايتي وبجي
__________________________
عند الرجال
دخل تركي ورحبو فيه
تركي الي سلم على خالد وعطاه مبلغ وقدره ومشى وراح عند محسن
تركي : الف مبروك يا محسن تذكر يوم كنت تقولي ياحظك؟ الحين اليوم يومك وانتبه لا تغلط غلطتي واستانس ب يومك هذا يوم السعد
محسن الي مافهم وش يقصد : شقصدك وش غلطتك
تركي : انت بس استانس
محسن ب فضول : لا علمني
تركي : يعني لا تتجاهل زوجتك مثلي انا تزوجتها اجباري
محسن : كنت حاس والله وبعدين ماعليك اموت انا على زوجتي
تركي : عز الله من حبك البنت ضاعت انتبه لها بس تراها غاليه عند ابوها
محسن : افا عليك بس
تركي ضحك وراح يرقص معهم العرضه النجديه
_______________________________________
عند الحريم
الكل كان لابس وكاشخ وجاهز وقامو البنات يسلمون على الحريم ويساعدون اهلهم على الشغل ويرتبون القاعه
جت ديم : هاي بناتتتت
الريم : وراتس تأخرتي
ديم : والله كنت البس وازين ومسافة الطريق تعرفين يعني
الريم : الله يعين الا تعالي كيف تركي معتس
ديم : معي كويس تركي الحمدلله
الريم : الحمدلله
مها الي جتهم : بنات شوفو العنود واصايل بس يتهاوشون ههههه
العنود : اصايل يا الرفله مامنتس فايده انتي تعالي
اصايل الي تلاحق ورا الوراعين تطردهم برا القاعه
اصايل : احمدي ربتس اني قاعده ابعد الوراعين عنتس بعد
الريم : اقول بنات بلا هواش يلا نرقص
وقعدو البنات يرقصون ويتمايلون على اغاني عبدالمجيد عبدالله
وكانت الاغنيه "فزي يا ارض له "
عبير : عشتووو بناتتت
البنات : تعيشييين
ديم : بنات حطو اغنية حب جديد برقص
العنود : ماراح احط شي فاضيه ذنوب انا
عبير : مو لازم انا اروح وخري
العنود : انقلعي
الريم : قسم مو صاحين بنات عيب اعقلو فشلتونا
ديم : اي والله ليتني ساكته مادريت انهم بيتهاوشون نفس الوراعين حسبتهم حريم وعاقلين طلعو مب صاحين
حطت الاغنيه عبير واخذت المايك : شوط خاص ل حرم تركي ✨
الي زغرطو والي صفقو ...
قامت ديم وقعدت ترقص وتلعب ب شعرها الكثيييف والي يلمععع
الريم الي مسكت يدها وقعدت ترقص معها والبنات يصفقون
والكل الحاضرين كانو عيونهم على ديم : هاذي مين بنته .... ياحظ تركي فيها .... يازينها
والبعض كانو نضرات الحسد والكره ...
ديم : خلاص تعبت
الريم الي كانت تصورها : عااااشت حرم تركي عاشتت
ديم : ياحيوانه لا تصورين
الريم : برسله ل تركي
ديم ب خوف : لا تكفين
الريم : ليكون للحين يهددتس ويضربتس
ديم : لا والله بس اخاف يرجع مثل قبل
الريم : لا معليتس على الزين ذا مايقدر يقول شي قسم بالله
ديم الي راحت ل امها الي تناديها وترسل بوسات ل الريم من بعيد
_____________________________
عند الرجال
تركي الي جاه رساله من الريم فيديو وكان عارف انها راسله صورتها وراح بعيد عن الرجال وما انتبه تركي ل محمد الي وراه وفتح سنابات الريم ....
وكانت صورة الريم الي كانت ب كامل اناقتها وجمالها
ومحمد الي عرف انها الريم من تذكر عيونها الي تلاقت ب عيونه يوم صادقو بعض ب المطبخ ...
محمد الي مازاح نضره عن صورتها لدرجه كان بيتعثر ويطيح ولكن مسكه تركي
تركي : وش جابك انت !
محمد : انت جايني من قبل شوي وانا هنا
تركي بحده : شفت صورة الاهل!!!
محمد بكذب : هاه مين صورته
تركي : قل مانيب قايل شي
محمد : ماشفت صورة احد
تركي بعدم تصديق : طيب ومشى وكمل يفتح سنابات الريم وفجأه شافها مصوره ديم وهي ترقص وتتمايل على اغاني عبدالمجيد عبدالله! وهام ب شكلها وجمالها وكيف ترقص وتتمايل مع الانغام...
__________________________________
عند نوره الي كانت باقي نصف ساعه بس وتنزف
نوره : يمه اصايل متوتره مرررا
اصايل حظنتها والدموع ب عيونها : ياحياتي انتي لا تتوترين والله بشتاق لتس
نوره : اصايل لا تبكيني وتبكيني معاتس ونخرب مكياجنا
اصايل مسحت دموعها : ما اقدر اختي الزفت اشوفها ب فستانها الابيض
نوره : المفروض تكون لحظة مشاعر ليش كلمة الزفته طيب هههههه
اصايل : اقول بروح اشوف خالد الحين انتي صوري وثقي لحظاتك
نوره : طيب
______________________________
وجاء وقت زفة محسن ونوره
بدأت الزفه وانفتح الباب
وبدأ توتر نوره من شافت خالد ومحسن وابوها وابو محسن واقفين عند الكوشه ومنهم محسن الي مبتسم لها
تقدمت وكل الانضار عليها ب خوف وتوتر وكل ماتمشي خطوه زاد توترها والانضار كلها عليها بسبب جمالها واناقتها الي غطت على الكل لين وصلت عن الكوشه
ومحسن الي لاحظ توترها من عيونها ومسك يدها : لا تتوترين انا معتس
ابتسمت نوره ب حب ل محسن الي يفهمها دائماً
والكل قام يسلم على نوره والي يعطونها الهدايا .... الى اخره
ابو خالد: هاه يا محسن عطيناك بنتنا وتراها معززه مكرمه لا تزعلها
محسن : لا توصي حريييص هاذي اغلى من عيوني يا عم
ابو خالد هز راسه وسلم على بنته وطلع وقعدو ب الكوشه نوره ومحسن
محسن : واخيراً صرتي زوجتي رسمياً
نوره الي ابتسمت ب حيا : خلاص محسننن
وبعد نص ساعه من التبريكات والسلام طلعو نوره ومحسن
لـ المصوره وتعرفون حركات المصورات ..😭
_________________________________________
وحان وقت زفة منيره
بدأت زفة منيره الي ماكانت متوتره ابداً وانفتح الباب وبدت تمشي منيره وبدات تتوتر بعد ماشافت كل الاعين عليها بسبب جمالها هي وقبلها نوره الاجمل وبكل خطوه تخطيها تزيد ابتسامتها من كانت تشوف قدامها خالد الي منتضرها بحب وقفت تفكير لحد ما وصلت للكوشه وجلست
وبعد ربع ساعه من التبريكات والسلام وطلع ابوفارس و ابو خالد وفارس
ومنيره الي تحس نفسها خايفه ب فستانها ابيض قام خالد ومسك يدها ونزلوا من الكوشه وطلعوا على اغنيه سريعه من الطقاقه
وبرضو راحو ل المصوره ومايحتاج اشرح المصورات وحركاتهم...
___________________________________
عند ديم الي كانت تهوجس وقت زفتهم وبداخلها تقول
ليه انا ماكنت نفسهم ب يوم زواجنا؟ ليه انا ماكنت كذا سعيده
ليه ما عشت لحظات عمري ب سعاده ليش عشتها كذا ب حزن وكئابه
فجأه وصلها اتصال من تركي وردت: هلا تركي
تركي : قولي ل البنات الرجال بيدخلون صالة الطعام بنحط البوفيه عشان محد يدخل علينا
ديم ببرود : طيب
تركي الي حس فيها شي : ديمي فيتس شي؟ احد قايل لتس شي والله ما اخليه
ديم : لا ياعيوني مافيني شي
تركي : تعبانه؟
ديم : لا
تركي : تعالي تعالي عند صالة الاكل
ديم : تركي لازم؟
تركي : اي لازم تعالي
ديم : طيب
وقفلت ديم ومشت ب اتجاه غرفة الطعام
وابتسم تركي بحب من وصلته ريحة عطر ديم قبلها ...
تركي الي لاحظ انها متضايقه وحضنها : دا الزين كله ومتضايق ؟ مين مضايقتس
ديم ب كذب: لا بس بشتاق ل البنات
تركي بعد عنها وضحك : ههههه كل يومين وهم عندتس ماعليتس ماراح يختفون ب الكثير يختفون اسبوعين
ديم : طيب ما ابيهم يختفون اصلاً
تركي : شنسوي عاد هم تزوجو هاذي سنة الحياه بس ماراح يروحون بعيد وبعدين ان شاءالله تتواصلون هذا اهم شي
ديم : بس اخاف مانصير نجتمع نفس قبل
تركي : بعيد الشر ان شاء الله تجتمعون وتستانسون ماعليتس ولا تضيقين يا عيون تركي انتي
ديم حضنته وتركي بادلها الحضن
وفجأه دخلت عليهم الريم ...
___________________________________
عند الريم
ام تركي : الريم روحي جيبي من صالة الاكل اغراضي حطيتها هناك ونسيتها اخاف يجون الحين يحطون البوفيه واغراضي هناك
الريم : طيب ابشري يمه بس يمكن اتاخر شوي عشان اصور واجيتس
ام تركي : اي عادي
مشت الريم وهي تشوف الفلاتر ورفعت راسها من دخلت بتدور اغراض امها وفجأه تحصل تركي الي حاضن ديم
تركي بعد عن ديم : وش جابتس انتي
الريم ب توتر انها دخلت ب وقت غلط : معليش آسفه مادريت انكم هنا امي تقول جيبي اغراضي
تركي : دايم جياتس غلط
الريم : طيب قلت مادريت انكم هنا
تركي : بعدين شعندتس شكلتس حلو اليوم
الريم دارت حول نفسها : شرايك بسسس
تركي : لا ماحبيت فيه الي غطى عليتس ب جماله الصارخ
الريم الي عرفت انه يقصد ديم : اصلاً عادي بكرا اتزوج واحد ويقول لكم كذا اف منكم
ضحكت ديم وهي تشوف كيف قاعدين يتحارشوون
محمد الي دخل : ورع جو العمال يحطون العشاء
تركي الي فز يغطي اخته الريم من محمد
محمد ب صدمه لف ضهره وصد عنهم : والله اني اسف مادريت فيه احد معك
تركي ب عصبيه ان محمد شاف اخته : امشي الريم ولا عاد تطلعين ويلا روحي معها ديم لا تطلعون ولا يجي احد هنا انتبهو
الريم ب توتر مشت ووراها ديم
راح تركي ل محمد :سلامات انت اليوم ناوي هوشه انت بس اسمع وقسم بالله اني لا اذبحك ان قلت ل احد عن الي صار
محمد : هد هد يا تركي وش بلاك ماقلت شي وانا مو من الرجال الي كذا واعذرني يا رجال والله ماكان قصدي
تركي : كم مرا شفت اختي قدامممي وتقول ما كنت تقصد!
محمد : قل لا اله الا الله خلاص دامك تضايقت انا ابيها على سنة الله ورسوله
تركي : بببعد؟ احلامك واسعه عشانك شفتها تبيها عز الله مانت برجال
محمد بحده : من انتت عشان تقول عني مب رجال؟ احمد ربك معطينك اختي بعد ومزوجينك اياها
تركي : لا تدخل احد ب سالفتنا المهم اختي ماراح تحصلها ولا راح تتزوجها ما نقبل ب واحد مثلك
محمد : باخذها طرق يا بحب الخشوم ولا بكسر الخشوم وتشوف
تركي : هياط ولا ايش حتى اختي ماتبيك اصلاً
محمد : اجل خلها تجييي خلها تجي تقول بنفسها انها ماتبيني
تركي : احسن لك ابعد عنها
محمد : الكلام هذا بيني وبين ابوها والبنت لي وعلي ب الحرام ما اخذ غيرها
تركي : لا تهايط وقم العمال جو ابرك من احلامك الي اكبر منك
محمد : ماهو حلم هذا الاحلام اكبر من كذا البنت لي يعني لي
تركي بحده : محمد ناوي مشكله انت ؟ ترا مانسيت يوم كسرت يدي للحين ترا
محمد : عساس انا نسيت يوم صدمتني ب الدباب بغيت اروح فيها
فارس جاهم : وجع وجع وقت هواش هو؟ قومو العمال جو
محمد مشى وتجاهل تركي الي وراه معصب
فارس : تركي شفيك
تركي وهو يمشي : مافيني شي
فارس وراه : طيب سمعت صوتكم تتهاوشون
تركي : يا فارس ابعد عني قسم بالله ماني ب فاضي
فارس : طيب
مشى تركي واتصل على ديم
وصله صوت ديم : هلا تركي؟
تركي : ديم اول ما تتعشون علميني بنمشي
ديم : ليه بقعد مع البنات انا
تركي : ديم ماعاد اطيق القعده هنا
ديم : شفيك ليه
تركي : اخوتس السبب مافيه غيره يعني
ديم : طيب انا شذنبي يوم تتهاوشون وتحرمني من البنات
تركي : ديم انا ما حرمتس بس مين بيرجعتس بعدين
ديم : محمد
تركي : توي اقول ماني طايقه تقولين انه يجيبتس! لا ما ارضى
ديم : طيب خلاص بقعد الحين مع البنات بعد العشاء ادق عليك ان شاءالله
تركي : طيب
وقفل
__________________________________________
بعد ما انتهى الزواج
وراح محسن مع نوره
وخالد مع منيره ...
_________________________________
منيره وخالد
خالد الي وصل الفندق : واخيراً انتي من اليوم ورايح معي ماراح ازعجتس ب المكالمات والرسايل مثل قبل
منيره : يا حياتي شكراً
خالد : شكراً؟
منيره : خالد بلا غباء يعني قاعده اصور تعال صور معي
خالد : ياعيون خالد يلا
منيره : متى توقف الكلام ذا
خالد : ماراح اوقف عندتس شي؟
منيره : خالد خلاص
ضحك خالد ودخل وبدل ملابسه وطلع ل الصاله يطلب له هو ومنيره عشاء وكانو مروقين وقعدو سهرو مع بعض ....
_________________________________
عند نوره ومحسن
بعد ما انتهى الزواج وصلو الفندق
محسن حظن نوره : يابعد الدنيا انتي
نوره الي بادلته : ياعمري
محسن : ماشاءالله حصنتي نفستس ؟
نوره : اي
محسن : يا بعد روحي انتي
نوره ابتسمت وبدلت ابيها ولبست بجامه ناعمه
وب المثل محسن ...
قعدت ب السويت الصاله
ولف محسن عليها وما رمش عينه ابداً من جمالها
نوره ب حيا : شفيك محسن
محسن : سبحااان من سواتس
نوره : ياعمري المهم متى يجي العشاء ؟
محسن : شوي
نوره : تمام
وقعدو يسولفون ووصل العشاء وتعشو والكل غفى بعد العرس ...
________________________________
عند ديم وتركي
ديم وهي تمسح الميكب عند المرايا : شفيك تركي اليوم على محمد شمسوي
تركي : شاف اختي وبعدين قالي بيخطبها
ديم ب صدمه : محمد ! محمد رافض فكرة الزواج كيف كذا خطبها
تركي : الي انتي سمعتيه ف عشان كذا خلي اخوتس يوقف عند حده
ديم :غريبه
تركي : تتوقعين بينهم شي ؟
ديم : تركي صاحي انت ؟ الريم اكثر وحده ماتحب هالحركات وناقده علينا
تركي : تاخذ مرات يغير اشخاص
ديم : مين غير ما اعرف احد غيره الحب
تركي : انا ماتغيرت ؟
ديم : يوه انت
تركي ب ابتسامه : اي والله انتس غيرتيني بحبتس
ديم : يازينك حتنا احبك
تركي ابتسم : وانا اموت عليتس
____________________________________
عند ام محمد وابو محمد
الي كانو ب الصاله يسولفون عن العرس وتفاصيل العرس
وجاء محمد وقعد بينهم
ام محمد : وراك ياوليدي كذا وجهك شاهب وش فيك
محمد : يمه انا بخطب
ابو محمد : ابك هاذي ابرك الساعات الي قررت فيها تخطب
ام محمد بشك : فيه وحده ببالك ولا تبيني انا اختار لك؟
محمد : لا والله يا يمه انا ببالي وحده
ابو محمد : وش هالكلام يا محمد !
محمد : يبه لا تفهم غلط بس انا قصدي يعني ودي ب بنت ام تركي عشان بعدين اذا اجتمعو هي وامي ما تتغطى هي مني ف نقعد محبوسين ما نسولف ولا نسوي شي
ابو محمد ب اقتناع : خلاص طيب انا اكلمه بكرا ان شاءالله واشوف
ام محمد : والله ونعم ب الريم بنتن طيبه واجوديه
محمد : عشان كذا انا ابيها يا يمه تكفين حتى لو رفضوني بقعد مرا ثانيه وثالثه اخطبها
ابو محمد : ولد انهبلت انت ! وش تقول انت وش الي تخطبها لا يكون تحبها والخرابيط هاذي والله لو ادري ان تفكيرك كذا يا سواد ايامك والله
محمد ب خوف بس مابين : افا يبه تشك فيني ؟
ابو محمد : لا ما اشك فيك بس عاداتنا مافيه حب وخرابيط
محمد : ابد انا مع العادات والتقاليد ما احب يا يبه
