عند محمد
راح يشيل الاغراض والعفش وحطهم ب السياره ويحلف على امه ما تمسك شي ولا تتعب نفسها وانه هو يتكفل ب كل شي وكل الاغراض
—————————————————-
وعند ديم
الي قامت ولبست عبايتها ولبس مرتب داخل العبايه ولبست نقابها ونزلت تحت تساعدهم وحبت راس امها
—————————————————-
آم محمد
الي كانت مشرفه على الاغراض والاشياء وتتاكد انها اخذت كل شي ومابقى شي بعد ماخلصو كل شي
ام محمد : يلا الله لا يحرمني منكم خلصنا كل شي يلا نركب لا نتاخر على ابوكم ويعصب
محمد : لا ماعليييك الوالد راييق دامه بيرجع ل الديره بس يلا نروح
ديم : اف بشتاق ل الرياض
محمد : حسستيني انك عايشه فيها طول عمرك ترا كلها ثلاث شهور
ديم ماكملت كلامها الا قاطعتها امهم : بس بس خلاص بلا مشاكل يلا نمشي ابوكم لا يعصب
ركبو السياره ابو محمد : مابغيتو تجون يلا يلا اركبو سرعه نبي نرجع ل اهلنا
محمد : توك يابوي وراك مشوار
ابو محمد : يلا يلا
ديم : تكفى يبه مرو اقرب بقاله هنا ابي اشتري اشياء ل السياره وبشتري ل اهل الديره
ابو محمد : زين زين اسمع يا محمد
محمد : سم يبه
ابو محمد: اقرب بقالة وقف عندها
محمد : ابشر
_______________________
عند الديره الي كانوا يستعدون ويتجهزون لجيت ابو محمد واهله ومقررين يحتفلون فيه وكلهم في بيت ابو تركي
ابو تركي : هاه يا عيال كل شي جاهز
تركي المسؤول عن اغلب الاشياء : جاهز انا مدري عن العيال
محسن اللي كان المسؤول على الذبيحه بشكل عام الاكل: وانا باقي شويات بس واخلص
خالد : لا حول اسكتو خلوني اركز
ابو تركي : وانت يا خالد
خالد : السماعه خربانه شكلي بروح ل البيت اجيب من عند اهلي سماعه
ابو تركي : قبل كم يوم تشتغل وراه الحين ماتشتغل
خالد : ما ادري بروح بروح البيت اجيب حقت امي
دخل فارس : سلام عليكم لحظه وين بتروح يا خالد
خالد: بجيب سماعه انت الثاني وخر
محسن : اللهم لك الحمد فارس طلع من جحره
فارس : تخيل بس اني اجيكم واخرتها اشوف وجهك
محسن : وش فيه وجهي والله يفتح النفس 🙄
فارس : اي اي
___________________________
نرجع عند ابو محمد واهله
وقفو عند بقاله محمد : يلا ديم انزلي خذي وغطي عيونتس زين
ديم الي نزلت وقشت نص البقاله الي تحتاجه وما تحتاجه
وشافت البسكوت الي تحبه اصايل : ايييه ذا الي تحبه اصايل
واخذت منه كرتونين واخذت ل بزارين الديره
وراحت حطت الاغراض
محمد : اعوذ بالله ترا ماراح نهاجر بنرجع ل ديرتنا
ديم : اقول حاسب وانت ساكت
محمد : اي ززين زييين
ديم الي هربت راحت تركب السياره عشان مايفصل عليها محمد
ركبو السياره
واخيييييراً وصلو الديره
__________________________
فز خالد اول ماشاف سيارتهم عند باب بيتهم : وصلوووو وصلوووو بس عند بيتهم مو بيتنا
ابو تركي : الحين بدق عليييه
ابو تركي دق على ابو محمد : الللوووو
ابو محمد : هلا والله ب صديق السنين هلا ب الصديق الوافي هلا
ابو تركي : الله يسلمك يا ابو محمد تعال تعال عند بيتي الان انت ومحمد نبي شوفتكم كم لنا ماشفناكم
ابو محمد ب ضحك : لا ماني جايكم ما ابيكم هههه
ابو تركي : نسيت رفيق الدرب افا يا بو محمد هههههه
ابو محمد : هههههههه يلا يلا جايكم
طفا ابو تركي وهو يقول : يلا يلا تراه بيجيييي جهزو
استعدوا كلهم اول ما شافو محمد ركض وهو يضحك
ودخل هو وابوه
وانصدم محمد من الولد الي شافه !
هو نفسه الي تهاوش معاه ب المستشفى
تركي انصدم من الشخص الي شافه ومايدري وش يسوي ويناضروون بعض بكل كره وحقد وحاول يسوي نفسه طبيعي وسلم على ابو محمد ومر محمد وتركي عند بعض وتبادلو نضرات الكره والحقد ومد يده محمد بيسلم
تركي : لا سلام ولا كلام بيني وبينك
محمد الي انقهررر انه مد يده ووده يكسر يده الي مدها له
وبعدها بدوا يسلمون عليهم
وتركي الي يصب قهوه ل محمد من دون نفس بكمية قهر وحقد وكره
وجت ام تركي اللي ترحب فيهم وتسلم
ابو محمد :ليه الكلافه الله يهديكم
محسن : وش تقول انت المفروض اكثر والله اعذرونا على القصور
محمد : والله ما من قصور ما قصرتو الله يسعدكم
ابو تركي: حمدلله حمدلله انك بخير يا بو محمد والله شلنا هم يوم دق محمد يقول ابوي بيسوي العمليه
ابو تركي: الله لا يحرمني منك يا السند
محسن الي ركض يجيب الكاميرا عشان ياخذ صوره ذكرى: يلا يلا بصوركم وقفو جنب بعض
وقفوا كلهم وهم يضحكون ويغنون كلهم جلسوا وهم مستانسين ويسولفون ويضحكون
بنص السوالف ابو محمد : وش فيه يدك يا تركي من وش مكسوره عسى ماشر
تركي وهو يناضر ب محمد ب حقد : لا ابد يابو محمد خل ابوي يعلمك عن السالفه
ابو تركي : الكلب ذا تمشكل مع واحدٍ مدري من وين طلع له وصفقه يستاهل
ابو محمد : اعوذ بالله من المشاكل والله لو ان واحدٍ منهم ولدي كان صفقته
محمد الي انخرش من كلام ابوه وقلب وجهه 180 درجه
وتركي الي انقهر وعصب من داخله وماسك نفسه ما ينفجر : استأذنكم بروح انام
ابو تركي : تونا المغرب وش فيك
تركي : لا صاحي من بدري مانمت اعتذر منك يا ابو محمد اعذرني
ابو محمد : لا عادي اهم شي راحتك
-
.
راح تركي وهو مقهور وحط راسه ب فراشه يبي ينام ما قدر ينام من التفكير
وكمية القهر الي بداخله بسبب حركات محمد وكيف الصدف الي جمعتنا وطلع ولد ابومحمد صديق ابوي وكيف وكيف وعلى ذي الافكار نام
______________________________________________
اما عند الرجال جاء وقت العشاء وكل الديره تجمعو ويسلمون على ابومحمد ويغنون ويرقصون ويتحمدون له على السلامه وقعدو يتعشون وخلصو ورجعو المجلس يسولفون
____________________
عند تركي الي صحى من صوت الاغاني والازعاج وراح ل امه
ام تركي : صحيت ياوليدي زين صحيت تعال تعشى وود ذا ل بيت ام محمد
تركي : ابشري يا يمه بوديه بعدين اكل
راح تركي وهو ماله نفس ل شي وضايقن صدره بسبب ان ابو محمد وابوه اصحاب ووده بس لو يموت محمد من كرهه الشديد له ووصل عند بيت ام محمد وطق الباب
ام محمد الي ترتب الاغراض وتنضف البيت هي وديم
سمعت ديم الباب الي يطق : يمه فييه احد يطق الباب
ام محمد : روحي افتحي اكيد اخوتس وابوتس جو
ديم الي راحت ركض : مميييينننن عند الباب
تركي الي سمع الصوت ذا من قبل ولا هو غريب عليه : انا انا تركي ولد ام تركي بنعطيكم عشاء
ديم فتحت الباب : حطها ب الارض
تركي الي حطها ب الارض وراح : يلا مع السلامه
ديم : شكراً يامال العافيه
تركي راح وهو يستهزء فيها ويكرر كلامها ب قرف ولف بيشوف اخذت الاكل ولا وشافها وهي تحاول توصل ل الصحن وطلع شوي من شعرها البني الناعم وصد عنها ومشى وما اهتم لها ولا طق لها خبر وراح بيتهم واكل وخلص وصلى ورجع ونام
——————————————
ديم : يمه عشاء عشاء من ام تركي
ام محمد : الله يجزاها خير جاء بوقته
ديم : بروح اجيب السفره ارتاحي ارتاحي
ام محمد : الله يخليتس لي يا بنيتي
ديم راحت ركض ل المطبخ وهي تقول : اميييين اميييين
________________________
تسريع ل الاحداث
خلصو اكل ديم وامها ورجعو ابو محمد ومحمد البيت وكلن نام
وب اليوم الي بعده بببيت ابو محمد
محمد الي امر مرا يصحى قبل حتى ابوه وصحى وشب النار ويجهز القهوه والفطور ومروق ومستعد لكل شي الي بيصير له مع تركي من حقد وكره ومشاكل طلع ابو محمد على ريحة النار والقهوه : اييييييه وش عندك صاحي بدري
وقام يحب راس ابوه : صحيت وصليت الفجر حاولت ارجع انام ما جاني نوم قلت اسوي لكم القهوه والفطور لين تصحون عشان ديم تعبانه وامي من امس وهم يكرفون ب البيت
ابو محمد : مو من عوايدك بس زين
ديم طلعت : الفطور ! من مسويه لا يكون محمد لا تجلطوني
محمد ايه ايه انا وش تبين اقول جيبي سفره
ديم : لا انا اليوم راحه قم انت كمل
محمد : اقول احمدي ربتس سويت بدالتسيا الضعيفه كسرتي خاطري
ابو محمد : بس انت وياها تراني مالي خلق هواش الفجر
ديم : اروح اصحي امي ابرك لي
ابو محمد : ايه قومي خلي عنتس المشاكل والمحارش
ديم راحت تصحي امها وجابت السفره ورجعت
وجت ام محمد : لا لا يا الحركات اخوتس مسوي كل ذا
محمد : اي وشرايتس فيني يمه والله اني سنع ياحظ زوجتي المستقبليه فيني
ضحكت ام محمد : الله يعينــ... قصدييي اي ياحظها
الكل : ههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
ام محمد : ماتقصرياويليدي شكراً
ديم : يممممه مفروض تشكروني بعد دايم اكرف هو بس اليوم
ام محمد : اهخ بس منتسسسس انتيييي يالعوببباااا
ديم : ييييممممه
ابو محمد : بس بس اكلو وانتو ساكتين
ديم : سم يبه
بعد ما اكبر وجلس ابو محمد ب المجلس : اقول يا محمد ترا اليوم فيه عزيمه وبنعزم الديره كلها ب المخيم وابيك تروح ل كل اهل الديره وابو تركي وتقوله عن العزيمه
ديم : حتنا ابغى اروح معك عشان اعزم البنات
محمد : وش دخلتس انتي انا بروح اعزم اهلهم كلهم المهم ابشر يا يبه
ابو محمد : يلا عجل وانا ابوك تاخر الوقت
قام محمد: يلا
وطلع محمد بعد ماجهز ومر محمد من جنب بيت ابو تركي وهو يحس ان شي يحرقه وقاهرن قلبه وطاحت عينه على تركي اللي واقف عند الباب وراح له : اسمع
تركي : وش تبي مالك مكان هنا
محمد : ماني ميتن عليك ولا على مكانك بس ابوي مسوي عزيمه ويبي ابوك يجي واهله وياليتك انت ب الذات ماتجي معاه
تركي: بقول ل ابوي واهلي وانت الحين بس يلا توكل
ومحمد الي ماله خلق على المشاكل وبس يبي ينفذ كلام ابوه راح عن تركي
وتركي راح دخل عند ابوه : يبه ترا ابو محمد عازمك اليوم على عشاء
ابو تركي : ايه ايه زين
تركي : حتى انتي يا يمه معزومه انتي و الريم
ام تركي : زين وانا امك بس ابيك تجيب لي اغراض من البقاله
الريم : وانننااا بروووح معاااك
تركي : اقول اقعدي انتي ماني فاضي لتس
الريم : خييير يبه شففف تركيييي
ابو تركي : وراك انت على اختك خذها معك ماهو من حلالك من حلالي فلوسي
طلعت الريم وهي ترقص وتردد : عز الله يعزك يا الوالد
تركي : يليل ذي ابلشتنا سرعه سرعه تراني برا انتضرك
ام تركي : م يحتاج اقولك وش ناقصنا الريم تعرف
تركي : يلا زين تراني بروح اشغل السياره يا الريم سرعه
الريم ركضت وركبت السياره معاه
_______________
عند ابو محمد
رجع محمد البيت بعد م عزم كل اهل الديره وم خلى احد
ام محمد : زين جيت بوقتك تعال يا وليدي خذ ذي الورقه فيها كل شي ناقصنا جبهم
محمد : ابشري ب الي يرضيتس يا الغاليه
ام محمد : الله يخليك لي
محمد : امين يارب
ديم جت : كأني سمعت انك بتروح تجيب لنا النواقص
محمد : ايه وش تبين
ديم : اييييييه زيييين بروح معاك
محمد : لا
ديم : طيب طيب تكفى "🥺"
محمد : يلا سرعه تراني برا مالي خلق انتضر دقيقتين اذا ماجيتي بروح واسحب عليك
ديم : ابشرررر ثانيتين بسسس وانا عندددك
محمد : ههههه ياحبك ل الهياط اخرتها اقعد نص ساعه انتضرك
ديم : وشدعوه تراك كذا تأخرنا
محمد : خلاص يلا يلا
