حب ام لعنه

الفصل الاول

في احد المناطق الشعبيه
يستيقظ بطلنا بكل حيوية ونشاط (احم اذا كنتم تقصدون بطلنا تميم فهو بالتأكيد لن يستيقظ بنشاط في يوما من الايام ولو حدث فذالك يعني ان يوم القيامه اقترب)
تدخل والدة تميم عليه وتيقظه بنفس الطريقه التي اعتادها يوميا
نسمه والدة تميم:يبني اصحي بقي تعبت قلبي هو مفيش مره توحد ربنا تقوم فيها من غير وجع قلب
تميم بنعاس:يا ست الكل سبيني شويه انا مطبق في العيادة امبارح وراجع متأخر
نسمه:اموت وافهم طب عسكري اي دا الي كنت فيه دا بيبقي فيه ظبط وربط إنما أنت بقي لي متعلمتش منهم الانضباط دا
نسمه بنفاذ صبر:كلمه ورد غطاها هتقوم ولا لا
تميم ببرود:لا
نسمه وهى تبتسم بخبث:ماشى يا ابن بطني
ذهبت نسمه الي التلاجه وقامت باخذ قطع من الثلج ثم ذهبت الي تميم ثم قامت بوضع الثلج داخل ملابس تميم فقام تميم بالرقص كالبطريق ونسمه تضحك عليه وهي تقول له بشماتة:مش كونت قومت من سكات يلا صباح الخير يقلب امك
تميم وهو يقفز كالبطه:صباح الخير ياما
والله ياما الواحد معارف لولا تمارين الصباح الي انتي بتعمليهالي كل يوم دي كان الواحد عاش ازاى
قام تميم باخذ الشاور الخاص به وقام برتداء ملابسه واتجه الي والدته في الخارج وفطر معها ثم اتجه الي صديقه ادم حتي يرى كيف حاله
تميم وهو يدق علي بابا ادم:ولا يا ادم افتح يلا نهاره ابيض يلا نهاره فل يلا نهاره اسود لو مفتحتش دلوقتي يا ادم
ادم بفزع:جرا اي يلا حد يصحى حد كدا
تميم وهو يلوي شفتيه كالنساء:اه يخويا ما انت معندكش نسمه تصحيك كل يوم بتلج في قفاك
ادم بضحك:طب والله نسمه دي اسم علي مسمى انت بجد متستاهلهاش
تميم:والله دي هي الي منوره حياتي ولولا وجودها مكونتش هعرف اتخطى موت بابا ازاي
ادم بتأثر:ربنا يخليهالك يصحبي
تميم وهو يحاول تغيير الموضوع:بس قولي يعم عملت اي في آخر مهمه ليك
ادم:يعم متفكرنيش دا انا معايا شويه متخلفين هحكيلك الي حصل
          Flash Back 
ادم وهو يقوم بوضع خطه للهجوم علي تجار المخدرات ويقسم الفريق الذى معه لمجموعات ويقول:زين واحمد في الجهه الشرقيه ولؤي وديما هيأمنوا ضهرنا ونور ورجب فى الجهه الغربيه وانا هقتحم لوحدي
ديما بتزمر:علي فكره انا ممكن اقتحم انا كمان ومش معنى اني بنت مش هعرف اقوم بالمهمة معاك
ادم بجديه عكس شخصيته:استاذه ديما انا هنا القائد واوامري تنفذ ولو مش عاجبك ممكن تشتكي للقيادة
ديما بنفاذ صبر:هنتحرك امتي
ادم:لسه مجالناش الاشاره
في الوقت الذي يقوم الجميع بالاستعداد للمداهمه التي ستحدث وكان كل شخص اخذ مكان كما قال لهم ادم ولكن ديما كان كل تركيزها علي ادم وكل تفكيرها انها تريد ان تهجم علي العصابه ثم  قالت في نفسها:انا اندبندنت ومن اوووي علي فكره وهوريهم كلهم
ثم رأت احد من العصابه يتجه الي ادم ويحاول قتله من خلف ضهره اخذت تجري ناحيه الرجل وهي تصرخ وتقول:انا اندبندنت ومن انا اندبندنت ومن وقامت بقتل الرجل وانقذت ادم وصارت تضحك عليه بشماته:مش قولتلك انا اندبندنت ومن ومصدقتنيش
           Back
تميم وهو يضحك ضحك هستيري:لا بس البت اي مجنونه مجنونه يعني فيها اي لو كونت ادتها مساحتها البت اندبندنت ومن يعم
ادم بغيظ:يعم اسكت انا علي اخري البت كان ممكن تموت وجايه تقولي مش قولتلك انا اندبندنت ومن لولايا مكونتوش عرفتوا تقبضوا عليهم رضوي الشربيني بهدلت الستات والله
تميم بضحك:الصراحه البت جريئه ولولا جرائتها كان زمانك ميت دلوقتي
ادم وهو يكاد يصاب بجلطه:قوم يلا شوف انت رايح فين عشان مرتكبش فيك جنايه
تميم بجديه:خلاص يعم متزوقش
ثم اكمل كلامه بهستريه ضحك:يعم مقالتلك اندبندنت ومن انت بجد غريب
ادم وهو يقوم بدفع تميم تجاه باب الشقه:غور يلا ومتجيش عندي تاني معرفش اي البلاوي الي بتتحدف علينا دي
تميم:طلقني لو مش عاجبك طلقني
قام ادم بقفل الباب في وجه تميم وقال بنفاذ صبر:يارب صبرني عشان تميم وديما الاتنين كتير عليا والله
    __________________
في المستشفي التي يعمل بها تميم
يدخل تميم للمستشفي وفي يده كتابه الخاص الذي لا يذهب في اي مكان بدونه وهو عن الامراض الغير شائعه او بمعني اصح عن أمراض الجميع يرى انها لا توجد في زمنا الحالي لكنه لا يهمه أراء الناس
يدخل تميم ويضحك في وجه المرضي وجميع العاملين
وبينما تميم يدخل الي مكتبه إذا فجأه يرى عيسي وعيسي يكون ابن مدير المستشفي وهو شاب مغرور جدا ويكره تميم لان تميم ناجح في عمله ووالد عيسي يفضل تميم عن باقي الأطباء
عيسي:ايه يعم تميم يعني ولا سلام ولا كلام
تميم:يا فتاح يا عليم يا رزاق يا كريم خير يعم عيسي
عيسي:خير خير بإذن الله
تميم:خير وانت في جمله واحده طب ودي تيجي ازاي
عيسي:دلوقتي في رجل اعمال كبير اسمه احمد المحمدي ودا عمل حادثه كبيرة ومحتاجين حد يعملوا العمليه وطبعا عارف ان بابا مش بيثق في حد غيرك حتي مش بيثق فيا انا إلى هو ابنه فا عاوزينك ضروري
تميم:جهزوا اوضه العمليات وانا جاي حالا
    _________________
في الاستانه عاصمه الدولة العثمانية
تجلس فتاه اقل ما يقال عنها أنها جميله ليس في شكلها فقط في كل شي تجلس وتبكي تبكي بحرقه وكأنها فقدت شي ثمين عليها ظلت تبكي لوقت طويل حتى تعبت من كثره البكاء وقامت بمسح دموعها وذهبت الي منزلها
    _________________
في مركز الشرطه
دخل ادم بهيبته وسط نظرات الجميع واتجه الي مكتبه الخاص وفي ثواني كانت ديما تقتحم عليه المكتب وهي  تقول بشماتة:ازيك يا حضره الظابط انا مش جايه اقول انى انقذتك وانك لولايا كنت هتموت تؤ تؤ انا جايه اقول انك متقللش من كوني إمراه ثم أشارت باصبعها في وجهه وهي تقترب منه وتقول:او بمعني اصح متستهزقش بي ست ايا كانت مين ويخساره بدل متنقذني وتبقي في نظري هيرو وانا اقع في حبك ونبقي زي الروايات واقول احببت منقذي بس للاسف انا الي انقذتك
ادم ببسمه مستهزئه:طب ايدك يمزه عشان متزعليش ولو عملتيها تانى هوريكي وشي التاني ثم قال وهو الآن من يقترب منها حتي كادت تكون المسافه بينهم منعدمه: انا لو عاوز حاجه باخدها ومتنسيش انتي بتكلمي مين انا ادم الشافعي لو متعرفيش مين هو ادم الشافعي يبقي تسئلي قبل ما تتكلمي معاه وهتعرفي ان انا مبهددش انا بنفذ
ثم تركها وهي تكاد تأخذ نفسها بأعجوبه ثم خرجت وهي تلعنه في سرها وهو كان يضحك عليها وعلي مظهرها
     ________________
بعد انتهاء تميم من العمليه التي دامت لخمس ساعات متواصله وتم فيها إنقاذ رجل الأعمال احمد المحمدي خرج وهو مرهق وهو يقول لنفسه: يااه المفروض بعد العمليه دي طبق كشري اي معتبر وتبقي متغرقه شطه زيت بقي يااه متعه هخلص شغل واطلب
وبعد فتره من الراحه ذهب الي غرف المرضي كي يطمأن على جميع المرضي وكانت هناك طفله كانت خاضعه لعمليه منذ ثلاث ايام وكان تميم يحب هذه الطفله ويحب ان يلعب معاها
تميم:اي اخبار بطلتنا
ليان صاحبه الست سنوات:اهو ماشي الحال
تميم:اي دا يبت انتي متأكدة انك عندك ست سنين ولا انتي وليه مطلقه ولا اي النظام
ليان:ماشي يعم اضحك وهزر مع الرايح والي جاي وسايبني كدا هنا بقالك يومين مجتش تطمن عليا ما اصل الاهتمام مبيطلبش
تميم:يبت هو انا كونت واعدك بالجواز وخليت بيكي اي الاهتمام مبيطلبش دا
ليان بدراما:عاوزه حقي يحكومه عاوزه حقي يناس   
تميم بتأثر:الله عليكي يفنانه والله مسرح مصر بيدور عليكي
ليان:تشكرات تشكرات
تميم وهو يستدير:عاوزه حاجه يالمضه
ليان:يعني يوم ما اعوز هعوز منك انت
تميم:يبااي علييكي بت
ثم اتجه إليها وضمها اليه بلطف شديد:بس بحبك اعمل اي ثم ودعها وذهب
    ______________
بعد يوم شاق لابطالنا
رجع تميم الي بيته وهو يدق الباب علي والدته بفرحه ويقول:يلا يا حاره هس هس دا احنا الي عملنالكوا الحس ثم اكمل وقال يلا يا حاره ضالمه احنا الي نورنا وبعد ما انتهي من هذه الجمله انقطعت الكهرباء ثم قال باحراج:احم الحمد لله محدش سمع ثم اكمل:ياما متفتحي بقي انا خللت علي الباب
نسمه بفرحه:خش يا قلب امك وثواني والاكل هيجهز
تميم باستغراب:هو في اي يست الكل اي التغيير المفاجئ دا
نسمه:يضنايه ولا مفاجئ ولا حاجه دا انا حته عملالك مكرونه بشاميل وعماله جوسي كمان زي ما بتحب
تميم بتعجب:الااه مكرونه بشاميل وجوسي كمان اي دا اي الرضا دا كلو انا خايف
نسمه وهى تحضر الطعام علي السفره:نفسى يتميم اشيل عيالك يحبيبي دا انا بقيت رجل في الدنيا ورجل في القبر
تميم وهو يقبل يد ولدته:لي بس بتقولي كدا ياما ربنا يديكي طوله العمر
نسمه:يحبيبي الأعمار بيد الله بس انا عاوزه افرح بيك
تميم:ايوا ياما يعني عاوزاني اعمل اي
نسمه:بصراحه بقي انت لازم تتجوز يعنى انتي مخلص تعليم ودكتور قد الدنيا وجاهز من مجاميعوا اي بقي مخليك تأجل الجواز
تميم:يحجه مش حوار تأجيل بس انا عاوز واحده تشدني يعني اول ما اشوفها (وقام بالاشاره الي قلبه)وهو يقول لازم دا يدق اول ما يشوفها
نسمه بشهقه مصريه اصيله:ومنين هتلاقيها دي يسبع البرومبه
تميم وهو ياكل من المكرونه:هتلاقيها ياما بس ادعي انتي بس
نسمه:وانا لاقتهالك يواد
تميم:مين دي ياما
نسمه بتوتر:نسرين بنت خالتك هاله مش صحيح رجعوا من تركيا امبارح ومعروفه البنت لابن خالتها ولا اي
تميم وهو يسعل بسبب سماع اسم نسرين
ثم شرب الماء وهدأء وهو يقول بانفعال:انتي بجد بتتكلمي عن نسرينننن!!!
      _______________ 

بسسس لغايه هنا البارت دا خلص ومتنسوش رأيكم يهمني وهيساعدني اني اكمل كتابه❤🦋
اروي ابراهيم🥰