حب ام لعنه

الفصل الرابع

وفي اليوم التالي لم يذهب تميم الي عمله لانه قام باخذ اجازه وتركته والدته يأخذ راحته في نومه في هذه الليله لأنها تعلم كم كانت ليله امس ليله مرهقه بشده عليه
وكان هناك احد يدق علي الباب
ثم اتجهت والدت تميم الي الباب لتقوم بفتحه ولم يكن أحدا غير ادم
ادم بارهاق:ازيك يا نسومه عامله اي
نسمه:الحمد لله يحبيبي انت اخبارك اي
ادم:بخير يحببتي
نسمه:اتفضل يواد ادخل يلا عشان تفطر معانا
ادم:لا مليش نفس اكل والله بس فين تميم مجاش صحاني لي
نسمه بحزن:اصل امبارح ماتت الطفله ليان فا هو زعل جامد وقالي لما رجع انه اخد اجازه انت اكيد عارفها مهي جت هنا قبل كده وانت لعبت معاها ربنا يرحمها يارب
ادم بوجع:ايوا يا ماما شوفتها كانت ملاك وبتحب تضحك وكانت بتلعب معايا مش كطفله لاء كأنها واحده في سني وخلتني اعلمها ازاي تمسك المسدس قالتلي كدا
        Flash Back
ليان:انا لما اكبر عاوزه ابقي ظبوطه كبيره والكل يخاف مني زي عمو ادم ثم ضحكت بس ابقي تافهه زيك برضه كدا
مسك ادم ليان من تلباب ملابسها وقال لها:بقي انا يا شبر ونص تافه بقي ادم الي الكل بيخاف منه وبيعمله الف حساب تقوليله عاوزه ابقي تافهه زيك
ليان:خلاص يا ادم متخليش خلقك ضيق كدا خليه استريتش كدا ونزلني دا انت قموص اووي
ادم:انتي متأكده انك ست سنين ولا هما مزورين شهاده ميلادك انتي بدل ما تبقي ام ست سنين المفروض تبقي ام اربعه واربعينن!!
ثم قام بتعليقها علي الدولاب وتركها وذهب
قالت ليان بمزاح:يا ادم يا ادومي بقي تعمل في ليان حبيبتك كدة
ليان بعد تفكير:نزلني وااقولك تعلق المزه ازاي
ادم وهو يعود اليها:ازاي يافيلسوفه
ليان ببساطه:تخش عليها دخلت ظابط مش انت ظابط برضه
رد عليها ادم بسرعه:اه والله ظابط اوريكي الكارنيه؟!
ليان:لا صادق المهم تخش عليها دخلت ظابط كده وتقولها ديما انا بحبك
نظر لها ادم بقرف:ما يا ختي لو كانت بالسهوله دي ما كنت قولتلها من زمان دي بت معقده اصلا بس اعمل اي قمر بنت الايه
ليان:طب نزلني عشان افكر
ادم:لا عقابك هتفضلي هنا لغايه اما يبانلك صاحب
ليان:والله لااقول لتميم
ادم وهو يقوم بإخراج لسانه خارج فمه ويقصد مدايقه ليان:ده تميم ده حبيبي وروحي وكل ما ليا لو هشحت كدا محبش الا هو ومش هتيجي انتي يا شبر ونص تفرقينا
وبعد دقائق انزل ادم ليان وقاموا بالعب معاً ثم عادت ليان مع تميم الي المستشفي بعد يوم قضته مع ادم وتميم وسط ضحكاتها مع تميم ومشاغبتها مع ادم ولكن كان من أسعد ايام حياتها
             Back
ادم:ومين ميعرفش ليان اذا كان انا الي شوفتها مرتين ولا تلاته ولما عرفت خبر موتها عيط مابالك بقي تميم ربنا يصبره يا رب ويرحمها
ادم:انا داخل بقي اصحي تميم
دخل ادم الي تميم وقال بالاقتراب منه بطريقه غريبه حتي جعل وجهه مقابل وجه تميم وكان تميم يتقلب علي الفراش وفتح عنيه فجأه وجد ادم في وجهه وكانت هيئته مخيف جدا صرخ تميم وهو يقول:عفريت الحقيني يا ماما في عفاريت
ادم بفزع وصراخ:فين دول عفاريت احلف كده يا ماما احيههه يلاهووي هنموتتت
تميم بعدما أدرك الموقف وانه كان ادم وليس عفريت قال له:يبني انت عبيط والله في مره هتقطعلي الخَلف بالي انت بتعمله فيا كده مينفعش والله
ادم بضحك علي منظرهم:هموتت بقي اتنين قد الفيله زينا وشحوطه خايفين من العفاريت
ثم اكمل ما عفريت الا بني ادم يعم
تميم وهو يغلق عينه ليكمل نومه:اخرج بره يا ادم سيبني انام
ادم:تنام اي يا حبيبي انت ناسي المهمه
تميم وهو يعتدل في فرشته:اي هما حددوا معاد ومكان المهمه
ادم:ايوا سياده اللواء اتصل بيا امبارح وقالي ان مكان تسليم المخدرات المره دي هيبقي في شارع المعز بحيث ان هناك بيبقي في سياح كتير وعلي طول بيبقي زحمه فا التجار دول كانوا اذكياء انهم هيسلموا البضاعه فى مكان فيه ناس بس مش بالمعنى الي انت فهمته هما مش هيسلموا المخدرات لشخص واحد لا دول هيبيعوها للي عاوز يعني مش حد معين وده هيكون  في قصر الأمير بشتاك