حب ام لعنه

الفصل الثاني

تميم بإنفعال:انتي بجد بتتكلمي عن نسرين
نسمه:ومالها نسرين يا عنيا متشبهش ولا متشبهش
تميم:لا ياماما فا هي من ناحيه تشبه فا هي تشبه بلد
نسمه:من الاخر بكره جهز نفسك عشان هنروح نتقدملها
تميم:يا ماما انا مش برفضلك طلب بس انتي عارفه ان من واحنا صغيرين مكونتش بطيق الي اسمها نسرين دي لا في سما ولا في أرض
نسمه:اهو قولت صغيرين يا بني شوفها عجبتك خير وبركه معجبتكش خلاص
تميم وهو يقبل يد ولدته:خلاص ياماما شوفي انتي عاوزه تاخدي المعاد معاهم امتي
ثم اتجه الي صديقه العزيز الذي سيصاب منه في مره بجلطه
وكان ادم يجلس في منزله بكل هدوء وإذ فجأه يأتي اليه معكر مزاجه تميم
تميم وهو يطرق علي الباب:افتح يا ولا يا ادم في مصيبه
ادم وهو يفتح الباب:ما اكيد مصيبه ازاي
تميم ميبقاش وراه مصايب
تميم بحزن:امي عاوزه تجوزني
ادم بفرحه:ينهار ابيض مبروك يا عم مقدما بس ليه الحزن دا
تميم:ما انت صحيح متعرفش هي اختارت مين
ادم بتعجب:هتكون مين يعني
تميم:نسرين بنت خالتي هاله
ادم وهو يعلم كيف صديقه يكره هذه الفتاه:يعني من كل البنات منقتش الا دي
تميم:شوفت يعم وطبعا لازم اروح واتقدم عشان امى خدت منهم معاد
ادم بضحك:ربنا يجعلها آخر الأحزان يا صاحبي
تميم بإنفعال:احنا لازم نبوظ الجوازه دي باي تمن
ادم:معاك يا صحابي
تميم:انا عندى خطه
      ______________
نتركهم في خطتهم ونذهب الي ديما
تجلس ديما في غرفتها وتفكر لما تتوتر عندما ادم يقترب منها وانها لا تحبه او بمعني اصح هي تدعي انها لا تحبه حتي فى نفسها لأنها وعدت نفسها منذ زمن انها ستغير فكره المرأه وان المرأه تسطيع فعل اي شيء ثم اخذت تفكر في ماذا ستفعل معه وتجعله يحترمها ويحترم جميع النساء
فا أنهكها التفكير وذهبت في ثبات عميق
     _________________
في قصر السلطان العثماني دخلت ايزا علي والدها السلطان محمد وكانت ترتدي زي مثل زي المحاربين ودخلت والقت علية التحيه وقالت بجديه:كيف حالك يا مولاي
السلطان محمد:بخير يا عزيزتي كيف حالك انتي
ايزا:في أفضل حال
تحولت ملامح محمد وقال لها:يا ابنتي الي متي ستظلي هكذا انا استطيع ان اري الحزن الذي يوجد في عيونك والي متي ستتنكرين فى زي الرجال هذا متي ستعودين الي اصلك انتي السلطانه ايزا محمد لما هذا الحزن يا عزيزتي
ايزا بحزن لم تستطيع منعه:انا لم أحزن في حياتي بهذه الطريقة لقد كسرت يا ابي ومن من؟من الذي كان بضع ايام سأكون زوجته
محمد:انا اسف يا صغيرتي انني وضعتك في مثل هذا الموقف
ايزا: حسنا يا أبي دعك من ذلك هيا لنذهب لنرى أعمالنا
محمد وهو يعلم أن ابنته تغير الموضوع حتي لا تبكي لأنها لا تحب أن تبكي أمام احد:حسنا يا عزيزتي هيا بنا
ايزا:ارجوك يا أبي لا تناديني بعزيزتي أمام الناس هذا يحرجني
محمد:ستظلين ابنتي وحبيبتي وطفلتي الصغيره مهما طال بك الزمن ستظلين مدللتي
ايزا:حسنا يا أبي دعنا نذهب
     _________________
فى صباح اليوم التالي
اتجه كل من أبطالنا الي عمله بدون اي أحداث تذكر كل شخص رجع الي بيته وبالطبع كانت نسمه والده تميم كانت قد أخذت موعد مع هاله اختها لكي تطلب يد ابنتها لتميم
ذهب تميم ونسمه وآدم الي بيت هاله
نسمه قبل أن يدقوا الباب:تميم انا عارفه مصايبك بس عشان خاطري دي بنت خالتك عشان خاطري بلاش اي حاجه النهارده
تميم وهو يدعي البراءه:انا يا ماما دا انا غلبان
ادم وهو يضحك:ايوا وانا شاهد
نسمه بتوتر من كليهما:مش مرتحالكوا يلا بينا
فتحت لهم هاله وأخذت تقبل وجنتي اختها وتميم أيضا ثم دخلوا وجلسوا
وقامت نسمه بفتح موضوع الزواج وقالت:احنا جايين نطلب ايد نسرين لابني الدكتور تميم 
فا نظر تميم لادم بغيظ:عارف لولا انها امي والجنة تحت أقدام الأمهات كنت اتبريت منها
ادم:اثبت كدا دلوقتي واكيد الجوازه مش هتم
ابستم تميم بامل:ان شاء الله
هاله:ودا يشرفني طبعا
ثم قالت نسمه:ايوا بقي فين عروستنا
قالت هاله بفرحه:حاضر هجيبها
ذهبت هاله لنسرين وقالت لها:مهما حصل يبت مش لازم نضيع تميم دا من ايدينا
نسرين:خلاص ياماما هو احنا الي هنعيده هنزيده منتي عارفه اني لا بطيق تميم دا ولا هو بيطقني
هاله:انتي عبيطة يبت ولا شكلك كدا منتي عارفه البير وغطاه ابوكي مات وسابنا في تركيا و ورانا ديون متلتله وده الي رجعنا لمصر وتميم حالته الماديه كويسه اي بقي المانع انك متتجوزهوش والي نعرفه احسن من الي منعرفهوش يا قلب امك
نسرين بتأفف:بس انا بكرهه
هاله:انا خلصت كلامي ولازم تتجوزي تميم والحب يختي بيجي بعد الجواز
نسرين:ماشي يماما يلا
دخلت نسرين وهي تمسك في يدها صينيه وتوجد فيها شربات وبالطبع كانت هاله تزغرط بينما تميم كان يود ان ينتهي كل هذا في اسرع وقت 
جلست نسرين وذهب الجميع الي الخارج حتي يجلسوا مع بعض قليلا بمفردهم
ثم استأذن ادم بانه سيذهب الي المرحاض فذهب وكان تميم قد غير اسم ادم من ادم الي(ساميه الي لابسه جيبه بتانيه) واتصل ادم بتميم وكان يضع برنامج يغير من صوته من ذكر ل انثي وكانت رنه الهاتف عباره عن بوس الواوه ليك الواوه خلي الواو يصح
فقام تميم بالرد
وكانت نسرين مستغربه من هذه الرنه الغريبه
فقال ادم لتميم:جرا اي يتميم بقالك كام يوم مش بتسأل ولا ساميه حبيبتك موحشتكش وبالطبع قصد تميم ان يكون صوت هاتفه عالي ليصل الي مسامع نسرين ثم قال:اي يا حاج تعبان مالك ما انت كنت كويس امبارح
ادم وهو يضحك مثل النساء:هيهيي حاج بس اخص عليك بجد انت من اخر مره كنت عندي وانت لا كلام ولا سلام وحتي اذيك مستخصرها
ضحك تميم وقال:لا ياعم حسن استخصرها اى دا انت الخير والبركه
وكانت نسرين تنظر له بشر
فاكمل ادم وهو يقول:يا جرحني بلقمه نشف والعيش عندك طري تقلان عليا ليه متحن يا مفتري
تميم:بقي انا مفتري يا عم حسن طب ده اسمه كلام برضه
ادم وهو لا يستطيع أن يكتم ضحكته هذه المره:بقولك اي الكيك قنص قنصصني حبك في قلبي مقرصني
نسرين في سرها:بقي وصلت لكيك قنص قنصني ومقرصني كمان
تميم بضحك وهو يقول:ماله قلبك يا حاج حسن والله لو تعبان اجيلك
نظرت نسرين ل تميم وهي غير مصدقه انه من الممكن أن يتركها ويذهب لهذه الفتاه
ادم:لا يا بيبي متجيش وبليل نبقي نتكلم عشان شكلك مش فاضى
نظرت له نسرين بصدمه
فقال لها:يعيني المرضى مش قادرين يقعدوا يوم واحد من غيري
قالت نسرين:ياحنين
تميم:اهي طيبتي دي الي جايباني ورا
نسرين:طب اي هتفضل تتكلم في التليفون
تميم:لا خلاص اصلا الحاج حسن كان هيقفل خلاص
تميم وهو يرد علي الهاتف:عاوز حاجه يا حاج حسن
ادم بضحكه تشبه النساء:هيهييهيهي عاوزه سلامتك يا كوتي
نسرين بغيظ:كوتتتي هي وصلت لكوتي
تميم:نرجع لموضوعنا انت موافقه عليا
نسرين وهي تكاد تفرقع من غيظها:الكلمه كلمت ماما
ادم وهو يرن علي تميم ولكن برقمه الاخر والذي سجله ادم ب(منال صعبه المنال)
ادم:جرا اي يا تميم فينك
تميم:حاجه سعاد عامله اي يا حاجه سعاد
ادم:سعاد مين يا تميم انت بتخوني ده انا منوله لا بس شكلك مبقتش تحب منوله
نسرين في سرها:يعني خلصت من ساميه تجيلي منوله دا مش بيرحم نفسه خالص كدا
تميم:لا يا حجه دا انتي الخير والبركه
ادم بضحكه:هيهي حلوه حجه دي
تميم:لا بس صحتك يا حجه بقت بتيجي علي مكالماتي ولا اي
نظرت نسرين له بصدمه وهي تقول في سرها:لي مالها مكالماته دوا كحة ولا اي
اي العبط الي انا بقوله ده
ثم اكمل تميم:بس خلاص يا حجه انا هجيلك بليل كشف منزلي
ادم:هيهيهي اموت في الكشف المنزلي
نسرين بزعيق:مخلااص ولا انا اباجوره
تميم بإستفزاز:انا دكتور واكيد هيبقي في استشارات كتير من المرضي فى التليفون وده طبعا غير الزيارات المنزليه
ثم قال للحجه سعاد(ادم) معلش يا حاجه سعاد لازم ااقفل دلوقتي وهكلمك بليل
ادم:ماشي يا كوتي سلام
نسرين:هو اي مشكلته مع كوتي بجد
تميم ببسمه مستفزه:اهو خلصت من الحاجه سعاد اقولك نكته بقي
نسرين بإستغراب:يعنى انت شايف ان دا وقته!
تميم:ايوا بما انك اسمك نسرين يعني
نسرين:وماله اسمي
تميم:مره واحده اسمها نسرين عملت حادثه كل نسر راح في حته هههههه
نسرين بقرف:ايوا يعني اضحك
تميم:خلاص هقولك واحده تاني
مره واحد محشش شاف واحده ماشيه فى الشارع بتولع قالها منوره يحجه ههههه
نسرين وهي تكاد تفرقع من الغيظ:تصدق هموت من الضحك اي دا بجد
قالها لا لا بس دي اكيد هتعجبك
ثم قال مره واحد عمل شقته علي شكل دايره عارفه ليه
قالت بتسأول:ليه؟
عشان مراته لما تيجي تتخانق معاه متقولوش سايبني بين أربع حيطان هههههه
نسرين وكانت وصلت لأقصى مراحل غضبها:انت تسمع الكلمتين دول انا عدتلك موضوع ساميه ام جيبه بتانيه ومنال صعبه المنال وعملت نفسي عبيطه ومش واخده بالي وقولت هظبطه بعد الجواز بس اكيد مش هعرف استحمل ثانيه واحده بدمك دا انا اصلا كونت هتجوزك غصب عني عشان فلوسك بس اكيد مش هضغط علي نفسي اكتر من كده بتقل دمك ده واحب ااقولك دلوقتي وبكل صدر رحب الجوازه مرفوضه
تميم بتأثر:ليه بس كده بس كده بس ليه بس كده بس كده بس
ثم ذهبت نسرين لوالدتها وقالت لها:ماما كل شيء قسمة ونصيب مرتحناش
هاله وهي تفرقع من الغيظ:لي بس يا بنتي استهدي بالله
نسرين:ابدا مرفوض وخلوه يبعد عنني
دا خاين وبتاع بنات وانا مش هستحمل
نسمه وهي تردح لها:خاينن مين يا روح امك ده ابني ده يتضرب بيه المثل في أخلاقه هتيجي انتي وتقوليلي ان ابني خاين وبتاع بنات ملقوش في الورد عيب قالوله يا احمر الخدين وانا غلطانه اني سمعت كلام امك وقولت استرك يا بايره بس الخير في الزمن دا بيتفهم غلط ثم وجهه نظرها لتميم وقالت له:يلا يا واد حصلني
تميم بتأثر:يلا يا ماما احنا ملناش مكان في البيت دا يلا بينا وذهب هو ووالدته وآدم ثم رجع مره اخري واخد الشوكلاته وبوكيه الورد وقال:خساره فيكي ورحل دول ب 300 جنيه انا اولي بيهم يا مقيحه
نسرين بصدمه:انا مقيحه يا بتاع البنات
تميم:بتاع بنات بس مش مقيح زيك يا بايره
ثم تركها وذهب لوالدته

    _________________

بسسس البارت التاني خلص متنسوش الفوت وعارفه ان البارت صغير بس اكيد هيكبر قدام وتكون الاحداث كترت برضه❤
اروي ابراهيم❤🥰