هلو بنات شلونكم
..
وراح نبدي القصه ونكول بسم الله ،
طبعا مثل ما ذكرت القصه حقيقيه ميه بالميه وعن معرفه شخصيه
عندي طلب صغير الي تكدر تسوي والي ما تكدر فدوه الها
هو نشر القصه واكون ممنونه
وسلامتكم ..
-________-
فتحت عيني وانا صغيره واسمع بيبي تكول
خلفة الشيبه للخيبه مجنت اعرف شتقصد وبفطارتي اضحك وياها
وكل ما اسوي وكاحه تحجي وتصيح خلفة الشيبه للخيبه
كبرت وعرفت شنو جانت تقصد
خلفة الشيبه للخيبه ،، ما كذبت فعلا خيبه ...
انا انولدت وامي و ابوي كبار بالعمر
فتحت عيني بيت دافي ام اب خوات ثنين اكبر مني بهواي و ولد ثنين
الاخ الكبير متزوج وجنت دائما اشوف مرته و خواتي يتعاركن مجنت افهم صغيره بالي مو يمهم صح اضوج انقهر بس عقل طفله
ايام وتزوجت اختي وقسمتها صارت بالنجف
ابويه بذاك الوقت عمره 71 سنه محني الظهر والشيب ماخذ ملامح وجها
كبرت ومشت الايام شفت المشاكل الي جانت عندي عاديه لا بدت تكبر وصرت اشوف حقيقة الوضع
صرت بنص هالمعمه عمري عشر سنوات مرت اخوي الي عدها ولد اكبر مني تريدني اغسل مواعين
شفت اخوي الصغير يضرب ويتامر ويا ويلي اذا ما جبت شغله
شفت امي الي دومها ساكته وابوي الرجال الجبير بالعمر الي لا حول ولا قوه
كرهت روحي من كبرت وكرهت البيت الي جنت اظن دافي
منا ابدي اسولف المواقف الي جانت تصير ....
اخوي الصغير عباس ...
دخل علينه بفد عصريه
عباس / يمااا اريد فلوس ارد اروح بغداد
ام فاضل / يما يا بغداد هاي وينك و وينها دكعد شو لا يسمع اخووك
عباس / اروح اسبح واطلع محضرتلي فلوس لا احرك عليكم البيت حرك
ام فاضل / ولك يما شسالفتك يااا دروح شو جفيني شرك
كامت الهوسه وعله الصياح والرفله وانكلب البيت اختي وسن اتدخلت ونضربت
وصاح بيه سليله ومرض حطيلي الخاوليه بالحمام
من الخوف والصياح ظليت افتر بمكاني لحد ما حصلت لشطه بصونده
ويا دخلت اخوي الكبير فاضل عاااط بصوت خلس البيت خلس
فاضل / شكو شصاير يما شهالوسه اصواتكم بره بالشارع
أنت تقرأ
ما بين اخي والنار
ChickLitعندما يكون السند زجاج مهشم يجرح كل ما اقتربنا منه والهروب الى النار اولى سيكون الوقوع في الحفره اقوي واشد الم فتاة تعيش بين عائله مشوكه باشواك الغل والجهل
