تصويت + تعليق ... فضلا وليس امراً
...
رفعت راسي والا اشوف حيدر خازرني
/ شعندج هنا ولج نص الليل
/ خوفتني عبالي حرامي
وردت امشي للبيت جرني من گصيبتي
حيدر / وولج شعندج هنا شسوين انا شكدني اخاف ادخل
امشي اخذج العباس اخلي يدفنج
/ باوعتله ودرت وجهي اصلا هو عباس كالي رجعت الصباين صلح دراجته
حيدر / لا يا نذل يا عبيس وشلون عافج وحدج لو طالعلج كلب ابن كلب
/ عادي ما اخاف من الكلب انا ومشت متوجها البيتنه
حيدر /لا عمي والله انا الي اخاف امشي امشي
امشي وهز بيدي ولد ويخاف من الجلب عيب اصلا ضربه بصخره وهو يشرد
التفتت علي كتله لتخاف بعد عيب لكيته صافن ومقلص وجها كله مو بس حواجبه
بساعتها ما فهمت تعابير وجها كبرت وعرفت هو مستغرب على متعجب شلون طفله ومتخاف ميعرف شنو شايفه او شنو عشت
دخلت للبيت بوجهي عباس يريد يطلع
عباس / حيدر بالباب
/ اي بالباب
انصكعت علي راسي
عباس / وليش خليتي يشووفج كلبه ارجع و يصير خير
اي شلون يعني هو اجه وراي اصلا
رحت نمت اعرف بي ميدخل للبيت بعد لحد الفجر
كعدتني امي الصبح رحت للمدرسه وكل عاده لا مصرف لا ريوك
رحت هناك البنات الي تحجي وياي اسحلها كبل بدون تفاهم
دائما يضحكن على ملابسي و جنطتي
زنوبه بنت اخوي انتقلت بمدرسه قريب على بيتهم
و وحدي وماخذه راحتي لا حسيب لا رقيب وهالسنه جانت سادس شلون نحجت معرف لان ما ادرس بس وقت الامتحان
بيومها تعا كت ويا البنات لان ضحكن علي حجابي وصار دفر وملابسي كلها ترابه جانت الصدريه لون نيلي
رجعت للبيت الدنيا ظهر الحجاب صفح والصدريه كلها تراب
والجنطه مسحولتها بالارض والشياطين براسي تفتر جوع وتعب وعطش ومتعاركه
وصلت للبيت لكيت حيدر كاعد بالباب
شافني ونصدم وسع عيونه انا ضحكت بوجها بالاول بس من شفت ردت فعله سكتت
صاح
حيدر / عاااااا شنو هاي الووصخه امداج
خزرته ودخلت اسمعه صاح تعرف تخزر ام الوصخ
أنت تقرأ
ما بين اخي والنار
Chick-Litعندما يكون السند زجاج مهشم يجرح كل ما اقتربنا منه والهروب الى النار اولى سيكون الوقوع في الحفره اقوي واشد الم فتاة تعيش بين عائله مشوكه باشواك الغل والجهل
