تعليق + تصويت .. فضلا وليس امراً
...
شعندج ويا حيدر ..
/ شبيج فرح يا حيدر وشعندي شو وخري عبالي صاير شي
/ تعالي ولج والله هسه اطلع اكول العباس شعندج ويا وره البيت بعيني شفتج
وسن / ولج ما خفتي البيت متروس اوادم ما خفتي يسويلج شي
فرح / ولج هيه من الله ما خافت طلعتله بهالهدوم
وسن / يبووي بودي ادفنها
يحجن ويخرطن بخدودهن وميتات خوف وانا واكفه اباوع انتضرهن يخلصن حجي اريد اطلع
رزلن وحجن وهددن وتالي ختمتها فرح تربية بتول وعباس شتطلع
وسن / باعي ولج سليل حضج اطيحه اذا عرفت عندج شي ويا هالتعبان السافل الي ما حفظ لكمة السم الي اكلها ببيتنه
/ وسن احبه وراح يخطبني بس يخلص كليه لا تحجين علي
جرتني من هدومي ودفعتني
وسن / ولج يجذب عليج يا حماره يضحك عليج لان ابو ما يطيق عباس ولا فاضل يطيقهم
عفتهن وطلعت الحجي دخل من اليسرى طلع من اليمنه
بس ظل ببالي حركاته امشي طايره وتبوسم
راحت العالم وهده البيت رحت راسلته و سولفتله عن البنات
ما هتم وبس كال ديري بالج من التليفون
مشت ايام عاديه بين اتصالاتي بحيدر وبين مرت عباس الي طلعت من الي يحجون بطرف خشمهم
ما تحترم واشوف اوقات حتى عباس يصدها و يردها بس جانت احسن من بتول
راحت فرح و وسن اصلا راحت يوم ثاني اجه اخذها حمزه
انا و حنين دوم تصير بينه مشادات بالحجي اوقات توصل العباس بس الحلو بي ميوكف بصفها ابد يرزلنه ثنينه عمري متوقعت عباس هيج يتغير وياي
لكن شالفايده البيت جحيم وظلينه على شغل امي
يوم الي تخيط بي نمنمن ناكل ويوم متخيط بي نموت جوع
دخل علينه فاضل وجايب ويا خبر يمكن هزانه كلنه
زوج فرح متصل و يريد حصت مرته من البيت
امي وعباس رفضوا
امي كالت بيتي وعشت بي عمر خلي اموت وبيعو
عباس كال معندي مكان ولا عندي امكانيه وين اروح
وتصل بفرح وتعارك وياها وذيج تبجي لان لا حول
اقنعهم فاضل على عينهم مجبورين قبلو حصتي انا خليتها ويا امي و عباس شترو بيت تجاوز وجانت توها طالعه سالفت التجاوز بس البيت تعبان لان عباس اخذ الفلوس وشتره بيهن تريله
أنت تقرأ
ما بين اخي والنار
Genç Kız Edebiyatıعندما يكون السند زجاج مهشم يجرح كل ما اقتربنا منه والهروب الى النار اولى سيكون الوقوع في الحفره اقوي واشد الم فتاة تعيش بين عائله مشوكه باشواك الغل والجهل
