الي يغص بالماي
شنهو علاجه ؟
اي غصيت باهلي وانا سامع فاضل يحجي ويا امي ويكللها عمام حمزه طلبوا مره بدل وسن
تربي الطفله
والا ما يتنازلون عن عباس
هديه / شلون يما مره ابني شعلي بيهم
فاضل / يما يردون بتج تربي الطفله بحكم احنه طلعنه وسن من البيت ولهاي السبب ماتت
هديه / هذا شلون حجي اكو احد يكتل بته
فاضل / لعد ليش ما قبلت ليش ردت ارجعها اعرف سوالفهم ...
ظل يلوم بامي ويعاتب ويحجي على عباس
فرح / خويه اذكر الله ليش اخذتنه بصياحك خلي انحلها احنه هم النه عمام ادري فصليه خو مو فصليه
فاضل / منو عمامج ابو جعفر كعد عود حلاها
وهاي النتيجه يردون مره اتربي بنته لحد ما تكبر وعوود الها القرار تطلك لو تظل
فرح / هاي وين اكو هيج صايره دايره بنيه اتحطم نفسها تربي بنت مو بنتها وتالي ؟
اسمها مطلكه
متت قهر وانا اسمع حجيهم شلون ربطوا طلعت عباس بيه السالفه عناد مبينه واعرف حمزه مجرد روح تعال
طلعتلهم بس كلني ارجف من القهر
/ وانا ما قابله وين كاعدين كتلوا اختي وتعالي ربي بتها انت شلون قبلتها شلون ما طيحت حضهم
وظليت ابجي
امي وسمعت انا ما قابله يعني عباس يظل بالسجن ظلت تلطم
/ يما لو شما تسويين عباس رجال اشكد ينسجن سنه سنتين يطلع بس هاي حياتي تردون ادمرونها صدك جذب
فرح / كعدي نتفاهم ليش خبصتينه
/ ولج شتتفاهمين الحجي ما يدخل عقلي ذوله كتلو وسن تعرفين شنو يعني كتلو وسن
هنا كلها ظلت تبجي حتى فاضل
بس چان القرار مابي رجعه
امي طاحت علينه وفاضل يصيح انتي وعباس راح تقضون عليها بس اهجولكم
فرح تقنعني قبلي فتره وتطلكي
جنت رافضه رفض قاطع كلتلهم اخذ البنيه اربيها عندي وتحمل مسؤليتها
فاضل / انتي تحملي مسؤلية نفسج اول كل عمرج 18 سنه ربي روحج
داوود / يا خويه خلي نتصل بيهم ونشوف عسا يقبلون همه مو همهم الطفله احد يربيها خلي انشوف لا تسدها بداعت جهالك
وصدك داوود كدر يقنع فاضل شويه صار عندي امل
العصر فاضل اتصل بجبيرهم وكاله وجبيرهم كاله اشوف بيت ابو حمزه و اردلك خبر
أنت تقرأ
ما بين اخي والنار
Literatura Femininaعندما يكون السند زجاج مهشم يجرح كل ما اقتربنا منه والهروب الى النار اولى سيكون الوقوع في الحفره اقوي واشد الم فتاة تعيش بين عائله مشوكه باشواك الغل والجهل
