part17 "الاخير"
#شروقي المظلم
ميسون:كيف بتحليها توا
داريا: في راسي فكرة بس خايفه من اثنين
ميسون:عمر واحد منهم
داريا:وردة فعل اسعد
ميسون:يستر الله امتا بيرجع هوا
داريا:مزال شهرين
ميسون:عندك وقت ديري راي
داريا:ان شالله، قهوة!
ميسون:اي عادي
رجعو عمر وتاليا بعد وقت
هاني:شن جو المشوار
تاليا:حلو مع بابي
هاني:دوم مبسوطه حبيبت خوها 😘
ميسون:سلمها هالعسل ❤️
داريا:سلمي عاخالتو ماما
تاليا:هاي 😊
ميسون:نسخه من عمر
داريا:ايي
ميسون:انا جايه بناخدكم ره
هاني:وين العزم ان شالله
ميسون:عازمتكم عالعشا في حوشنا الجديد انتم بس 🙂
هاني ضحك:اها قولي هك 😂 خودي تالي بس انا بنطلع مع صحابي
ميسون:شن رايك ياحلوه تجي معاي تلعبي مع كرم
تاليا:ماما نمشي؟
داريا:كيف تبي حبيبتي
تاليا:اوك هي
وطلعو كل حد اتجه لمشواره
داريا:شنو
عمر:نبي نستفرد بيك فيه مانع
داريا:انا مانبيش
شد ايدها وقربها منه:مش مستاحشتني
داريا:عمر لو سمحت
حضنها:انا مستاحشك وميت عاقربك حبيبي 😘
داريا وكل حصونها اللي بنتها حتا تبعده عليها انهدت في لحظه:مش زيني عمر مستحيل توصل نص شوقي ليك، انا اللي تعذبت وقت طويل وعانيت حتا نقنعك بحبي ونفتح قلبك اللي مسكر. وبعد هذا كله تتخلا عليا وتبعدني عليك تحرمني من اكثر حد حبيته في حياتي 8 سنين ولا ليله رقدت بدون مانفكر فيك ونذكر كل لحظاتنا مع بعض انا مانسيتكش وقلبي لو تبعد عليه 100سنه لايمكن ينسا حبك
عمر:ياروح عمر وحياته كلها نحبك
داريا:انا اكثر
قامها بين يديه:نبي نشوفه شوقك والحب كيف 😉
والباقي مش ليا طبعا 😂
بعد اسبوع
تاليا تبكي:نبي ماما 😢
ميسون:علاش حبيبتي زعلتي من كرم
تاليا:لا لكن تاحشت مامي نبي نمشيلها
ميسون:حاضر هي نكلموها
تاليا:اوك
اتصلت بيها
داريا:حبيبي هاتفي
عمر:فوتيه اكيد بنتك تنقنق
داريا:شويه نرد عليها
عمر:ماتعطليش بهي
خدت هاتفها وطلعت للبلكونه:ايوا
ميسون:صباح الورد ياعروسه 😂
داريا:صباح النور هههه شن الجو
ميسون:تمام بنوتك تبيك
داريا:هاتي
تاليا:مامي 😢
داريا:نعم حبيبتي
تاليا:نبي نجيك قوليلها
داريا:حاضر قولي لعمو فيصل يجيبك
تاليا:به باي
عمر:خيرها
داريا:تبي تروح اسبوع عاد برا ماتوقعتهاش تقعد انا
عمر:كنت نبي نستفرد بيك فتره ومزال ماشبعتش منك 😘😘
داريا:حبيبي معاك ونعوضو كل السنين الفاتت
عمر:اياه
داريا:ايي ولا عندك شك
عمر:ابدا 💋😘
رن الجرس بشكل مستمر بدون مايوقف
داريا:من هذا
عمر:مش عارف خليك هنا
فتح الباب:كلب 😂
عمران حضنه:ليك وحشه يا معلم
عمر:انت اكثر الحمد لله عالسلامه
عمران:الله يسلمك وين المفاعيص
عمر:اسلوب 🙄 كيف حالك
حسنيه:بخير الحمد لله وانت
عمر:تمام تفضلو هي
عمران:شنو!
عمر:مش هنا بايتين برا الزوز
عمران:امممم شهر عسل وحركات
عمر:تحشم عاوجهك كيف كانت رحلتكم
حسنيه:باهيه تعبنا شويه من تغيير الجو
نزلت داريا:مرحبتين انستونا
عمران:حمد لله عاسلامتك 😂
داريا:مابردك كيف حالك عمتي
حسنيه:الحمد لله يابنتي شن اخباركم والصغار
داريا:والله بخير قريب يجو
فتح الباب هاني:اووو نورت البلاد
عمران:ملسن 😊 مستاحشكم
هاني حضنه:حتا احنا هلبا ليكم سنتين ماجيتوش هنا
عمران:معاش نفضا من الخدمة شن جو القرايه
هاني:مليحه كالعاده من الاوائل انا وتالي
عمران:طالعين لعمكم
عمر:بكل 🙄
رن الجرس
داريا:افتح حبيبي
هاني:هي
فتح الباب وماارتاحش للشخص اللي واقف قدامه:تفضل
اسعد:انت هاني طبعا
هاني:ومن حضرتك 🤨
اسعد:ناديلي داريا ممكن!
شافله باستحقار وخش: فيه راجل برا طالب يشوف مرتك 🙂عمر:منو!
هاني:مانعرفش 💁♂️
شافلها عمر نظره مافهمتهاش وطلع:تفضل
اسعد:طلبت نشوف مدام داريا من انت خوها! سألت عليها في شقتها وقالوا ليها فتره منتقله هنا ودلتني جارتها
عمر: جاي ران على باب حوشي وطالب تشوف مرتي شن المطلوب
اسعد بانت عاوجهه علامات الصدمة بس حاول يستمر ثابت:منو!
عمر:لخص ماعنديش اليوم كله لقطافك
اسعد:انا خطيبها شن تقولي مرتك وداريا مطلقه
في ثواني كان عمر خانقه وانقلب 360درجه:خطيبة منو يا $....&&&&
طلعت داريا وعمران لما علا صوتهم وتفاجئت بالمنظر: اسعد 😱
عمران حاول يبعدهم على بعض:غير اهدا ياراجل خلينا نتفاهمو
عمر:اما تفاهم متعك هذا تي يقول خطيبتي جاي لحوشي ويقول خطيبتي حول من قدامي توا نوريه الخطبه 😡😡 كان مايخطبوش في جنازته اليوم
داريا خايفه ومش عارفه شن دير ولا شن بتقول لعمر
اسعد:داريا ادوي مش اطلقتي وبنتزوجو كيف صار سافرت شهور نجي نلقا هذا في وجهي
عمر ضربه بوكس:اشبح كيف يدوي تي اقلب وجهك من هنا
اسعد:بهي اسئلها وشوف ردها
عمران:تكلمي ياداريا بيقتل الراجل
عمر:خيرك دين اصلك ساكته انتي
عاكلمته خشت ميسون معاها تاليا اللي جرت لبوها وشدت فيه:بابا
حاول يرتب معالم وجهه:عيون بابا
تاليا:miss you
عمر:انا اكثر هي خشي مع عمو شوفي حناك
تاليا:عمو 😍
عمران:حبيبت قلب عمها ياناس 😘😘
عمر خنق اسعد:تختفي من وجهي في الدقيقه هدي احسن ماندفنك في ارضك
ميسون لما سمعت الاسم انزرع في قلبها نفس كميه الرعب اللي عند داريا شدت في ايدها بقوة وحاولت تهديها
اما اسعد لملم بواقي كرامته وانسحب مع توعد انه ليهم مواجهه ثانيه
عمر بهدوء عكس النار اللي والعه في صدره:وصلتي البنت هي تفضلي لحوشك
ميسون:بهي اسمع منها قبل دير اي تصرف وماتنساش انك غلطت فيها كذا مره وهيا سامحت
عمر:الباب قلت 😡
ميسون:تمام تمام ماشيه
طلعت وبسرعه اتجهت لشقتها حتا تستنجد بفيصل الوحيد اللي قادر يوقف في وجه بلاك
اما داريا كانت كل ذره في جسمها ترجف والخوف اللي موجود في قلبها لأول مره تحسه من حبيبها
عمر:نستنا في اجابه
شافتله وترجاته بعيونها انه يعطيها عذر للي عاناته في غيابه:انا
عمر:ماتحرقيليش دمي
داريا:فقدت الامل انك ترجعلنا وانا تعبت هلبا هوا الانسان الوحيد اللي قبل بصغاري و
شدها من ايدها بقوة:حبيتيه!
داريا:عمر 💔😭
ميسون فتحت الباب وخشت تجري:فيصل فيصل الحق عمر اليوم اكيد بيقتل داريا
فيصل:شن فيه
ميسون:اسعد جي
فيصل:لاإله الا الله خدي جاكيته وطلع
اما عمر وداريا قاعدين في نفس الوقفه وقلوبهم مايعلم بحالها الا اللي خالقها
عمر:قلبك رضا يخشله راجل بعدي! كنتي بتتزوجيه وترقدي معاه عاسرير واحد رضيتي يلمسك ويحط ايده عليك
داريا:لا والله وحياه صغاري مايوم شد حتا ايدي انا صنتك في حضورك وغيابك
عمر:وهذا منو شن يكون
داريا:كنت نبي نكمل حياتي وننساك مافكرتش في يوم ترجعلي ويصير هذا كله
خش فيصل من بوابه الحوش ولما شاف الهدوء قرر يقعد بعيد ويراقب تحسبا لأي تهور من بلاك 🤫
عمر تنهد تنهيده من اعماق قلبه وشاف للسما:يااارب
شدت في جاكيته:اعطيني عذري عمر انت سيبتني سنين قعدت بروحي ادمرت 😭😭
عمر:يابنت الناس يوم طاحت عيني عليك في المطار وقررت ندخلك حياتي ظلمتك وهلبا لكن يشهد ربي عاللي في قلبي ليك واني من يوم شفتك مافيش مرا حطت ايدها عليا كنت وفي ليك حتا وانتي كارهتيني، ماخنتك حتا في خيالي 8 سنين بعيد عليك عايش بين لبسك وروائحك وصورك
داريا:ولا انا نسيتك وكل يوم نذكر لحظاتي معاك
عمر:انا وياك تمينا اليوم وهنا كملي معاه اللي فكرتي دخليه حياتك بعدي، بس حطي في بالك انتي بروحك ولدي وبنتي ولا تحلمي نخليهملك مع التافه هذا حاناخدهم منك وبري عيشي انتي
شاف وراها وجت عينه عاصاحبه ورفيق كل خطواته في الدنيا
قرب منهم: استهدو بالله ماتتصرفوش بدون تفكير
داريا:شوفه هوا بيتخلا عليا ثاني 😭
عمر:انتي منظمة حياتك وتامه جيت خربتها انا لكن اطمني ترجع زي ماكانت وورقتك توصلك شي واحد بس بيتغير انه صغاري مكانهم معاي
داريا:ماديرش فيا هكي عمر 💔
تلفت مشا باتجاه سيارته
فيصل:خشي واقعدي هنا ماتطلعيش من حوشه
داريا:تمام حاول تقنعه
فيصل:ان شالله
ركب سيارته وطلع وراه
خشت داريا منهارة وحاسه بنفس وجع القلب يوم سيبها عمر
هاني اللي سمع حديثهم كله خدي تاليا و انسحب لداره بدون مايحكي مع حد
عمران:اهدي هوا غير تعصب شويه يهدا واكيد بيرجع مستحيل يسيبك
داريا:انا والله ماكنت اا 😭😭
حسنيه حضنتها:وحدي الله يابنتي معذورة بعد اللي صار فيك ومعاك الحق ماتخلعيش صغارك
عند عمر مدرس سيارته عالبحر وجنبه
فيصل:احنا توقعنا الشي هذا لما قررت تجي
عمر:لكن طول السنين اللي فاتت ماوصلنيش خبر انه في حياتها حد
فيصل:ومش باينلها عندها تجاهه مشاعر اصلا، ماتكبرش الموضوع واسمع منها
عمر:بنطلقها
فيصل:كبر عقلك
عمر:هذا حجمه طالما هيا رضت براجل غيري في حياتها ماتلزمنيش ياصقري وفوته الموضوع
فيصل شافله وسكت عرف انه مسكر راسه
فات اسبوع طويل وصعب عالكل واكثر داريا اللي رفضها التام والنهائي لأسعد خلاه يهاجمها ويتهمها انها كذبت عليه وخدعاته
وتاليا اللي رجعت فقدت بوها بعد مانور حياتها 💔
الساعه 9 صباحا رن جرس الباب
فتح هاني
تاليا:بابا 🥹
قامها:حبيبت بوها 😘 كيف حالها بنوتي السمحه
تاليا:تاحشتك علاش معاد تجينا
عمر:كان عندي خدمة اميرتي وتوا جيت بنقعد معاك
تاليا:نحبك بابي 😍
داريا تشوفله مش قادره تكلمه ولا تقرب منه
هاني: عمر نبي نحكي معاك
ضحك ونزل تاليا:رفعنا حتا الالقاب 😅
هاني:مش مهم لكن نبي نحكو
عمر:تمام بعد امك دورك
هاني:قبل
عمر:تمام هي تعالا نقعمزو برا
تجاهلها ولا كأنها موجوده في المكان
هاني:شن مقرر دير
عمر:واللي مقرره انت تبي تغيره ولا تعدل عليه 🙂
هاني:لا نتناقشو فيه
عمر:بنطلقها وتمشي تتزوج خطيبها وانت واختك هذا حوشكم ومكانكم جنبي
هاني:لا انا ولا تالي نبو نعيشو بالطريقه هدي
عمر:تبي تعيش مع راجل ام ولا شن
هاني:لا ومانبيش تطلقوا، ابعد فتره اوك معاك وازعل براحتك لكن ماتاخدش قرار زي هذا لانه هيا بعد 8 سنين سمعت منك وسامحاتك لما حكيتلها السبب
عمر:انا ماسمحتش لمرا تخش حياتي
هاني:هيا كانت محتاجه راجل يسندها ويوقف في ظهرها تشوف في خالي يجينا مره في العام
عمر:موضوع منتهي عندي اقطعه النقاش فيه
هاني:تمام 😔 بس تاليا حاتتأثر هلبا وهيا متعلقه بامي
عمر:تكبر وتنسا
هاني:لو سمحت ماتقساش علينا
حضنه عمر بقوه:حاضر وعد اللي صار قبل مستحيل يتعاود ولا نسيبكم
وكالمعتاد اخر فتره هاني انسحب مع تاليا وسيبهم بروحهم
داريا:انت ماسمعتنيش رغم اني كل الوقت نسمع فيك
عمر:نسمعك في اي موضوع الا راجل غيري في حياتك
داريا:بس
عمر:مش جاي نتناقش انا
حست قلبها انقبض ونفس يطلع بالسيف:مالا
عمر:انتي طالق يابنت فهمي
.
.
شهر
.
.
.
شهرين
.
.
.
.
.
.
.
.
.
.
.
ثلاثة
.
.
.
.
.
.
.
.
اربعه
.
.
.
.
.
.
.
.
.
.
.
.
مجتمعين عاطاوله الفطور اللي اعتادو الهدوء وقله الكلام عليها
عمر:نطلعو نتعشو برا اليوم!
هاني:بنتلاقا مع صحابي عندنا واجب
عمر:وانتي حبيبة بابا
تاليا: نرفعو ماما
عمر تنهد:تمام كلميها
تاليا:اوك
سمعو منبه الباص
هاني:هيا تالي
باست عمر وطلعت تجري
شد هاني من ايده:لامتا بتقعد هك نافخ عليا
هاني:نتعامل عادي
عمر:بهي برا لمدرستك توا وفي الليل نحكو
هاني:تم
أما على بعد مسافه بسيطه كانت بطلتنا منهارة فاقده الامل في كل شي 💔
ميسون:لامتا بتقعدي هكي وقفتي كل حياتك دموعك مانشفت من يوم طلقك وهوا عايش حياته
داريا:ولا مره شفت جنبه بنت معاه حق هوا مادخلش اي مرا حياته لكن انا سمحت لروحي نرتبط براجل غيره، حتا اسعد قالي نفس الكلام
ميسون:رجاله شن متوقعه منهم غير بيحطو لنفسهم الف عذر حتا تكوني انتي غالطه
داريا:الي خفت منه صار وحياتي رجعت تهدمت حتا صغاري خداهم مني 😭
ميسون:اما خداهم متعك هدي هما كل يوم عندك 😂
داريا:وين يرقدو في حوشه معناها عنده
ميسون:حتا انتي حمارة تهزي في راسك راجلك بينك وبينه كم حوش ومخلياته شهور بعيد عليك، كانك فالحه من اول شهر ترديه راكع
داريا:هوا معاش يبيني
ميسون:بلاك! 😂 هوا كان مش مسلم ره عبدك نوضي يا ماما دوشي والبسي حاجه حلوه خلي نشغلو مغناطيس السيد عمر
داريا: بهي 😥😔
عمر واقف يشرف عاشحنات بضاعه جديده
فيصل:صباحك منور بلاك
عمر:صباح النور
فيصل:ردها بهي طالما بتقعد واخد وضع النكد هذا
عمر:برا لمكتبك شوف الخدمة اللي وراك
فيصل:لكن شورها تخطاتك ياصاحبي
تلفت عمر لجيهة ثانيه في محاوله فاشله انه يتفادى الحديث عليها
قرب منه وهمسله:تلاقيت معاها طالعه هيا وميسون ياودي طارحه وقالو عندها موعد
عمر:موعد!
فيصل:وين الله اعلم 🤷♂️بالك حتا عريس جديد
وين عمر 🫥 اختفى في لحظات قام هاتفه واتصل بالحراسه:وين المدام
الامن:في مطعم مجمع .......
عمر:تمام
داريا:فهميني ملبستني هك ومكياج وحركات مالياش اي مزاج ليها علاش
ميسون:نبي نوريلك حب بلاك
داريا:عمر معاد يحبني اقتنعي ولا يبيني في حياتي، هوا البعد زاده قسوه والباين انه مسح حتا حبي من قلبه 💔
ميسون:تمام به
وقف عليهم شخص:السلام عليكم مدام داريا!
ميسون ضحكت:اي تفضل
قعمز معاهم:شن اخباركم
داريا مصدومة وميسون تضحك
دقايق لا هيا لحظات وشافو الراجل طايح عالارض
عمر:لا هوا بجديات عندك عرض جديد، انتي انجنيتي ولا معاش حد مالي عينك
داريا فاقت من صدمتها:شن تخرف انت
الراجل:منو انت وكيف تمد ايدك عليا
ضربه برجله عابطنه:سكر فمك خير مانكمل عليك ونبعتك لربي 😡😡
داريا:شن هذا
ميسون:خود طليقتك وتفاهمو في مكان ثاني فضحتنا قدام الناس
شدها من ايدها بقوة وطلعها وراه
داريا:نحي سيبني شن دخلك انت اصلا
ركبها السياره غصب وطلع بسرعته
داريا:وقف السياره شن تبي مني 😥😭
عمر:تي نغيب عليك نلقاك مخطوبة 😡
داريا:ماغبتش انت قول تخليت ولزيتك سيبتني بروحي 💔 عمر:بعدتك عليا لاني خفت خفت عليك افهمي، تعذبت زيك واحرف منك
داريا:انا سامحتك ونسيت كل شي
وقف السياره قدام البحر
عمر:وحتا انا سامحتك
داريا:طلقتني 💔
قربها منه وحضنها:رديتك في نفس الشهر ،انا مالياش عيشه بلاك
داريا:نموت فيك عمر.................... ❤️
بعد سنتين
كل ابطالنا انتقلو لماليزيا واسسو لنفسهم حياة جديده ودفنو القديمه بكل اوجاعها في ليبيا
عمر وفيصل نقلو خدمتهم ومستمرين شركاء في الخدمة والحياه ✨
داريا قررت انها تهتم بعيلتنا وصغارها وزوجها بس
اما ميسون هيا وفيصل عايشين في عالم خاص بيهم مش مفكرين ينزلو لارض الواقع ❤️😅
عمران تزوج بنت من اختيار امه واستقر جنب خوه
أخيرا كل ابطالنا حظو بالنهايه الحلوه اللي يستحقها قلبهم
عمر خلع بلاك وقدر انه يعيش حياه اي انسان طبيعي ويكون عيلة، بس بلاك انزرع في شخص ثاني ومقرر يعود للساحه اقوا من الاول بألف مره 💪
أنتظرو جزء ثاني قوي هلبا من شروقي المظلم 🙂
نلتقي في روايه جديدة #حب_العقل
Lole saad ❤️
