♡جنه صغار نكعد وقت الغروب اباب الدار ننطر جيت ابونه يرجع مبتسم بس وجها متعوب من يشوفنه يضحكن عيون ويجي محمل ابونه اشكال والوان وتضل تلوم بي امنه الحنونه تعبهم هذا تعبك لايبو افلان تتعب والجهال يضيعونه لكن يبتسم ودموعه بالعين ويكل لامي التعب يستاهلونه♡
للكاتبة: نياࢪمحمد
يوزرنيم: Namh_20
♡♡♡♡♡♡♡♡♡♡♡♡♡
يلا نبلش....
ندم: مشت حياتي عكس ماريد عكس ما اتمنه صح اخذت الاحبه وزينة الشباب بس مارتاحيت وياه ابد من مشاكل و العوز وجنت قاسية على خالد فوك ما كل الي حواليه ضده
جنت شما يسويلي ماارضى ماريد اتعزعز عليه ما ارضى بلي يجيبه الي بس بداخلي افرح من اشوفه يفوت عليا ويلمني اني ويلادي تحت جناحه وحضنه الدافي
بس اعكس كلشي رغم اعرف شكد تعب وشكد عانه ويا اهله بس ماكدر قسوتي الخالد جانت عن حب وبنفس الوقت اريد حالي يتغير حتى لا الناس تضل تحجي علينا
مشت السنين بينا صار عندي غزوان، وهادي، ورحيم، وراوية
رغد ، خالد طاير بيه السابع سمه شكد مايحبني بس تجي مرات اضوج منه لان يجي سكران عل بيت اهلي بليل ويغنيلي (خيو بنت الديرة خيو حلوة صغيرة)
يصيح ندم شكد احبج وتجي مرات يضربني لان مايسطر على اعصابه جانو اطفالي صغار بس يفتهمون انه ابوهم سكران مو بوعيه واكثر وحدة بناتي جانت تنتبه هيا رغد
اني ابررلها انو ابوها تعبان من شغل والعسكرية
من يصحى ثاني يوم يمسك ايديه ويبوس بيهن ويعتذر اني اصير قاسية بل اكثر عليه تجي مرات خواتي يدافعوله يكولون لا تتبطرين وين تلكين انسان يحبج مثل خالد ويتمنن واحد مثل خالد يجيهن ويحبهن جان اخ مو نسيب بنسبة الهم خالد
بيوم من ايام حياتي الي عشتها مرتاحة وفرحانة كعدت من صبح شفت خالد مبتسم بوجهي
خالد: صباح الخير والعافية
ندم: صباح الخير
خالد: يلا راح انطيج ساعة اتحضرين الولد دطلعكم سفرة على صلاح دين
ندم: كمت على حيلي شو ماكلت من البارحة
خالد: سيوتلكم مفاجأة يلا افتحي قنصورج جبتلج ملابس كردية الج ولبناتي يلا اني طالع اعبي سياره بانزين واجيكم
(وكته انطو سيارة هدية لان ترقى كانت برازيلي حمرا)
ندم: كمت عل سريع سبحت وسبحت ويلادي واحد ورا الثاني وبدلتلهم ونزلت على امي كتلها راح اروح سفرة لاصلاح دين
كالت روحي يمه تونسي اخذت ويلادي ورحنا بطريق السياره تمشي بينا وخالد فرحان بيه بس يتغزل ويلادي يصفكون عل اغنية...
أنت تقرأ
اسميتها ندم
Romanceقصة فريدة من نوعها تاخذنا الزمن الطيبين اهلنا اهل المحنة والوفه «بين ندم المنادات والم الطريق، بين تضحياتي المتتالية، بين صبري وابتعادي، بين قطاري الذي لم يغادر السكة، بين شتات الحب والاجبار، بين مشقة الطريق، بين ايماني واحتسابي، بين كل ذاك ولدة...
