رحلت وامتلا صدري غياب وماكدرت انساك.. ويحركني حنين الانتظار وغيبت ظلالك.. تركت الناس علكت العيون بزاوية شباك.. وكل مامرلي برد اليالي يكول ماجالك؟ سنين اتخيلك ترجع وتروي هل ضما من ماك سنين امد ايديني بظلام الليل
ماطالك مادام انك وصلت تفضل اكرب وحياك تعال اضيفك من گهوة وداع وهز فنجانك...
اي تمثل ابطالنا
للكاتبة: نياࢪ محمد
يوزرنيم: Na_mh20@
♡♡♡♡♡♡♡♡♡♡♡♡♡♡♡
يلا نبلش...
ندم: وكفت يم باب بيت عمي كتله خلدون ما اتحرك اذا ماتكلي شصاير
خلدون: بعبرة مخنوكة،، ندم بس سمعيني زين جوه اكو جثة
ومانعرف اذا مال خالد او غيره انتي وحيدة الي بقيتي تشوفيها وتعرفين هذا خالد او لااا
ندم: شنووو!؟!؟ غوشت دنيا بيه و نصدمت لاا شنو جثة جوه شنو خالد مات مو اي ماتت عفته وركضت جوه شفتهم واكفين ويبجون وعمامي الحيرة بعيونهم وكفت باب الغرفة دحكت بلكاع اكو
شخص مغطين راسه وحوليه عمي زيد بناته يبجون وكل هذا
زلم تطلع وزلم تفوت اخر شي سمعت صوت خلدون يكول يلا ندم قوي كلبج شوفي هذا خالد لولا
راح اتقدم كدامي وكشف وجه اجيت امشي هيدي وعلى مهلي ماريد اعرف خلوني عاييشه على امل هو يرجع من التحقه ماريد اترمل شنو ذنبي؟ قطع سلسلة افكار منظر وجه ماكو ملامح ماكو محتركة كعدت يم راسه نزلت دموعي اني عرفت هذا خالد لان خالد طويل وضخم ضليت ابجي هذا خالد عرفته ماكو حرمة ماتعرف زلمته
هذا زلمتي المتمدد كدامي بلا روح بلا ملامح بلا شعر شعر محترك كشفت رجليه وشفت جواربه الخيطتهم اله بيهن لاستيكة بيضة نجمعت الغصة بصدري بعد ماتحمل هذا زلمتي ندم هذا زلمتج هذوا ترملتي انكتبتي من الارامل
نهضت على حيلي وصحت يبوووو ولكم هذا زلمتي ولكم ماخفتو الله بيه من جبتوني اشوف بس جثمانه بلا وعي شكيت ثوبي من الطول لطول اشوف امي تغطيني ورجال كلها دنكت راسها
اصيح واستريح بعد ماكو زلم بدنيا هذوا مات خالد لحد يجي ويكول اني زلمه مات شيخهم للزلم مات وردتهم ابجي والطم فرفحت عليه شافين طفل من يفرفح على امه او من تاخذون منه شي غصب هيج صرت اروح واجي بطارمة مال الحوش ماكو دقايق وطلعو بس عرفو مني انه هذا خالد
طلعو وطلعت روحي وراه هو مات بس ماعرف كسرني بموته
ابجي والطم عليه زلمتي بس نار بكلبي منو يطفيها عافني وتركلي ولد وبنات يتمه منو الهم الفاتحة التعرفوها ثلاث ايام مو اني زلمتي خالد فاتحته صارت 40يوم الدنيا نقلبت على راسنا زلمه من عشيرة ال(...) راح شهيد بحرب ايران اربعين يوم خيمة الفاتحة مانشالت اربعين يوم نسوان وزلم تفوت تعزينا ويطلعون
أنت تقرأ
اسميتها ندم
Romanceقصة فريدة من نوعها تاخذنا الزمن الطيبين اهلنا اهل المحنة والوفه «بين ندم المنادات والم الطريق، بين تضحياتي المتتالية، بين صبري وابتعادي، بين قطاري الذي لم يغادر السكة، بين شتات الحب والاجبار، بين مشقة الطريق، بين ايماني واحتسابي، بين كل ذاك ولدة...
