اجت عينك بعيني وطالت السكته
وجزيت وعفت واحد ناسي سالفته
جنت احجيلهم بلماضي وشمحلاه
وعرفت الجاي احلى من الحجي الكلته
وعرفت الگلب يوكف والبشر مايموت
ثاوني بنگل جدمك عطلت دكته
منين انت؟!
من ياغصن جاي اهلك بيا بستان
نوع من الورد كائن جديد انته
شكو بروحك ندى ويتبعك الفراش
لايمنه خضار ولا وكع وكته
اذا تسال عليه مسموح
بذاك الصوب حايط بيتنا المجروح
حلو ومتعوب ياشوفة ترد الروح
تجي خطار مو ينفتح باب البيت تلكه شجم كلب مفتوح اوعدك بس تجي متروح... 💔
الكاتبة: نياࢪمحمد
يوزرنيم: Na_mh20
♡♡♡♡♡♡♡♡♡♡♡♡♡♡♡♡
يلا نبلش••••••
ندم: ورا ما قريت الرسالة بستها وحضنتها وكمت و اني عيوني مغوشة من البجي فتحت قنصوري وطلعت صندوك بيه غراض خالد الثمينة الي اعزهم على كلبي بستها وخليتها معاهم ربي من رحمتين رحمة اريد تصبرني على فراك عزازي
لي العصر راحت اختي نبعة ورجعو ولدي غزوان وهادي من الشغل شافوني من تعبانه بس مابينتلهم سويتلهم عشا طماطة كلي وبطاطة كلي وعشا خفيف يكولون الصيف ابو الفقير واني الحمدلله مامخلية شي بنفس ولدي بس حالتنا تعبانه
عشيتهم وخلصو وغسلت مواعين ورجعت فرشت الهم ونمنا على ضو الاله (الفانوس كاز) لان بعدني الم بفلوس المولدة حتى ادفع مال شهر جانو ولدي يدرسون غزوان ثالث متوسط وهادي ثاني متوسط ورغد هم ابتداىية مرة بيه ايام
مره منهين بنتي راوية مريضة ومنهين فلوس الايجار والمولدة تعبت فوك تعبي ولدي الكبار يشتغلون وشغلهم عل مسواك البيت واني شغلي الخياطة والجكاير اجمع بيه الايجار
راح تسالوني ليش ماتطلبين من اهلج او من امج اني عفيفة النفس ما اكدر اطلب فلوس علمود اكل اني ولدي لو اقرب الناس الي ماكدر شكد امي تساعدني وتنطي ارجعهن اكللها يمه عايشه وعندي الحمدلله وتسكت امي بس تعرف حالتي فقيرة امي حملها ثكيل خواتي جامعات ومتوسطة واعدادية يعني طالبات مو مال اطلب منها علمن انه جانت حالة اهلي
عال العال خير من الله عدهم جانت دزلي صناديك الفواكه والمخضر بيد ولدي اكللهم ماتكولون كلشي منهم مو متعبي رجعوهم وامي تجي عليا وراه مايرجعون تضل تحجي عليا
اكللها يمه اذا مو من هما وصغار يكالون اللكمه بتعبهم بعدين يضلون يتكلون على غيرهم ....
أنت تقرأ
اسميتها ندم
Romanceقصة فريدة من نوعها تاخذنا الزمن الطيبين اهلنا اهل المحنة والوفه «بين ندم المنادات والم الطريق، بين تضحياتي المتتالية، بين صبري وابتعادي، بين قطاري الذي لم يغادر السكة، بين شتات الحب والاجبار، بين مشقة الطريق، بين ايماني واحتسابي، بين كل ذاك ولدة...
