✿ياحمد مر مثل مامرينا
وريلك الصاح بقهر يدرينا
بالمكيَّر ودعينا اسرارهم
اعزاز عند ومانسينا اخبارهم✿💔
للكاتبة: نياࢪ محمد
يوزرنيم: Na_mh20
يلانبلش....
ندم: يوم الخميس كعدت على صلاة الفجر طبعي من جنت متزوجه اكعد اصلي واستغفر واقره قران وراها اغفالي ساعة وارجع اكعد بسبعة او بلثمنية اسوي ريوك واشوف منو يكعد معايا
نتريك سوه ابد مايوم دكيت باب غرفة على جنتي وكتلها كومي سوي ريوك او ليش متاخرة بنومتج ابدد اكعد اسوي ريوك اكمل الكاهم كلهم كاعدين لان هيا اصلاً جنتي حبابة
وراها خطية اتكوم هيا واطفالها تغسللهم وتبدللهم وتكعدهم يمي وتروح تشتغل بلبيت تنظيف وكنس وغسل مواعين وملابس اما اني من طلعو بناتي سلمتها البيت كتلها يمه اني اندار على صلاتي وعبادتي والبيت بيتج وامانة بركبتج انتي ديري
وخطية ماتخلي قصرة لا غسل ولا شطف كلشي نظيف ومرتب وحتى من يجون عندي خواتي اتباها بنظافتها وعدالتها كملت صلاة الضحى وجت حوراء كالتي
حوراء: يمه اشنسوي غدى البنات اليوم جايات عدنا يباتن
ندم: اليوم راح يجوني بناتي كتلها اسوي كبة اشتكولين
حوراء: هاذوا عمة مثل ماتريدين كبة كبة هسا اجيبلج المواد اعجنيها وكمليها واني اسوي الحشية
ندم: ديلا يمه الله يرضى عليج إن شاءلله جابتلي المواد وكعدنا انسوي الكبة وراها خبرني غزوان كتله جيب بقلاة
وجبوسة الخواتك واطفالهم سديته من عنده وحوراء راحت تسوي الكبه عل نار واني فتت صليت الظهر وكملت واسمع صوت هوسة اطفال بناتي رغد ورسل
رسل: كافي عاد ابني تبجي كافي
رغد: يمعودين اسكتو ترى تعبت منكم روحو اشترو من الدكان
هاكم فلوس
ندم: هلا بيكم وهلا بجيتكم يمه كل الهلا
رسل ورغد، حضنو امهم: هلا يمه اشونج
ندم: الحمدلله بخير وانتو شونكم
رسل: موتني عبد الملك هاي من الصبح يبجي واني اخذت اجازة عساس درتاح
ندم: ليش يمه اشبيج تعبانه
رسل: معرف يمه بس دوخة ولعبان نفس
أنت تقرأ
اسميتها ندم
Romanceقصة فريدة من نوعها تاخذنا الزمن الطيبين اهلنا اهل المحنة والوفه «بين ندم المنادات والم الطريق، بين تضحياتي المتتالية، بين صبري وابتعادي، بين قطاري الذي لم يغادر السكة، بين شتات الحب والاجبار، بين مشقة الطريق، بين ايماني واحتسابي، بين كل ذاك ولدة...
