သမုဒ္ဒရာထက် မှိန်ပျပျလတစ်စင်း ပေါ်ထွန်းလာသကဲ့သို့ လေသည် တိမ်အစုအဝေးကြီးကို မိုးယံတလွှား တိုက်ခတ်ပို့ဆောင်လျက်။ ကျွန်းအခြေကို အရိပ်ပါးပါးခြုံလွှမ်းထားပုံမှာ ဧရာမရွက်သင်္ဘောများ၊ ဒဏ္ဍာရီလာပင်လယ်သတ္တဝါများနှင့် အခြား တစ်ပါးသော ညဥ့်သန်းခေါင်ယံရေပြင်၌ အမဲလိုက်တတ်သည့်အရာတို့ ကုန်းပြင်မြင့်ထက်မှ ရေတံခွန်သဖွယ် ယှက်ဖြာဆင်းသက်လာကြသည့်နှယ်။ မာန်ဟုန်ပြင်းပြင်းမြူနှင်းငွေ့တို့ကြား၌ပင် မှိတ်ချည်လင်းချည်တောက်ပနိုင်စွမ်းသည့် ကြယ်စင်အချို့။ လေပွေငယ်များအသွင် လှဲကျင်းခံလိုက်ရသော ကမ်းစပ်ရှိ သဲပွင့်ဖြူဖြူများက သဲတောင်ပို့များထက် ရွှေ့ပြောင်းနေရာယူလိုက်ကြ၏။
ရွက်လွှင့်ရန် အခါကောင်းမဟုတ်သော ညတစ်ညပေတည်း။
ချစ်ခင်လေးစားအပ်ပါသော တော်တူဂါသားတစ်စုတို့မှာ ဘေးကင်းလုံခြုံသော ၎င်းတို့နေအိမ်များထဲ စည်းစိမ်ယစ်နေကြသည်။ ထိုမှတစ်ပါး ဖြတ်လမ်းဖြင့် ချမ်းသာလာသူများ၊ အထင်ကြီးခံလိုသော လူစွန့်စားများနှင့် လူသတ်သမားများအားလုံး သစ္စာတော်ခံတံတား၌ ဗျစ်၊ ရမ်များဖြင့် ပွဲတော်တည်လျက်ရှိကြသည်။
မုန်တိုင်းစုရပ်ဆီမှ လာသော မိုးသက်လေပြင်းကြား ဘုံဆိုင်မှ ဆူညံသံများကို မိုင်ဝက်အကွာမှပင် ကြားနိုင်သည်။ ရယ်သံ၊ အော်ဟစ်သံနှင့် ရံဖန်ရံခါ သေနတ်ပစ်ဖောက်သံများ ညဥ့်ယံထဲ လွင့်ပျံနေသကဲ့သို့ ယစ်ထုပ်ကြီးများ သံပြိုင်ဟစ်ကြွေးကြသည်ကား ၎င်းတို့အားလုံး ကျွမ်းဝင်ပြီးသော
" ယို ဟို၊ ယိုးး ဟို၊
ပင်လယ်ဓါးပြဘဝဟာ ငါ့အတွက်ပါ။
တို့တစ်တွေ မီးရှို့ပစ်လိုက်၊ လောင်ကျွမ်းသွားလိုက်၊ မီးလောင်ရာလေပင့်လိုက်၊ လောင်မြှိုက်လိုက်နဲ့...
ငါ့အတွက် တစ်ခွက်လောက်မော့ပစ်လိုက်စမ်း၊ ယို ဟို။
မြို့ပြကြီးကို သီချင်းနဲ့ ကိုင်လှုပ်ပစ်မလေ။ ငါတို့ဟာ ငချွတ်လေးတွေပါ...ငါ့အတွက် အားရပါးရမော့သောက်ပစ်လိုက်၊ ယို ဟို။
ယို ဟို၊ ယိုးး ဟို၊
ပင်လယ်ဓါးပြဘဝဟာ ငါ့အတွက်ပါ...၊"
YOU ARE READING
ဂျက်စပဲရိုး၊ မုန်တိုင်းအဝင် (Completed)
Adventureပုလဲနက်မတိုင်မီကာလ၌ ရွက်သင်္ဘောမှောင်ခိုစီးသူ လူငယ်တစ်ဦးရှိခဲ့သည်၊ အမည်ကား ဂျက်စပဲရိုး...။ စွန့်လွှတ်စွန့်စားလိုသော ဆယ်ကျော်သက်အရွယ် လူငယ်လေးဂျက်စပဲရိုးသည် ထွေရာလေးပါးသင်္ဘောသားတစ်စုနှင့် ပေါင်းမိသွားကာ သူတို့သည် တစ်သက်ပတ်လုံးစူးစမ်းရှာဖွေသွားကြ...
