گرستال

بارت 14

#گرستال

الكاتبه ٱفاطم afatm11
Ins:: ef.ef_ef

~~~~~~~~~

ردني ردني يالبگتني بليلة أجيتك دورت روحي اعلئ روحي لا شفتها ولا لگيتك .

*****

الوتين: التفت عليه مبتسم رجع كعد يمي على طارف الجربايه

::: اني يمان والي خاطفج اسمه ٱسر

باوعتله متفاجأه بكلامه

::: لبيد منوو

::: لبيد صديق ٱسر

حسيت دماغي افتر ماكاعد افهم شي هو كال اسمي لبيد وأخوه يكول اسمه ٱسر هسه اني منو خاطفني لبيد لو ٱسر ..

::: منو خطفني ؟؟

::: عزيز هو الي خطفج لان انتي قدمتي شكوى على ابنه عذبج وراد يكتلج بس ٱسر ماقبل اقترح عليه يخطفج ويسلمج لجماعة لبيد يكتلوج بعد ماوافق
عزيز خطفج ٱسر وبقيتي يمه لان هو مايكدر يسلمج
اللبيد ...

انصدمت من كلامه رديت عليه

::: ليش ماقبل يسلمني عرض نفسه للخطر علمودي
وهسه الشرطه تدور علينه وعزيز يدور علينه

ضحك ضحكه بصوت خفيف

::: هههه لاتخافين الضابط يمان يمج وراح يحميكم

حاط إصبعه على شاربه ويفتل بيه ..

::: يعني على أساس انته قوي مو عزيز جان خاطفك
لو مااني أضحي بااديه جان هسه انته محترك

ضربني حيل على راسي

::: انجبي لجج بعدج بسم الله تعيريني

حركت جتفي بمعني لا

:: مااعيرك بس داگلك يعني شنترجه من واحد كاعد أبيت وردي

::: ضحك بصوت

::؛ ههههه هذا بيت مهرتي

::: مهرتك منو

جر حسره عيونه دمعن

::: مهره تحب اللون الوردي واني وعدتها بس اخذها
اعيشها أبيت وردي

::: حتى الحيوانات الها

كام من يمي مبتعد راح سحب الستاره يباوع من الشباگ

؛؛؛ كلشي لمهرتي الحيوانات والبيت وصاحب البيت كله لمهره

صفنت على كلامه احس هالاسماء مو غريبه عليه
يمان ومهره وٱسر احس نفسي سامعتهن .. بس ماذكر وين ::

::: اذا جنت تحبها لهل درجه ليش ماتتزوجون

التفت عليه مبتسم

::: مابقى شي ونتزوح ادعيلنا الله يفرجها علينه

::: لابله وشكو ادعيلك خلي ادعي لروحي اشرد منكم