گرستال

بارت 17

#گرستال

للگاتبه ٱفاطم
Ins. ef.ef_ef

..أنا شناسي..؟
أحط راسي وأريد أغفىٰ

وألف شغلة تجي براسي
أضّل أتلمس بگلبي

أضل أحسب ..
عددهن كامل جروحي

كلشي أذكر ..
انا ما ناسي بس روحي

......

نزل رأسه وكال كلمه خله كلوبنه توكف من الصدمه

::: البقاء بحياتكم أن لله وانا اليه راجعون

.. الهدوء عم المكان بس صوت انفاسنه مسموعه يمان صافن حتى الدمعه ماتنزل من عينه ..

طلعوها من صالة العمليات مهرتي الجانت ضوه يشع
هسه الوجهه مطعون ازرگ الشفه بيضه .. راحلها يمان يرگض ..

::: مهره حبيبتي مابيج شي يروحي راح تكعدين اني اعرفج ماتعوفيني ..

عافاها وراح للطبيب لزمه من ياخته

:: اخذ روحي انطيها الها .. أخذ كلبي خلي الها خلي تعيش ..

::: الله يصبركم هذا أمر الله

صاح بالدكتور صوت خلانه نفزز من صفنتنه

:::: لااااا مو أمر الله خليها تعيش ماتموت مهره ماتعوفني

رحت اركض عليه

::: يمه يمان لاتكفر كول ياالله

دفعني وراحلها

لازمها من وجهها ويحجي وياها

:: ماعليج منهم انتي وعدتيني تبقين وياي كلتي ماراح اعوفك ليش هسه تردين تعوفيني لييش مهره

::: اكعدي اخذج لبيتنه مو كلتي اني اريد حديقة كلها ورد اشوفج الورد الي زرعته على مودج .. مو تردين بيت وردي سويتلج احلى بيت لونه وردي ..

::: اكعدي مهرتي ينطيج كلبج تعوفيني وحيدي وتروحين .. احنا اتفقنا نعيش سوه ونموت سوه
لاتعذبيني مهره ..

:: سيف الدين :: اول مره اشوف الحب الحقيقي بعيوني اول مره اشوف زلمه بطوله وعرضه مكسور ويبجي مااهتم للموجودين جان بغير عالم يحجي وياها كأنها تسمعه وتشوفه .. مهاب حالتها مو احسن من حاله ملخت وجهها خلت الدم يصب

::: ام وتين كولي ياالله لاتعترضين على حكم رب العالمين

::: هاي بنيتي ماتت مكسوره من اقرب الناس الها
شنو ذنبها تموت هيج بعدها طفله ماشافت من حياتها كل ذنبها لان حبت الله ياخذ الحب .. الي دمر حياتها

::: ام وتين الزلمه مكسور عليها أكثر منه هو هم مو ذنبه الي صار هذا قدر مكتوبلهم يعيشون ويشوفون كل هذا

حجه بصوت خافت شبه مهموس

::: لا مو قدرها مهرتي مو قدرها تموت كل هذا صار بسببي لو عايفها ماجان ضربوها لو مابقيت مصر عليها واتقدملها كل فتره ما ماتت مهره