گرستال

البارت 1

#گرستال

للكاتبه ٱفاطم
.. afatm11
Ins.. / ef.ef_ef
......
                          مثل ممشه الهوادج مال وكتي 
                                     وياي !
على ناگه هزيله بضهر حيله انهد ..

ضعت مثل الكتابه بجف اليرجفون.

بحيث الجسم صاير يدخل بمعضد...

~~~~~~~~~~~~~~~~~~~~~~~~~~~

امشي بالشوارع مثل الضايعه.. صوت دكات كلبي

المسموعه .. رجفت عظامي الي طكهن البرد ..

لافه روحي بالعبايه اخاف أحد يباوعلي بنظره

.. روحي تلوب على وليداتي هسه اگلوا شربوا

وصلت يم محل المخضر اريد أخذ مسواگ البيت

اخذت اللازم وطلعت امشي وصوت الچلاب يزرف
اذني ..

اريد اليوصلني للبيت من التعب احس جسمي يون

...
شغل الخدامه مو سهل اشتغل من السبعه الصبح

لثمانيه بليل احصلي عشر الاف معيشه بيها جهالي

.. بنياتي الثلاثه ووليدي سيوفي الي جنت رايدته
سند إليه بكبرتي..

تعرض لحادث وهو عمره ست سنين صار عنده التهاب بالعظم وانبترت أقدامه ثنينهن من كد ماصرخ
من الالم انقطعت عنده الاحبال الصوتيه وحالته
كل يوم بالاسوء الالتهاب صاعد لفخاذه ومااكدر
اعالجه..

وصلت للبيت دفعت الباب وطبيت تگتم بنيتي الصغيره بصف الثاني ابتدائي نايمه على بطنها يم الصوبه النفطيه وتگتب بواجباتها ..

..مااجت الوتين

هزت راسها بمعنى لا موتتني هالوتين دومها شالعه

كلبي أتوسل بيها اكلها يمه لاتطلعين بس تعاند ومااكدرلها 

فتت للغرفه سيوفي نايم  ومسله تلعب بشعره

.. تعاي يمه فرغي المسواك حطيته بالمطبخ

.. هزت راسها وكالت

.. اي يمه كايمه طبي للحمام اسبحي علمود احظر
ملابسج ونتعشى ..

بست سيوفي من رأسه وفتت للحمام وكلبي مشتعل نار ع الوتين ..

دكت الباب تكتم

.. يمه هاج ملابسج

طلعتلي دشداشتي السوده من مات المرحوم لليوم اني لابسه الاسود حرمت عليه الالوان ..

لبستها وطلعت مسله مسويه تمن عدس وروبه
حاطات الصينيه بالغرفه يم سيوفي شلت الصوبه
من الصاله واخذتها للغرفه...

... كعدت اكل واوكل وليدي عزلت للوتين ماعون تمن
وطاسة روبه ..

خلصنه عشانه وكعدت بالباب انتظرها تجي