گرستال

بارت 20

#گرستال
للكاتبه ٱفاطم
Ins: ef.ef_ef
...
و اهيسك جرح بـ جروحي
يمرمرني و تحـن روحـي

...

وتين :: على الصوت فزينه كلنه طلعت أمي تركض واحنا وياها لكينا تكتم كاعد على الصاله وتبجي
بهستيريه جسمها يرجف

مهاب:: شبيج يمه شصايرلج

: باوعت للحمام واشرت باايدها

:: حور يمه

عفناها ورحنه للحمام فتحت الباب امي وصاحت صوت عالي

:: حووووررر

رحنه عليها نريد نرفعها من الكاع اجه ابوها وأخوها يركضون على الصوت

سيف الدين:: باهرررر بسرعه طلع السياره من الكراج

كوه رفعوها سابحه بدمها شايلها ابوها والدم يقطر منها بالكاع
مهاب :: ديربالجن على اخوجن وعلى الحجيه ولاتفتحن الباب الي أحد

راحت امي وياهم وبقينه اني ومسله وتكتم بالبيت

مسله:: هسه يجيبوها كلشي مابيها

وتين :: شمدريج كلشي مابيها يمكن كاطعه الوريد

:: لا جرح سطحي هذا

:: شلون عرفتي لازم مجربه

:: اي حاولت اكتل نفسي. بس حرامات طلع سطحي ومامتت

:: يااا حرامات لو ميته جان خلصنا

باوعت لتكتم كاعده على. القنفه وتبجي رحت يمها

:: شبيج حبيبتي انسي مابيها شي شويه مجروحه

:: وتييين شفتها وهيه تجررح ايدهااا مااكدر منظر الدم مايروح من بالي

:: شبيج يمعوده شكد فاهيه ولج اني شفت واحد يذبحوه كدامي ومابجيت بكدج

مسله:: عيني احنا متعودين هاي بعدها كتكوته

:: الي يسمعج يكول عمرها خمسين سنه

:: صح مو خمسين بس عايشه اكبر من عمري

:: صارت الساعه ب٣ الصبح وهمه ماكو مسله دكت على باهر كايللها ماكو شي هسه نرجع
عفتهن كاعدات وطلعت بالحديقه كلها ريحة ياس
الهوى بارد لان وكت الفجر رحت اتمشى للباب
فتحتها وكعت على دچه صايره مقابيل البيت
كاعده وعوده باايدي احفر بالتراب..
ماحسيت غير ضربه على راسي قويه رفعت راسي اباوع تفاجأت من شفته كعد يمي بقيت صافنه عليه ماادري حقيقه لو حلم

:: شسوين بره بهيج وگت

:: احمد صدك لو تشاقه هذا انته

كرصته حيل من زنده اريد اتاكد

:: هييي شبيج

::يعني انته موجود مو خيال

باوعتله بنظرة عتب