گرستال

بارت 19,

#گرستال
للكاتبه ٱفاطم
Ins:: ef.ef_ef

بَياضچ حاد مو فاهي
وشمسنا گبال وجهچ گمره تتحول
ما بين الگطن والغيّم والنجمات
لونچ ماخذ الأول .

....

مسله// رجعنا للبيت والفرحه ماواسعتني اول مادخلنا تلكتنه حور تبجي حضنت باهر وتحجي وياه

:: شبيج منو وياج حوريتي

:: ام صباح تكلي اذا ماشهدتي ضد مسله اكلهم جانت تزني وابني يستر عليها

:: خلي تولي ماعليج بيها ولاتسمعين لكلامها بيها حظ مو بس تحجي

:: عفتهم وطبيت هيه اصلا حور بلاتهديدات توكف وي رجلها مو انوب يهددوها اصلا ماجنت خايفه من القضيه كلها مايهمني سواء ينحكم صباح أو لا
لكيت وتين راجعه للبيت كاعده بالغرفه تسولف هي وتكتم وسيف مدد يمهن

:: كولولي مبروك

وتين :: مبروك عليمن

:: ناجحه

هزت أيدها ماعاجبها كامت تكتم تركض حضنتني

:: الف مبروك يعني رحتي للمتوسطه

:: اي واخيرا خلصت منج

كعدت يمهن سألتني وتين على زواج امي وشنو الصار سولفتلها كلشي حتى الاعتداء عليه .. جانت تسمع وهيه ساكته كاانها عايشه اشياء اصعب من الي عشناها للظهر اجت ماما جانت بالسوك هيه وعمو تجيب مسواك للبيت

:: كومي مسله وياي بسرعه خلي نحضر الغده

:: ماطلعت شنو بس اني بالبيت كولي لحور

:: كومي حور مريضه

:: مريضه شبيها قزرقرط

ضربتني حيل على راسي
:: السانج كومي بسرعه راح تصير الوحده

كمت وياها بس لان خطيه وحدها وتتعب وتين كامت وياي هيه مسويته الغده بس نحضر ونحمي..

كملنه كلشي واخذنه الاكل للصاله كلهم باركولي على النجاح كعدنه نأكل وحور ووتين ماكعدن صايرات شلون الأرامل بس يبجن خاصة وتين انوب ماعدها شعر وهيه ضعيفه صايره تخوف بالشكل

سيف الدين// بأجر المحكمه مسله بويه اريدج قويه شيسألج القاضي تجاوبين لاتخافين اني وياج

مسله // لاعمو اصلا ماخايفه

مهاب // اريد اروح لمهره كلبي طاگ عليها هيه ويمان

سيف الدين ،// أن شاءالله العصر نروح اني وياج
نزورهم

:: اتفقت ماما وعمو يرحون الزياره غسلنه المواعين اني وتكتم ورحت للغرفه مددت يم وتين

:: اكول وتين الخطفج حلوو

:: ماادري

:: شلون ماتدرين مو شايفته