گرستال

بارت 18

#گرستال
للكاتبه ٱفاطم
Ins.. ef.ef_ef
ميهمني بعد تنباگ ما تنباگ
الوجع نفس الوجع بفراكك وملكاك !

.........

مسله:: البيت كله مخبوص باهر يركض بقضيتي
مشلوع كلبه وامي من بعد ما ماتت مهره مااجت للبيت مكابله المركز وكاعده علمود وتين .. حتى عمو سيف مايجي للبيت صارلهم يومين ماشايفيهم .
خاله نسرين خطيه ملتهيه مدري للشغل مدري النه
انوب بيبي حالتها فدنوب انتكست اخذت التلفون رحت اخابر باهر يجي يأخذها للطبيب لان اشوفه تتوجع اموت قهر ..
:: اول مافتح خط سمعته يصيح

::: شبيك تصيح حتى الناس ماخلصانه منك ومن صياحك
صاح بيه صوت

::: وانتي منو يمج احجي شتردين فضيني

:: عيني تعال ام ابوك متخربطه
راد يصيح بيه بسرعه سديت التلفون بوجهه ضل يدك ماشلته خفت يرزلني طلعت رجعت التلفون جوه رأسها ورجعت لغرفتي كعدت اباوع تلفزيون .. سمعت طكطكه بره نصيت الصوت وطلعت ..

لكيتهم بغرفة بيبي باهر وحور وعمه نسرين
طبيت يمهم كاعد باهر يمها على الجربايه ويتوسل بيها تروح للطبيب

::: لازم نروح للطبيب يشوف حالتج

:: مابيه شي خلوني اموت ابيتي

:: كولي ياالله حجيه مايصير اله الخير كومي وياي

عمتي نسرين قنعته كوه اقتنعت كعدت تبدللها واحنه
طلعنه هستوني اريد ارجع للغرفه لزمني من ايدي طبينه للغرفه وسد الباب

::: شبيك ترى وجعتني ليش هيج تسحل بيه

لزمني من شعري يحجي بعصبيه

::/ شلون تعلين صوتج لججج تسدين التلفون بوجهي
والله اذا انعادت محد يخلصج من ايدي

دفعني حيل انلطخت بالكنتور كعدت كمت ابجي
اتذكرت أبويه من جان يضرب ماما وتين كلهم الزلم نفس الشي حقيرين وبلا احساس
رحت للمرايه عدلت شعري رفعت ليفوك وطلعت
لكيته كاعد يدخن ويباوع بتلفون .. وصلت يمه رفع رأسه باوعلي ورجع عينه بالتلفون شويه وصاحته عمه نسرين يحط بيبي بالعربانه .. طلعت حور وياهم
وراحو

رجعت لغرفتي مددت ونمت ماحسيت غير للمغرب كعدت وي عمه نسرين احظر العشه تذكرت سيف بالغرفه وحده رحت اركض شلون نسيته الله ياخذني.. لكيته يباوع ودموعه تنزل تقربت عليه لكيت ريحه قويه من يمه . رفعت رجليه أبدله وانظفه .. ماما ابد ماتقبل بس هسه لان مضطره
والا جانت ابد ماتخلينه تكول حرام حتى لو اخوجن

.. كملت وعطرته وانطيته مي شربته وطلعت

::: اكلج عمه شنو بيبي لسه مااجت من الطبيب

:: لايعمه وين واكو مااجت خايفه لاامي تنام مستشفى واضل حايره منهو ينام وياها وانتن وحدجن