الوردة الذابلة

الفصل الاول

#الوردة_الذابلة
للكاتبة #صبا_يوسف

سووا منشن لاصدقائكم يقرون الرواية
قبل القراءة صوتوا ، رجاءاً .

_____________________________

الشخصيات الرئيسية :
روز : 23 سنه _ عارضه ازياء
رامي : 29 سنه_صاحب شركه ومصمم ازياء
ادم : 30 سنه _ طبيب نفسي
ساره :25 سنه _ عارضه ازياء
صافي : 26 سنه_اخت روز
وهناك شخصيات ثانويه اخرى في القصه

عائلة روز من العراق بس بسبب الضروف اضطروا يستقرون بلبنان . متكونة من امها واختها صافي ، ابوها متوفي .

عائلة ادم من العراق ايضاً متكونين من الاب والام واخين واخت . مستقرين بغداد بس هو الى سافر واستقر بأمريكا ، اعزب .

اما رامي فهو الوحيد لامه وابوه ، عراقي الاصل بس عايشين بلبنان منذ زمن طويل حته هو مولود بلبنان ومشايف العراق .

بداية القصة

#الراوي

في المطار ...

صافي : كعدي هنا ولا تتحركين الا لمن ارجعلج .

روز : اوكي .

راحت صافي حته تكمل اجراءات السفر ، و روز كاعدة تنتظر اختها . كامت من الكرسي حته تتمشى وتنفه عن نفسها .

لحد ما حست بدوخة وبهاي اللحظة ضلت تتفقد المكان حولها ، وكفت بمكانها ولزمت رأسها ، غمضت عينها قوي .

نزلت دمعة من عينها ، توجهت على واحد من الي جانوا بالمكان وسألته
- وين اني ؟ شلون اجيت ؟ منو اني ؟ .

الرجل انذهل وما عرف شيجاوبها ، عافته وكامت تفتر على كل الموجودين وتسألهم نفس الاسئلة .

كل الي بالمكان يباوعولها باستغراب ومحد يعرف شيكولولها لحد ما فقدت وعيها .

رجعت صافي للمكان الي بقت اختها كاعدة بي بس ملكتها ، وبدت تدور عليها بالاماكن القريبة منها .

شافت الناس متجمعين حول شخص ، ركضت حته تشوف شكو ؟ شافت روز واكعه على الكاع .

صيحت : بلا زحمة وخروا عنها هاي اختي .

ضلت صافي تصيح عليها حته تكعد وتستعاد وعيها : فتحي عينج .

رشوا على وجهه شوية مي ، وره شوية كعدت روز بس ضلت تباوع حولها بتسائل شكو شصار ؟ .

ساعدتها صافي حته تكومها من الكاع ، بعدين كعدتها على كرسي وشرحتلها الي صار .

_________