#الوردة_الذابلة
للكاتبة #صبا_يوسف
سووا منشن لاصدقائكم يقرون الرواية .
موتنسون التصويت ، لان كلش مهم .
_____________________________
#الراوي
حضنتها وباستها بعدين كملت كلامها: شكراً يا اغلى اخت بالدنيا .
- ربي ميحرمني منج حبيبتي . قالتها صافي بابتسامة .
كملت كلامها : يلاا خلي نتريك ، اني متت من الجوع .
عافت روز بالهول الي اخذت تلفونها وكامت تكلب بي ، وراحت للمطبخ تسوي ريوك ، سوت شاي وطكت بيضتين ، حضرت السفرة بعدين صاحت على اختها .
- يلا روز تعالي .
ذبت روز تلفونها على القنفة ، وراحت للمطبخ ، كعدوا حول الطاولة وبدوا ياكلون ، بينما دايتريكون ، اندك جرس الشقة .
راحت صافي وفتحت الباب ، لكت ادم وبيده قالب كيك ، صافي ابتسمت من شافت ادم يعرف بعيد ميلاد اختها ، ويريد يشاركها بهذا اليوم .
- صباح الخير . قالها ادم بلطف .
- صباح النور ، تفضل دكتور .
- روز وين ؟! . سأل بصوت ناصي .
بهاي الاثناء ، طلعت روز من المطبخ وشافت ادم .
- اهلاً وسهلاً دكتـ .. . قالتها بس ما كملت كلامها ، لان اجه نظرها على الكيكة .
ارتسمت البسمة على شفتها ، فرحت من شافت اهتمام ادم بيها ، وخاصةً هي بدت مشاعرها تتحرك اتجاهه .
- كل عام وانتِ بالف خير . قالها ادم بابتسامة وهو يتوجه الها ، بعدين انطاها قالب الكيك .
- وانت بالف خير دكتور ، صدوك هاي مفاجأة كلش حلوة . قالتها روز بحماس . بعدين سرحت بذكرياتها للماضي .
رجعت بذكرياتها
اليوم هو يصادف عيد ميلاد رامي ، لهذا قررت انه تسويله حفلة وتعزم كل اصدقائهم ، كنوع من المفاجأه اله .
أنت تقرأ
الوردة الذابلة
Romanceفتاة احبت فكان حب مليء بالمتاعب حتى انها خسرت اهم الاشياء عند الانسان وتغيرت حياتها ، دعونا نرى ما الذي حصل وكيف تعاملت مع وضعها الجديد وهل لها ان تواجه معاناتها لتعود تلك الفتاة باشراقتها السابقة ؟! . هذه اول راويه اكتبها #ارجو ان تستمتعوا بالقراء...
