#الوردة_الذابلة
للكاتبة #صبا_يوسف
سووا منشن لاصدقائكم يقرون الرواية .
ارجو التصويت ، لان كلش مهم ، ربي يسعدكم .
_____________________________
#الراوي
الوقت تأخر صارت الساعة بالثانية بالليل ورامي بعده مراجع للبيت ، ساره من شافته اتأخر كلش قلقت عليه .
تفتر بالغرفة والافكار توديها وتجيبها ، وتحجي ويه روحها : شنو صار وياه ؟ يمه خاف صايرله شيء لا سامح الله ، لا لا لا ساره لا تفكرين بهاي الافكار السلبية ، اكيد مشغول بفد شغلة .
سكتت شوية ورجعت تحجي ويه نفسها : وليش اني قلقانه عليه اذا هو ميسأل عليّ ولا يكول ميتة عايشة ، خلي يولي واروح انام احسنلي .
توجهت للسرير وتمددت ،غمضت عيونها بس وره دقايق فتحتها .
رجعت تحجي ويه نفسها : شلون لو صارله شيء شلون راح اعرف .
كامت من السرير وراحت للبلكونة الي بغرفتها حته تطمن وراها دخلت .
رجعت تفتر بالغرفة مره ثانية وكلش قلقانة ، وره شويه سمعت صوت سيارته ، ركضت للبلكونة ، شافت رامي ممتزن بمشيته ، يروح يمنه ويسره .
ركضت بسرعة ونزلت جوه حته فتحتله الباب .
قالت بصدمة : عزه رامي سكران .
من دخل ، لزمت ايده وساعدته حته توصله للغرفة ، قررت تنيمه بغرفته هاي الليلة وهي تنام بالهول .
بلكوة ساندته لان ذاب ثكله كله عليها ، الف يا ويل وصلته للغرفة .
من داتريد تنيمه على السرير ، حضنها وقاللها بصوت نعسان ومو بوعيه
- احبج .
لمن سمعت هاي الكلمة طارت من الفرح ، هذا الي داتسمعه صحيح ؟ ، ممصدكة رامي هيج يكوللها .
حجت بقلبها : شكد حلو اني بين ايديه رأسي على صدره ، اي هذا مو حلم وحتلو حلم مااريد اكعد منه ابد .
أنت تقرأ
الوردة الذابلة
Romanceفتاة احبت فكان حب مليء بالمتاعب حتى انها خسرت اهم الاشياء عند الانسان وتغيرت حياتها ، دعونا نرى ما الذي حصل وكيف تعاملت مع وضعها الجديد وهل لها ان تواجه معاناتها لتعود تلك الفتاة باشراقتها السابقة ؟! . هذه اول راويه اكتبها #ارجو ان تستمتعوا بالقراء...
