#الوردة_الذابلة
للكاتبة #صبا_يوسف
سووا منشن لاصدقائكم يقرون الرواية ..
صوتوا رجاءاً ، لان التصويت جداً مهم ..
_____________________________
#الراوي
- مااعرف شبيها اختج ، تكولي منو انتِ مداتعرفني . قالت الام والدموع تجمعت بعيونها .
استغربت صافي من حجي امها ، فراحت على روز ، كعدت يمها على الكاع .
صافي بحنية : روز حبيبتي ، ليش تبجين ؟! .
- انتِ منو ؟! ، اني وين ؟! . قالتها روز وسط دموعها .
صفنت صافي بوجه اختها متعجبة ، بعدين قالتلها : تعالي خلي اوديج لسريرج ونامي .
ام روز تباوع لبنتها وتبجين ، ما بيدها شيء حته تنقذ بنتها .
- غير اعرف انتوا منو ؟! ، وهاي المرية ليش تبجي ؟ . سألت روز بعدما مسحت دموعها .
- حبيبتي احنه اهلج .
- اهلي ؟ ، شلون واني اول مره اشوفكم .
- نامي شوية ، وهسه تتذكرين كلشي .
ودتها صافي للسرير ، بعدين راحت جابتلها حباية منوم ، اخذتها روز ووره اقل من عشر دقائق نامت .
بالليل ، روز وصافي وأمهم كاعدين بغرفة الاستقبال دايباوعون مسلسل ، جان صوت التلفزيون كلش عالي .
روز بالها مو يم المسلسل نهائياً ، تفكر .
لهذا نصت صوت التلفزيون وقالت بصوت مخنوك ومتقطع
- راح اعوف الشغل واسافر ، بس مااريد اي واحد يعرف شصارلي .
صافي وامها داروا وجوههم عليها بتعجب .
- انت شداتكولين ؟! . قالت صافي .
- انت مداتشوفين شصارلي ؟! ، بديت افقد الذاكرة ومدااكدر اعرفكم . قالت روز بعصبية والدموع تنزل من عيونها لا ارادياً .
أنت تقرأ
الوردة الذابلة
Romanceفتاة احبت فكان حب مليء بالمتاعب حتى انها خسرت اهم الاشياء عند الانسان وتغيرت حياتها ، دعونا نرى ما الذي حصل وكيف تعاملت مع وضعها الجديد وهل لها ان تواجه معاناتها لتعود تلك الفتاة باشراقتها السابقة ؟! . هذه اول راويه اكتبها #ارجو ان تستمتعوا بالقراء...
