الوردة الذابلة

الفصل الثاني

#الوردة_الذابلة
للكاتبة #صبا_يوسف

سووا منشن لاصدقائكم يقرون الرواية .
صوتوا قبل القراءة لان كلش مهم التصويت .

_____________________________

#الراوي

عاف رامي وائل وتوجه لروز ، جانت واقفة وحدها

- تسمحيلي ارقص وياج ؟!. قالها رامي بلطف .

سكتت شوية بعدين جاوبته بخجل : ماكو مانع .

كاموا يرقصون سوه ، بعد صمت لدقائق معدودة كلش بده رامي بالكلام بابتسامة بسيطة .

- اكدر اعقد وياج صفقة ؟ .

لمن سمعت كلامه باوعتله بتعجب .

كمل كلامه وقال : اريدج تشتغلين بشركتي .

رأساً وكفت عن الرقص ، تفاجئت من كلامه نزلت ايدها عن كتفه وسحبت الثانيه من ايده .

رامي باستغراب : شكو شصار ؟! . واذا جنتي خايفة على شغلج ، تره وائل يدري بعرضي الج .

وائل جان مراقبهم من بعيد ، فمن شاف ردة فعل روز توجه عليهم وقاللها : لا تخافين هذا بس عقد وانت الج حرية الاختيار .

روز بس تريد تسد الموضوع من الاحراج : اوكي ، نتقابل باجر حته اشوف شنو مضمون هذا العقد .

رامي : صدوك ! اني كلش فرحان .

ابتسمتله ابتسامة مجاملة بعدين قالتله : تشرفت بمعرفتك استاذ مرة ثانية ، اترخص . عافتهم وراحت .

وره ما راحت روز ، اجه لؤي صديق رامي وقاللهم
- يله تعالوا نكمل سهرتنه بالملهى خلينه نتونس شوية .

رامي : وليش ما تتونس مو انت حصلت على جائزة احسن مصمم .

وبالفعل ، راحوا هناك وقاموا يشربون وتونسوا ما طلعوا من الملهى الا ويه اذان الفجر وجان وياهم بنات .

خلصت ذكرياتها .

روز داتحجي ويه ادم : من شفته بذلك اليوم عرفت هو نفسه الي ضربت سيارته وهم هو نفسه الي جان يباوعلي باعجاب باول عرض ازياء الي .