#الوردة_الذابلة
للكاتبة #صبا_يوسف
سووا منشن لاصدقائكم يقرون الرواية ..
لاتنسون التصويت .. ربي يسعدكم دائماً
_____________________________
#الراوي
بعدما أيس رامي من روز ، تندم لان ظلم ساره ونساها ، وهو الي اختارها بارادته وتزوجها .
لهذا بالليل ، راح لبيت اهل سارة ، ما عنده حل ثاني بس يرجعلها ويعيش حياه طبيعية وياها ويحبها ويربي طفله ، بده يشعر بالذنب من الي سواه وياها .
واكف يم الباب ومتردد يدك الباب لو لا ، حجه ويه نفسه : راح تسامحني هاي المرة ؟ ، شلون لو مقبلت تستقبلني ؟ الحق وياها ، بس لازم اخليها تثق بيه من جديد .
وره دقايق من تفكير دك جرس البيت ودار وجهه يعني انطه ظهره للباب ، فتحله الباب ابوها .
من شاف رامي صار عصبي ، وقال بنترة
- انت ؟ .
من سمع صوت ابو ساره دار وجهه عليه ، حس بالخجل لمن شاف ابوها فنزل راسه خجلان .
- السلام عليكم عمو . قالها وبعده مدنك راسه .
ابوها ما انطاه مجال ، لزمه من ياخة قميصه وقاله بصياح
- شعندك جاي هنا وره كل هذا الي سويته ببنتي .
- عمو رجاءاً ، اني اسف كلش ومتندم ، لهذا اجيت هنا حته احجي ويه ساره . قالها وهو يبعد ايدين ابو ساره من ياخة قميصه .
- ساره مو هنا ، بالمستشفى . قالها ابو ساره من وره خشمه ، بس لمن سمع رامي كلام ابوها انصدم كلش .
- ليش شبيها ؟ . سأل بقلق
- وهيج يهمك امرها ؟ . رد ابوها من وره خشمه .
- عمو الله يخليك ، ساره بيا مستشفى هسه ؟ . سأل بقلق اكثر.
أنت تقرأ
الوردة الذابلة
Romanceفتاة احبت فكان حب مليء بالمتاعب حتى انها خسرت اهم الاشياء عند الانسان وتغيرت حياتها ، دعونا نرى ما الذي حصل وكيف تعاملت مع وضعها الجديد وهل لها ان تواجه معاناتها لتعود تلك الفتاة باشراقتها السابقة ؟! . هذه اول راويه اكتبها #ارجو ان تستمتعوا بالقراء...
