الأيام تذهب
وأنت تذهب
ويظل العشق والحنين
والرصاص في الأغنية.
"تعال ادخَل"
دخَل حَرير على المكتب وصار يباوع عليه
بينما الشخص الثاني يدور على شي معين
استوقفت حَرير مجموعه صور،وقَف وصَار يباوع
عليهم،اجه الشخص الثاني ووقف بـَ جانبه اشر حَرير
على وحده مِن الصور
"هذا أبسَل...اقصد العقيد أبسَل"
"اي مِن چان هستوه متخرج"
أبتسَم حَرير وصفَن بـَ الصوره،شاف شكد
أبسَل تغير
صحى مِن شروده بعد ماعطاه ملابس،اخذهم حَرير
وتشكر منه
"يلا تجي حتى اكلك وين تنام؟"
"ها،اي يلا"
راح حَرير وياه،صعدوا طابقين،وكُل هَي الطوابق
چانت لـَ اناره بيها خافته واكو قليلين جنود كاعدين وچان الرائد
الي وياه يسلم عليهم
فتَح باب وحَده مِن الغرف،شغَل الضوه واشر على سرير
يكون طابقين بَس بالطابق الفوق ماخذه شخص
"هنا نام"
جانت الغرفه بيها جنود وكلهم نايمين ومبين عليهم التعب
"باجر الصبح كُلهم يكعدون حتى يرحون ويه
لـَ فوج مالتهم،بَس انتَ اذا احد كعدك كله انتَ اجيت ويه
العقيد أبسَل،يعني ماعندك مهمه"
"شلون حيعرفون انو اني ماعندي مهمه؟"
"العقيد أبسَل وصى عليك،وكال انك مِن كَم شهر مو
ماخذ اجازه ولا رايح لـَ اهلك،تكدر تعتبر هَي اجازتك
وبعد براحتك"
هَز حَرير راسه وچان بعده كلمته بـَ راسه
'وصى عليك'
أنت تقرأ
-إِبْــتَأَسَ.
Mystery / Thrillerأنتظِرُك وأعلَم بِأن إنتِظارِي سيُكلِّفُنِي رُوحٌ تزهَقُ لا تعُود، وجَسَدٌ هزيلٌ يَعول ،سأنتَظِرُك بِفارِغْ الولَه سَأترقَبُ ساعةُ مَجِيئُك حتَّى يتوقَّفُ بِنا الزَمَن أنا على أمَلُ لُقيَاك رُغم ضيَاعُ أَمالِي.
